ಪುಣೆ: ಭಾರತ ಮತ್ತು ಮಹಾರಾಷ್ಟ್ರ ತಂಡದ ಬ್ಯಾಟರ್ ಕೇದಾರ್ ಜಾಧವ್ ಎಲ್ಲ ಮಾದರಿಯ ಕ್ರಿಕೆಟ್ಗೆ ಸೋಮವಾರ ವಿದಾಯ ಘೋಷಿಸಿದ್ದಾರೆ. ಟೀಮ್ ಇಂಡಿಯಾ ಪರ ಕೊನೇ ಪಂದ್ಯ ಆಡಿದ 4 ವರ್ಷಗಳ ಬಳಿಕ ಅವರು ಈ ನಿರ್ಧಾರ ಪ್ರಕಟಿಸಿದ್ದಾರೆ.
39 ವರ್ಷದ ಕೇದಾರ್ 2014ರ ನವೆಂಬರ್ನಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು. ಭಾರತ ಪರ 73 ಏಕದಿನ ಪಂದ್ಯಗಳಲ್ಲಿ 2 ಶತಕ, 6 ಅರ್ಧಶತಕಗಳ ಸಹಿತ 1,389 ರನ್ ಬಾರಿಸಿದ್ದಾರೆ ಮತ್ತು 9 ಟಿ20 ಪಂದ್ಯಗಳಲ್ಲಿ 122 ರನ್ ಗಳಿಸಿದ್ದಾರೆ. ಎಂಎಸ್ ಧೋನಿ ಸ್ಟೆ$ಲ್ನಲ್ಲೇ ಕೇದಾರ್ ಎಕ್ಸ್ನಲ್ಲಿ ವಿದಾಯ ನಿರ್ಧಾರವನ್ನು ಪ್ರಕಟಿಸಿರುವುದು ವಿಶೇಷವಾಗಿದೆ.
"ನನ್ನ ವೃತ್ತೀಜಿವನದುದ್ದಕ್ಕೂ ನೀಡಿದ ಪ್ರೀತಿ ಮತ್ತು ಬೆಂಬಲಕ್ಕೆ ಧನ್ಯವಾದಗಳು. 15.00 ಗಂಟೆಯಿಂದ (ಮಧ್ಯಾಹ್ನ 3) ಎಲ್ಲ ಮಾದರಿಯ ಕ್ರಿಕೆಟ್ಗೆ ನನ್ನ ನಿವೃತ್ತಿ ಎಂದು ಪರಿಗಣಿಸಿ' ಎಂದು ಕೇದಾರ್ ಬರೆದಿದ್ದಾರೆ. 2020ರ ಆಗಸ್ಟ್ 15ರಂದು ಧೋನಿ ಕೂಡ ಇದೇ ರೀತಿಯಲ್ಲಿ, "19.29 ಗಂಟೆಯಿಂದ (ರಾತ್ರಿ 7.29) ನನ್ನನ್ನು ನಿವೃತ್ತಿ ಎಂದು ಪರಿಗಣಿಸಿ' ಎಂದು ವಿದಾಯ ಸಾರಿದ್ದರು.
2017ರಲ್ಲಿ ತವರೂರು ಪುಣೆಯಲ್ಲಿ ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ ಏಕದಿನ ಪಂದ್ಯದಲ್ಲಿ 76 ಎಸೆತಗಳಲ್ಲಿ 120 ರನ್ (12 ಬೌಂಡರಿ, 4 ಸಿಕ್ಸರ್) ಸಿಡಿಸಿ ಭಾರತಕ್ಕೆ 3 ವಿಕೆಟ್ ಜಯ ತಂದಿದ್ದು ಕೇದಾರ್ ವೃತ್ತೀಜಿವನದ ಪ್ರಮುಖ ಇನಿಂಗ್ಸ್ ಆಗಿದೆ. ಅರೆಕಾಲಿಕ ಆ್ ಸ್ಪಿನ್ನರ್ ಆಗಿಯೂ ಗಮನಸೆಳೆದಿದ್ದ ಕೇದಾರ್ ಏಕದಿನ ಕ್ರಿಕೆಟ್ನಲ್ಲಿ 27 ವಿಕೆಟ್ ಕೂಡ ಕಬಳಿಸಿದ್ದಾರೆ. ಕೇದಾರ್ ಐಪಿಎಲ್ನಲ್ಲಿ ಸಿಎಸ್ಕೆ, ಡೆಲ್ಲಿ, ಕೊಚ್ಚಿ ಟಸ್ಕರ್ಸ್, ಆರ್ಸಿಬಿ ಮತ್ತು ಸನ್ರೈಸರ್ಸ್ ತಂಡಗಳ ಪರ ಆಡಿದ್ದಾರೆ.