ನೇಷನ್ಸ್ ಕಪ್ ಹಾಕಿ: ಫೈನಲ್ಗೇರಿದ ಭಾರತದ ಮಹಿಳೆಯರು
ಆಕ್ಲೆಂಡ್: ನವನೀತ್ ಕೌರ್ (6, 13ನೇ ನಿಮಿಷ) ಮತ್ತು ದೀಪಿಕಾ ಸೆಹ್ರಾವತ್ (14, 18) ಸಿಡಿಸಿದ ಅವಳಿ ಗೋಲುಗಳ ಬಲದಿಂದ ಭಾರತ ತಂಡ ಎಫ್ಐಎಚ್ ಮಹಿಳಾ ಹಾಕಿ ನೇಷನ್ಸ್ ಕಪ್ (FIH Hockey Women''s Nations Cup) ಟೂರ್ನಿಯ ಸೆಮಿಫೈನಲ್ನಲ್ಲಿ ಚಿಲಿ ವಿರುದ್ಧ 6-0 ಅಂತರದಿಂದ ಗೆಲುವು ದಾಖಲಿಸಿದೆ. ಭಾರತ ತಂಡ ಭಾನುವಾರ ನಡೆಯಲಿರುವ ಫೈನಲ್ನಲ್ಲಿ ಆತಿಥೇಯ ನ್ಯೂಜಿಲೆಂಡ್ ತಂಡವನ್ನು ಎದುರಿಸಲಿದೆ. ಪ್ರಶಸ್ತಿ ಗೆದ್ದ ತಂಡ ಮುಂದಿನ ವರ್ಷದ ಮಹಿಳಾ ಪ್ರೊ ಲೀಗ್ಗೆ ಬಡ್ತಿ ಪಡೆಯಲಿದೆ.
ಶನಿವಾರ ನಡೆದ ಉಪಾಂತ್ಯದಲ್ಲಿ ನೇಹಾ (32) ಮತ್ತು ರುತುಜಾ ದಾದಾಸೋ ಪಿಸಲ್ (39) ಭಾರತ ಪರ ತಲಾ ಒಂದು ಗೋಲು ದಾಖಲಿಸಿದರು. ಈ ಮೂಲಕ ಭಾರತ ಟೂರ್ನಿಯಲ್ಲಿ ಸತತ 4ನೇ ಗೆಲುವು ಕಂಡಿತು. ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ ನಾಯಕಿ ಸಲಿಮಾ ಟೆಟೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ನ್ಯೂಜಿಲೆಂಡ್ ಮತ್ತೊಂದು ಸೆಮಿಫೈನಲ್ನಲ್ಲಿ ಅಮೆರಿಕ ವಿರುದ್ಧ ಪೆನಾಲ್ಟಿ ಶೂಟೌಟ್ನಲ್ಲಿ 4-1ರಿಂದ ಗೆಲುವು ಸಾಧಿಸಿತು.