ನವದೆಹಲಿ: ಐಪಿಎಲ್ 2022ರ ಪಂದ್ಯವೊಂದರಲ್ಲಿ ರಾಯಲ್ ಚಾಲೆಂಜೆರ್ಸ್ ಬೆಂಗಳೂರು ತಂಡದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಮತ್ತು ಲಕ್ನೋ ಸೂಪರ್ಜೈಂಟ್ಸ್ ತಂಡದ ವೇಗಿ ನವೀನ್ ಉಲ್-ಹಕ್ ನಡುವೆ ನಡೆದಿದ್ದ ಮಾತಿನ ಜಟಾಪಟಿ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು. ಇಬ್ಬರು ಆಟಗಾರರ ನಡುವೆ ಇಂದಿಗೂ ಈ ವೈರತ್ವ ಇರದೇ ಹೋದರೂ, ಕ್ರಿಕೆಟ್ ಅಭಿಮಾನಿಗಳಲ್ಲಿ ಇದೇ ಎಂಬುದಕ್ಕೆ ಇಂದು ನಡೆದ ಭಾರತ ಮತ್ತು ಆಫ್ಘಾನಿಸ್ತಾನ ಪಂದ್ಯ ಸಾಕ್ಷಿಯಾಗಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಆಫ್ಘಾನಿಸ್ತಾನ ತನ್ನ ಆಟವನ್ನು ಮುಂದುವರಿಸಿತ್ತು. ಈ ವೇಳೆ ಶೀಘ್ರವೇ ವಿಕೆಟ್ಗಳು ಪತನಗೊಂಡ ಬೆನ್ನಲ್ಲೇ ವೇಗಿ ನವೀನ್-ಉಲ್-ಹಕ್ ಬ್ಯಾಟಿಂಗ್ಗೆ ಸ್ಟೇಡಿಯಂ ಪ್ರವೇಶಿಸಿದರು. ಪಂದ್ಯ ಪ್ರಾರಂಭವಾದಗಿನಿಂದಲೂ ನವೀನ್ ಆಗಮನಕ್ಕೆ ಕಾದು ಕುಳಿತ್ತಿದ್ದ ವಿರಾಟ್ ಫ್ಯಾನ್ಸ್, ಬ್ಯಾಟಿಂಗ್ ಮಾಡಲು ಕ್ರೀಸ್ಗೆ ನವೀನ್ ಬರುತ್ತಿದ್ದಂತೆ 'ಕೊಹ್ಲಿ, ಕೊಹ್ಲಿ ಎಂದು ಘೋಷಣೆ ಕೂಗಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದೆ.
ಐಸಿಸಿ ವಿಶ್ವಕಪ್ 2023 ರಲ್ಲಿ ಭಾರತ ತನ್ನ ಎರಡನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನವನ್ನು ಎದುರಿಸಿದ್ದು, ಮೊದಲು ಬ್ಯಾಟಿಂಗ್ ಆಯ್ದುಕೊಂಡು ಅಫ್ಘಾನಿಸ್ತಾನ 272-8 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಇದನ್ನೂ ಓದಿ: BIGG BOSS Kannada 10: ‘ಧಮ್ಮಿದ್ರೆ ತಡಿ, ಟವಲ್ ಕೊಡಿ’….; ನಿಂತಲ್ಲೇ ಹಾಡುಕಟ್ಟಿದ ತುಕಾಲಿ ಸಂತುಗೆ ಮನೆ ಮಂದಿ ಫಿದಾ
ಇದೀಗ 50 ಓವರ್ನಲ್ಲಿ ರನ್ ಚೇಸ್ ಮಾಡಲು ಅಖಾಡಕ್ಕೆ ಭಾರತ ಇಳಿಯಲಿದ್ದು, ಈ ವೇಳೆ ವಿರಾಟ್ ಬ್ಯಾಟಿಂಗ್ ಬಂದಾಗ ನವೀನ್ ಬೌಲಿಂಗ್ ಮಾಡುವ ಮೂಲಕ ಮುಖಾಮುಖಿಯಾಗಲಿದ್ದಾರೆ. ಈ ಕ್ಷಣಕ್ಕಾಗಿ ವಿರಾಟ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ ಎಂದೇ ಹೇಳಬಹುದು,(ಏಜೆನ್ಸೀಸ್).