- ಇಂದು (ಏ.11) ಪಂಜಾಬ್ ಕಿಂಗ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ನಡುವೆ ಪಂದ್ಯ
- ಟಾಸ್ ಗೆದ್ದ ಪಂಜಾಬ್ ಮೊದಲು ಬೌಲಿಂಗ್ ಆಯ್ಕೆ
- ಪವರ್ ಪ್ಲೇನಲ್ಲಿ ದಾಖಲೆಯ ಸ್ಕೋರ್ ನಿರ್ಮಿಸಿದ ಎಸ್ಆರ್ಎಚ್ ಬ್ಯಾಟ್ಸ್ಮನ್ಗಳು
SRH vs PBKS: ಇಂದು ಪಿಸಿಎ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್ 19ನೇ ಆವೃತ್ತಿಯ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಮತ್ತು ಪಂಜಾಬ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಿವೆ. ಮೊದಲು ಬ್ಯಾಟಿಂಗ್ಗಿಳಿದ ಎಸ್ಆರ್ಎಚ್ ಬ್ಯಾಟರ್ಗಳು, ಇದೀಗ ಮೊದಲ ಆರು ಓವರ್ಗಳಲ್ಲಿ ದಾಖಲೆಯ ಸ್ಕೋರ್ ಕಲೆಹಾಕಿದ್ದಾರೆ.
ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಪಂಜಾಬ್ ಕಿಂಗ್ಸ್, ಎಸ್ಆರ್ಎಚ್ಗೆ ಬ್ಯಾಟಿಂಗ್ ಮಾಡುವಂತೆ ತಿಳಿಸಿತು. ಅಂತೆಯೇ, ಕಣಕ್ಕಿಳಿದ ಓಪನರ್ಗಳಾದ ಅಭಿಷೇಕ್ ಶರ್ಮ ಮತ್ತು ಟ್ರಾವಿಸ್ ಹೆಡ್, ಆರಂಭದ ಆರು ಓವರ್ಗಳಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಪವರ್ಪ್ಲೇ ಮುಗಿಯುವುದರೊಳಗೆ ಒಂದೇ ಒಂದು ವಿಕೆಟ್ ಕಳೆದುಕೊಳ್ಳದೆ 105 ರನ್ ಗಳಿಸಿತು. ಅಭಿಷೇಕ್ ಶರ್ಮ ಕೇವಲ 22 ಎಸೆತಗಳಲ್ಲಿ 66 ರನ್ ಗಳಿಸಿದರೆ, ಟ್ರಾವಿಸ್ 15 ಎಸೆತಗಳಲ್ಲಿ 31 ರನ್ ಗಳಿಸುವ ಮೂಲಕ ಈ ದಾಖಲೆಗೆ ಸಾಕ್ಷಿಯಾದರು.
ಈಗಾಗಲೇ ಐಪಿಎಲ್ ಇತಿಹಾಸದಲ್ಲಿ ಅತ್ಯಧಿಕ ಪವರ್ ಪ್ಲೇ ಸ್ಕೋರ್ ಗಳಿಸಿದ ದಾಖಲೆಯನ್ನು ಸನ್ರೈಸರ್ಸ್ ತಂಡ ಹೊಂದಿದೆ. 2024ರಲ್ಲಿ, ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 125/0 ಸ್ಕೋರ್ನೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಅದೇ ವರ್ಷ, ಲಖನೌ ಸೂಪರ್ ಜೈಂಟ್ಸ್ ವಿರುದ್ಧ 107/0 ಗಳಿಸಿತ್ತು. ಈಗ, 19ನೇ ಆವೃತ್ತಿಯಲ್ಲಿ ಪಂಜಾಬ್ ವಿರುದ್ಧ 105 ರನ್ ಕಲೆಹಾಕುವ ಮುಖೇನ ಮೂರನೇ ಸ್ಥಾನ ಪಡೆದುಕೊಂಡಿದೆ.
ಐಪಿಎಲ್ನಲ್ಲಿ ಅತ್ಯಧಿಕ ಪವರ್ ಪ್ಲೇ ಸ್ಕೋರ್ಗಳು
- ಸನ್ರೈಸರ್ಸ್ ಹೈದರಾಬಾದ್ - 125/0 vs ಡೆಲ್ಲಿ ಕ್ಯಾಪಿಟಲ್ಸ್ (2024)
- ಸನ್ರೈಸರ್ಸ್ ಹೈದರಾಬಾದ್ - 107/0 vs ಲಖನೌ ಸೂಪರ್ಜೈಂಟ್ಸ್ (2024)
- ಸನ್ರೈಸರ್ಸ್ ಹೈದರಾಬಾದ್ - 105/0 vs ಪಂಜಾಬ್ ಕಿಂಗ್ಸ್ (2026)
- ಕೋಲ್ಕತ್ತಾ ನೈಟ್ ರೈಡರ್ಸ್ - 105/0 vs ರಾಯಲ್ ಚಾಲೆಂಜರ್ಸ್ ಬೆಂಗಳೂರು (2017)
- ಚೆನ್ನೈ ಸೂಪರ್ ಕಿಂಗ್ಸ್ - 100/2 vs ಪಂಜಾಬ್ ಕಿಂಗ್ಸ್ (2014)