ನವದೆಹಲಿ: ಮುಂದಿನ ವರ್ಷ ನಡೆಯಲಿರುವ ಖೇಲೋ ಇಂಡಿಯಾ ಕ್ರೀಡಾಕೂಟದ ವೇಳೆ ಬ್ರಿಕ್ಸ್ ಗೇಮ್ಸ್ ಆಯೋಜಿಸಲು ಯೋಜನೆ ರೂಪಿಸಲಾಗುತ್ತಿದೆ ಎಂದು ಕ್ರೀಡಾ ಸಚಿವ ಕಿರಣ್ ರಿಜಿಜು ತಿಳಿಸಿದ್ದಾರೆ. ಬ್ರಿಕ್ಸ್ (ಬ್ರೆಜಿಲ್, ರಷ್ಯಾ, ಭಾರತ, ಚೀನಾ ಹಾಗೂ ದಕ್ಷಿಣ ಆಫ್ರಿಕಾ) ರಾಷ್ಟ್ರಗಳ ಕ್ರೀಡಾ ಸಚಿವರೊಂದಿಗೆ ಸಭೆ ನಡೆಸಿದ ಬಳಿಕ ಕಿರಣ್ ರಿಜಿಜು ಹೇಳಿದ್ದಾರೆ. ಐದು ರಾಷ್ಟ್ರಗಳ ಕ್ರೀಡಾಕೂಟಕ್ಕೆ ಭಾರತ ಅಧ್ಯಕ್ಷತೆ ವಹಿಸಲಿದೆ ಎಂದರು.
ಇದನ್ನೂ ಓದಿ: ಲಿಯೋನೆಲ್ ಮೆಸ್ಸಿ ಹೊಸ ತಂಡದ ಬಗ್ಗೆ ಮೂಡಿದೆ ಕುತೂಹಲ
2021ರ ಖೇಲೋ ಇಂಡಿಯಾ ವೇಳೆ ಅದೇ ಸ್ಥಳಗಳಲ್ಲಿ ಬ್ರಿಕ್ಸ್ ಗೇಮ್ಸ್ -2021 ನಡೆಯಲಿದ್ದು, ದೇಶದಾದ್ಯಂತ ಆಗಮಿಸುವ ಯುವ ಕ್ರೀಡಾಪಟುಗಳಿಗೆ ಬ್ರಿಕ್ಸ್ ಗೇಮ್ಸ್ ವೀಕ್ಷಿಸುವ ಅವಕಾಶ ಲಭಿಸಲಿದೆ ಎಂದು ಸಚಿವರು ವಿವರಿಸಿದರು. ನಿರೀಕ್ಷೆಯಂತೆ ಖೇಲೋ ಇಂಡಿಯಾ ಯೂತ್ ಗೇಮ್ಸ್ ಹಾಗೂ ಖೇಲೋ ಇಂಡಿಯಾ ವಿಶ್ವವಿದ್ಯಾಲಯ ಕ್ರೀಡಾಕೂಟಗಳು 2021ರಲ್ಲಿ ನಡೆಯಲಿವೆ ಎಂದು ಸಚಿವರು ವಿಶ್ವಾಸ ವ್ಯಕ್ತಪಡಿಸಿದರು. ಜತೆಗೆ ಕ್ರೀಡಾಕೂಟಗಳು ಉದ್ಘಾಟನಾ ಹಾಗೂ ಸಮಾರೋಪ ಸಮಾರಂಭದಲ್ಲಿ ಬ್ರಿಕ್ಸ್ ರಾಷ್ಟ್ರಗಳ ಸಾಂಪ್ರದಾಯಿಕ ಕಾರ್ಯಕ್ರಮಗಳು ನಡೆಯಲಿವೆ.
ಬ್ರಿಕ್ಸ್ ರಾಷ್ಟ್ರಗಳ ಪೈಕಿ ಚೀನಾ ಪಾಲ್ಗೊಳ್ಳುವಿಕೆ ಮಹತ್ವ ಪಡೆದಿದೆ. ಚೀನಾದೊಂದಿಗೆ ರಾಜತಾಂತ್ರಿಕ ಬಿಕ್ಕಟ್ಟು ಉದ್ಭವಿಸಿರುವ ಹಿನ್ನೆಲೆಯಲ್ಲಿ ಚೀನಾ ತಂಡ ಪಾಲ್ಗೊಳ್ಳುವಿಕೆಯೂ ಅನುಮಾನ ಮೂಡಿಸಿದೆ.