ನವದೆಹಲಿ: ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಮೂರು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಮ್ಯಾಚ್ನಲ್ಲಿ ಪಾಕಿಸ್ತಾನ ತಂಡವು (Pakistan Cricket Team) ಹೀನಾಯವಾಗಿ ಸೋತಿದ್ದು, ವಿಶ್ವದ ಮುಂದೆ ಮತ್ತೊಮ್ಮೆ ನಗೆಪಾಟಲಿಗೀಡಾಗಿದೆ. ಮುಲ್ತಾನ್ನಲ್ಲಿ ನಡೆದ ಸರಣಿಯ (Series) ಮೊದಲ ಪಂದ್ಯದಲ್ಲಿ ಆತಿಥೇಯರ ವಿರುದ್ಧ ಪ್ರವಾಸಿ ತಂಡವು ಸಂಪೂರ್ಣ ಮೇಲುಗೈ ಸಾಧಿಸಿದ್ದು, ಪಾಕಿಸ್ತಾನ ಕ್ರಿಕೆಟ್ ತಂಡವು (Pakistan Cricket Team) ಭಾರೀ ಮುಖಭಂಗವನ್ನು ಅನುಭವಿಸಿದೆ. ಇದೀಗ ತಂಡದ ಭವಿಷ್ಯವನ್ನು ದೃಷ್ಟಿಯಲ್ಲಿಟ್ಟುಕೊಂಡು ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು (Pakistan Cricket Board) ಬಾಬರ್ ಅಜಂ (Babar Azam), ಶಹೀನ್ ಅಫ್ರಿದಿಗೆ (Shahin Afridi) ತಂಡದಿಂದ ಗೇಟ್ಪಾಸ್ ನೀಡಲಾಗಿದ್ದು, ಈ ವಿಚಾರ ಪರ-ವಿರೋಧದ ಚರ್ಚೆಗೆ ಆಸ್ಪದ ಮಾಡಿಕೊಟ್ಟಿದೆ.
ಇತ್ತೀಚಿನ ವರ್ಷಗಳಲ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡವು (Pakistan Cricket Team) ತನ್ನ ಕಳಪೆ ಪ್ರದರ್ಶನಕ್ಕಾಗಿ ಜಾಗತಿಕ ಮಟ್ಟದಲ್ಲಿ ಖ್ಯಾತಿ ಗಳಿಸಿದೆ. ಇದಕ್ಕೆ ಜೀವಂತೆ ನಿದರ್ಶನ ಎಂದರೆ ಟಿ20 ವಿಶ್ವಕಪ್ನಲ್ಲಿ (T20 WorldCup) ಕ್ರಿಕೆಟ್ ಶಿಶು ಯುಎಸ್ಎ (USA), ತವರು ನೆಲದಲ್ಲಿ ಬಾಂಗ್ಲಾದೇಶದ ವಿರುದ್ಧ ಟೆಸ್ಟ್ ಸರಣಿ (Test Series) ಸೋಲು ಹಾಗೂ ಆಟಗಾರರ ನಡುವಿನ ಒಳಜಗಳ ಎಂದರೆ ತಪ್ಪಾಗಲಾರದು. ಇದೀಗ ಇದಕ್ಕೆ ಬ್ರೇಕ್ ಹಾಕಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (Pakistan Cricket Board) ಮುಂದಾಗಿದ್ದು, ಬಾಬರ್ (Babar) ಹಾಗೂ ಶಹೀನ್ಗೆ (Shahin) ತಂಡದಿಂದ ಗೇಟ್ಪಾಸ್ ನೀಡಿದೆ. ಆದರೆ, ಪಿಸಿಬಿಯ (PCB) ನಡೆಗೆ ಕಿಡಿಕಾರಿರುವ ಆರಂಭಿಕ ಆಟಗಾರ ಫಖರ್ ಜಮಾನ್ (Fakhar Zaman) ವಿರಾಟ್ ಕೊಹ್ಲಿ (Virat Kohli) ವಿಚಾರವನ್ನು ಉಲ್ಲೇಖಿಸಿ ಕ್ರಿಕೆಟ್ ಮಂಡಳಿ ವಿರುದ್ಧ ಹರಿಹಾಯ್ದಿದ್ಧಾರೆ.
