ಚಿಯಾಂಗ್ ಮೈ (ಥಾಯ್ಲೆಂಡ್): ಆರಂಭಿಕ ಮುನ್ನಡೆ ಕಾಯ್ದುಕೊಳ್ಳುವಲ್ಲಿ ವಿಫಲವಾದ ಭಾರತ ಫುಟ್ಬಾಲ್ ತಂಡ ಕಿಂಗ್ಸ್ ಕಪ್ ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಇರಾಕ್ ಎದುರು ಪೆನಾಲ್ಟಿ ಶೂಟೌಟ್ನಲ್ಲಿ 4-5 ಗೋಲುಗಳಿಂದ ವೀರೋಚಿತ ಸೋಲು ಅನುಭವಿಸಿದೆ. ಇದರೊಂದಿಗೆ ಭಾರತದ 11 ಪಂದ್ಯಗಳ ಅಜೇಯ ಓಟ ಕೊನೆಗೊಂಡಿದೆ.
ಸ್ಟಾರ್ ಆಟಗಾರ ಸುನೀಲ್ ಛೇಟ್ರಿ ಗೈರಿನಲ್ಲಿ ಕಣಕ್ಕಿಳಿದ ಭಾರತ (99) ತಂಡ ಫಿಫಾ ರ್ಯಾಂಕಿಂಗ್ನಲ್ಲಿ ತನಗಿಂತ ಮೇಲಿರುವ ಇರಾನ್ (70) ಎದುರು ದಿಟ್ಟ ಪ್ರತಿರೋಧ ತೋರಿತು.
ಗುರುವಾರ ನಡೆದ ಪಂದ್ಯದ ನಿಗದಿತ ಸಮಯದಲ್ಲಿ ಭಾರತ 2&2 ಗೋಲುಗಳ ಸಮಬಲ ಸಾಧಿಸಿತ್ತು. ಭಾರತದ ಪರ ಮಹೇಶ್ ನವೊರೆಮ್ (16ನೇ ನಿಮಿಷ) ಏಕೈಕ ಗೋಲುಗಳಿಸಿದರೆ, ಇರಾಕ್ ನಾಯಕ ಹಾಗೂ ಗೋಲು ಕೀಪರ್ ಜಲಾಲ್ ಹಸನ್ ಸ್ವಯಂಕೃತ ತಪ್ಪಿನಿಂದ ಭಾರತಕ್ಕೆ ಗೋಲಿನ ಉಡುಗೊರೆ ನೀಡಿದರು. ಇರಾಕ್ ಪರ ಕರೀಮ್ ಅಲಿ (28) ಹಾಗೂ ಅಯೆನ್ ದಬನ್ (79) ಗೋಲು ಸಿಡಿಸಿದರು.