ನವದೆಹಲಿ: ನವೆಂಬರ್ 24 ಹಾಗೂ 25ರಂದು ನಡೆಯಲಿರುವ ಐಪಿಎಲ್ ಹರಾಜಿನತ್ತ ಎಲ್ಲರ ಚಿತ್ತ ಮೂಡಿದ್ದು, ಯಾವ ಸ್ಟಾರ್ ಆಟಗಾರರನ್ನು ಆಯಾ ಫ್ರಾಂಚೈಸಿ ಖರೀದಿ ಮಾಡಲಿದೆ? ಎಷ್ಟು ಕೋಟಿ ಹಣಕ್ಕಾಗಿ ಬಿಡ್ ಮಾಡಲಿದೆ ಎಂಬ ಲೆಕ್ಕಾಚಾರಗಳು ಸದ್ಯ ಬಿರುಸಿನಿಂದ ಸಾಗಿತ್ತು. ಆದರೆ, ಮೊದಲ ದಿನದ ಹರಾಜು ಪ್ರಕ್ರಿಯೆ ಬಹುತೇಕರನ್ನು ಅಚ್ಚರಿಗೆ ದೂಡಿದೆ. ಒಂದೆಡೆ ಲೆಕ್ಕಾಚಾರಗಳೆನೋ ಜೋರಾಗಿದ್ದರೂ, ಟಾರ್ಗೆಟ್ ಮಾಡಬೇಕಿದ್ದ ಆಟಗಾರರನ್ನು ಖರೀದಿ ( IPL 2025 Auction) ಮಾಡುವಲ್ಲಿ ಆಯಾ ತಂಡಗಳು ವಿಫಲವಾಗಿರುವುದು ಇದೀಗ ಕ್ರಿಕೆಟ್ ಪ್ರಿಯರಲ್ಲಿ ಭಾರೀ ನಿರಾಸೆ ಮೂಡಿಸಿದೆ.
ಮೊದಲ ದಿನದ ಹರಾಜಿನಲ್ಲಿ ಭಾರತೀಯ ಸ್ಟಾರ್ ಆಟಗಾರರಾದ ಶ್ರೇಯಸ್ ಅಯ್ಯರ್, ರಿಷಭ್ ಪಂತ್, ಕೆ.ಎಲ್. ರಾಹುಲ್ ಮೇಲೆ ಭಾರೀ ನಿರೀಕ್ಷೆಯಿತ್ತು. ಈ ಪೈಕಿ ಅರ್ಷ್ದೀಪ್ ಸಿಂಗ್ 18 ಕೋಟಿ ರೂ.ಗೆ ಪಂಜಾಬ್ ಕಿಂಗ್ಸ್ ಸೇರಿದರೆ, ಯಜುವೇಂದ್ರ ಚಹಲ್ ಕೂಡ 18 ಕೋಟಿ ರೂ.ಗೆ ಖರೀದಿಯಾದರು. ಇನ್ನು 15.75 ಕೋಟಿಗೆ ಪವರ್ ಹಿಟ್ಟರ್ ಜೋಸ್ ಬಟ್ಲರ್ ಗುಜರಾತ್ ಟೈಟನ್ಸ್ ಸೇರಿಕೊಂಡರು.
ಇನ್ನು ಎಲ್ಲರ ಲೆಕ್ಕಾಚಾರ ತಲೆಕೆಳಗೆ ಮಾಡಿದ್ದು, ರಿಷಭ್ ಪಂತ್ ಮತ್ತು ಶ್ರೇಯಸ್ ಅಯ್ಯರ್. ಐಪಿಎಲ್ ಹರಾಜಿನಲ್ಲೇ ದಾಖಲೆ ಮೊತ್ತಕ್ಕೆ ಖರೀದಿಯಾದ ಪಂತ್, ಬರೋಬ್ಬರಿ 27 ಕೋಟಿ ರೂ.ಗೆ ಲಖನೌ ಸೂಪರ್ ಜೈಂಟ್ಸ್ ಪಾಲಾದರೆ, 26.75 ಕೋಟಿಗೆ ಶ್ರೇಯಸ್ ಪಂಜಾಬ್ ಕಿಂಗ್ಸ್ಗೆ ಖರೀದಿಯಾದರು. ಇದು ನೋಡುಗರ ಹುಬ್ಬೇರಿಸಿತು. ಆದರೆ, ಕನ್ನಡಿಗ ಕೆ.ಎಲ್. ರಾಹುಲ್ ಖರೀದಿ ಯಾರಿಗೂ ಖುಷಿ ನೀಡಲಿಲ್ಲ. ಕೇವಲ 14 ಕೋಟಿ ರೂ. ಡೆಲ್ಲಿ ಕ್ಯಾಪಿಟಲ್ಸ್ ಪಾಲಾಗಿದ್ದಾರೆ.