ಇದನ್ನೂ ಓದಿ: Haryana Assembly Election| ಕಾಂಗ್ರೆಸ್ ಪರ ವಾತಾವರಣ ನಿರ್ಮಿಸಿದರು ಸೋಲುಂಡಿದ್ದಾರೆ; ರೈತ ನಾಯಕನ ಹೇಳಿಕೆ ವೈರಲ್
ಈ ಕುರಿತು ಟ್ವೀಟ್ ಮಾಡಿರುವ ಫಖರ್ ಜಮಾನ್ (Fakhar Zaman), ಬಾಬರ್ ಅಜಂರನ್ನು ತಂಡದಿಂದ ಕೈಬಿಟ್ಟಿರುವ ಬಗ್ಗೆ ನಡೆಗೆ ಸಂಬಂಧಿಸಿದಂತೆ. 2020 ಮತ್ತು 2023 ರ ನಡುವೆ ಭಾರತವು ವಿರಾಟ್ ಕೊಹ್ಲಿಯನ್ನು ಕ್ರಮವಾಗಿ 19.33, 28.21 ಮತ್ತು 26.50 ರ ಸರಾಸರಿ ಹೊಂದಿದ್ದಾಗ ತಂಡದಿಂದ ಕೈಬಿಡದೆ ಹೆಚ್ಚಿನ ಅವಕಾಶವನ್ನು ನೀಡಿದರು. ನಾವು ನಮ್ಮ ಮೇನ್ ಬ್ಯಾಟ್ಸ್ಮನ್ಅನ್ನು ತಂಡದಿಂದ ಕೈಬಿಡುವ ಬಗ್ಗೆ ಯೋಚಿಸುತ್ತಿರುವುದನ್ನು ನೋಡಿದರೆ ಇದು ಟೀಮ್ನ ಮೇಲೆ ನಕಾರಾತ್ಮಕ ಪರಿಣಾವನ್ನು ಬೀರುತ್ತದೆ. ಅವರು ಫಾರ್ಮ್ನಲ್ಲಿರದ ಕಾರಣ ನಾವು ಪ್ಯಾನಿಕ್ ಬಟನ್ ಅನ್ನು ಒತ್ತುವುದನ್ನು ತಪ್ಪಿಸಲು ನಾವು ಅವರನ್ನು ದುರ್ಬಲಗೊಳಿಸುವುದಕ್ಕಿಂತ ಹೆಚ್ಚಾಗಿ ಅವರನ್ನು ರಕ್ಷಿಸುವತ್ತ ಗಮನಹರಿಸಬೇಕಿದೆ ಎಂದು ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರ ಫಖರ್ ಜಮಾನ್ (Fakhar Zaman) ಹೇಳಿದ್ದಾರೆ.
ಈ ಕುರಿತು ಮಾತನಾಡಿರುವ ಆಯ್ಕೆ ಸಮಿತಿ ಸದಸ್ಯ ಆಕಿಬ್ ಜಾವೇದ್ (Aaqib Javed), ಬಾಬರ್ (Babar Azam) ಹಾಗೂ ಶಹೀನ್ಗೆ (Shahin) ವಿರಾಮದ ಅಗತ್ಯವಿದ್ದು, ಈ ನಿಟ್ಟಿನಲ್ಲಿ ಅವರನ್ನು ಸರಣಿಯ ಎರಡನೇ ಪಂದ್ಯದಿಂದ ಹೊರಗಿಡಲಾಗಿದೆ. ಫಾರ್ಮ್ ಸಮಸ್ಯೆಯ ಕಾರಣ ಉಳಿದ ಆಟಗಾರರನ್ನು ತಂಡದಿಂದ ಕೈ ಬಿಡಲಾಗಿದ್ದು ಬೇರೆಯವರಿಗೆ ಅವಕಾಶ ನೀಡಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.