ಮುಂಬೈ: ಇಂದು (ನವೆಂಬರ್ 15) ಏಕದಿನ ವಿಶ್ವಕಪ್ 2023ರ ಸೆಮಿಫೈನಲ್ ಪಂದ್ಯ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯುತ್ತಿದ್ದು, ಭಾರತ ಮತ್ತು ನ್ಯೂಜಿಲೆಂಡ್ ಫೈನಲ್ ಪ್ರವೇಶಿಸಲು ಭಾರೀ ಸೆಣಸಾಟಕ್ಕೆ ಮುಂದಾಗಿದೆ. ಮೊದಲು ಟಾಸ್ ಗೆದ್ದ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ ಅವರನ್ನು ಮೊದಲು ಬೌಲಿಂಗ್ ಮಾಡಲು ಬಿಟ್ಟು, ತಾವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು.
ಬ್ಯಾಟಿಂಗ್ ಆರಂಭಿಸಿದ ರೋಹಿತ್ ಶರ್ಮಾ ಮತ್ತು ಶುಭಮನ್ ಗಿಲ್ ಭರ್ಜರಿ ಓಪನಿಂಗ್ ನೀಡಿದರು. ಸಿಕ್ಸರ್ಗಳ ಅಬ್ಬರವನ್ನು ಶುರುಮಾಡಿದ ರೋಹಿತ್, 47 ರನ್ಗೆ ಪೆವಿಲಿಯನ್ನತ್ತ ಸಾಗಿದರು. ಇದೀಗ ವಿರಾಟ್ ಕೊಹ್ಲಿ ಅಖಾಡಕ್ಕೆ ಇಳಿದಿದ್ದು, ಗಿಲ್ಗೆ ಜತೆಯಾಗಿದ್ದಾರೆ. ಸಿಕ್ಸ್, ಫೋರ್ಗಳನ್ನು ಬಾರಿಸುತ್ತಿರುವ ಶುಭಮನ್ 49* ಎಸೆತಕ್ಕೆ 63* ರನ್ಗಳನ್ನು ಗಳಿಸಿ ತಮ್ಮ ಆರ್ಭಟವನ್ನು ಮುಂದುವರಿಸಿದ್ದಾರೆ.
ಶುಭಮನ್ಗೆ ಸಾಥ್ ನೀಡುವುದರ ಜತೆಗೆ ತಮ್ಮ 50ನೇ ಶತಕ ಸಿಡಿಸಲಿದ್ದಾರಾ ವಿರಾಟ್ ಎಂಬುದನ್ನು ಕೂಡ ಕಾದು ನೋಡಬೇಕಿದೆ. ಸದ್ಯ ಟೀಮ್ ಇಂಡಿಯಾದಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಮತ್ತು ಶುಭಮನ್ ಗಿಲ್ ಅತ್ಯುತ್ತಮ ಫಾರ್ಮ್ನಲ್ಲಿದ್ದಾರೆ.