ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ವಿಕೆಟ್ ಕೀಪರ್-ಬ್ಯಾಟರ್ ಕೆಎಲ್ ಶ್ರೀಜಿತ್ (51 ರನ್, 36 ಎಸೆತ, 5 ಬೌಂಡರಿ, 3 ಸಿಕ್ಸರ್) ಅರ್ಧಶತಕದ ಬಲದಿಂದ ಹಾಲಿ ಚಾಂಪಿಯನ್ ಹುಬ್ಬಳ್ಳಿ ಟೈಗರ್ಸ್ ತಂಡ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯಲ್ಲಿ ಶನಿವಾರದ 2ನೇ ಪಂದ್ಯದಲ್ಲಿ ಗುಲ್ಬರ್ಗಾ ಮಿಸ್ಟಿಕ್ಸ್ ವಿರುದ್ಧ 6 ವಿಕೆಟ್ಗಳಿಂದ ಗೆಲುವು ಸಾಧಿಸಿತು.
ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಗುಲ್ಬರ್ಗಾ, ನಾಯಕ ದೇವದತ್ ಪಡಿಕ್ಕಲ್ (46 ರನ್, 29 ಎಸೆತ, 4 ಬೌಂಡರಿ, 3 ಸಿಕ್ಸರ್) ಜತೆ ಲವ್ನಿತ್ ಸಿಸೋಡಿಯಾ (39) ಮೊದಲ ವಿಕೆಟ್ಗೆ 81 ರನ್ ಸೇರಿಸಿ ಉತ್ತಮ ಬುನಾದಿ ಹಾಕಿದ ನಡುವೆಯೂ ಎಲ್ಆರ್ ಕುಮಾರ್ (34ಕ್ಕೆ 3), ಕೆಸಿ ಕಾರ್ಯಪ್ಪ (22ಕ್ಕೆ 2) ದಾಳಿಗೆ ಕುಸಿದು 9 ವಿಕೆಟ್ಗೆ 158 ರನ್ ಗಳಿಸಿತು. ಪ್ರತಿಯಾಗಿ ಹುಬ್ಬಳ್ಳಿ ತಂಡ 18.3 ಓವರ್ಗಳಲ್ಲಿ 4 ವಿಕೆಟ್ಗೆ 160 ರನ್ ಗಳಿಸಿ ಜಯಿಸಿತು. ನಾಯಕ ಮನೀಷ್ ಪಾಂಡೆ (31), ಅನೀಶ್ವರ್ ಗೌತಮ್ (35*), ಕೆಪಿ ಕಾರ್ತಿಕೇಯ (31*) ಗೆಲುವಿಗೆ ಉಪಯುಕ್ತ ಕೊಡುಗೆ ನೀಡಿದರು.
ಗುಲ್ಬರ್ಗಾ ಮಿಸ್ಟಿಕ್ಸ್: 9 ವಿಕೆಟ್ಗೆ 158 (ಲವ್ನಿತ್ 39, ಪಡಿಕ್ಕಲ್ 46, ಅನಿಶ್ ಕೆವಿ 10, ಶರತ್ 12, ರಿತೀಶ್ 14, ಎಲ್ಆರ್ ಕುಮಾರ್ 34ಕ್ಕೆ 3, ಕೆಸಿ ಕಾರ್ಯಪ್ಪ 22ಕ್ಕೆ 2, ರಿಷಿ 35ಕ್ಕೆ 1). ಹುಬ್ಬಳ್ಳಿ ಟೈಗರ್ಸ್: 18.3 ಓವರ್ಗಳಲ್ಲಿ 4 ವಿಕೆಟ್ಗೆ 160 (ಕೆಎಲ್ ಶ್ರೀಜಿತ್ 51, ಮನೀಷ್ ಪಾಂಡೆ 31, ಅನೀಶ್ವರ್ 35*, ಕಾರ್ತಿಕೇಯ 31*, ವೈಶಾಕ್ 30ಕ್ಕೆ 2, ಮೋನಿಷ್ 27ಕ್ಕೆ 1).
ಭಾನುವಾರದ ಪಂದ್ಯಗಳು
ಗುಲ್ಬರ್ಗಾ ಮಿಸ್ಟಿಕ್ಸ್-ಮೈಸೂರು ವಾರಿಯರ್ಸ್
ಆರಂಭ: ಮಧ್ಯಾಹ್ನ 3.00
ಬೆಂಗಳೂರು ಬ್ಲಾಸ್ಟರ್ಸ್-ಶಿವಮೊಗ್ಗ ಲಯನ್ಸ್
ಆರಂಭ: ರಾತ್ರಿ 7.00
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್