ಗುರುಗ್ರಾಮ: ಭಾರತದ ಆತಿಥ್ಯದಲ್ಲಿ ಅಕ್ಟೋಬರ್ 5ರಿಂದ ನವೆಂಬರ್ 19ರವರೆಗೆ ನಡೆಯಲಿರುವ ಏಕದಿನ ಕ್ರಿಕೆಟ್ ಟೂರ್ನಿಯ ಲಾಂಛನಪ್ರಾಣಿಗಳಲ್ಲಿ (ಮ್ಯಾಸ್ಕಾಟ್ಸ್) ಐಸಿಸಿ ಶನಿವಾರ ಅನಾವರಣಗೊಳಿಸಿದೆ. ಜತೆಗೆ ಇದಕ್ಕೆ ಸೂಕ್ತವಾದ ಹೆಸರುಗಳನ್ನು ಸೂಚಿಸಲು ಕ್ರಿಕೆಟ್ ಪ್ರೇಮಿಗಳಿಗೆ ಸ್ಪರ್ಧೆಯೊಂದನ್ನು ಆಯೋಜಿಸಿದೆ.
ಲಾಂಛನಪ್ರಾಣಿ ಅನಾವರಣ ಸಮಾರಂಭದಲ್ಲಿ ಭಾರತ ಮಹಿಳಾ ತಂಡದ ಆಟಗಾರ್ತಿ ಶೆಾಲಿ ವರ್ಮ ಮತ್ತು ಯುವ ಕ್ರಿಕೆಟಿಗ ಯಶ್ ಧುಲ್ ಭಾಗವಹಿಸಿದರು. ಭಾರತದ ಏಕತೆ ಮತ್ತು ಚೈತತ್ಯವನ್ನು ಜಾಗತಿಕ ಮಟ್ಟದಲ್ಲಿ ಪ್ರತಿಬಿಂಬಿಸುವಂತೆ ಈ ಲಾಂಛನಪ್ರಾಣಿಗಳನ್ನು ರೂಪಿಸಲಾಗಿದೆ.
ಲಿಂಗ ಸಮಾನತೆ ಸೂಚಕವಾಗಿ ಗಂಡು ಮತ್ತು ಹೆಣ್ಣು ಲಾಂಛನಪ್ರಾಣಿಗಳನ್ನು ಸಿದ್ಧಪಡಿಸಲಾಗಿದೆ. ಹೆಣ್ಣು ಲಾಂಛನವು ಬೌಲಿಂಗ್ ಪರಾಕ್ರಮದ ಪ್ರತಿಕವಾಗಿದ್ದರೆ, ಗಂಡು ಲಾಂಛನವು ಬ್ಯಾಟಿಂಗ್ ಕೌಶಲದ ಪ್ರತಿಕವೆನಿಸಿದೆ. ಆಗಸ್ಟ್ 27ರ ಮಧ್ಯರಾತ್ರಿಯೊಳಗೆ ಇದಕ್ಕೆ ಹೆಸರು ಸೂಚಿಸಲು ಕ್ರಿಕೆಟ್ ಪ್ರೇಮಿಗಳಿಗೆ ಅವಕಾಶ ಕಲ್ಪಿಸಲಾಗಿದೆ.