ಭಾರತಕ್ಕೆ ಯೂತ್​ ಹಾಕಿ ಫೈವ್ಸ್​ ಏಷ್ಯನ್​ ಕಿರೀಟ; ಮಹಿಳೆಯರಿಗೆ ಬೆಳ್ಳಿ ಪದಕ

ಭಾರತ ಪರ ರೋಮಿತ್​ ಪಾಲ್​ (5ನೇ ನಿಮಿಷ), ನಾಯಕ ಕೇತನ್​ ಕುಶ್​ವಾಹ (12) ಮತ್ತು ಶಾರುಖ್​ ಅಲಿ (13) ಗೋಲು ಬಾರಿಸಿ ಏಷ್ಯನ್​ ಚಾಂಪಿಯನ್​ ಪಟ್ಟವೇರಲು ನೆರವಾದರು. ಪಾಕ್​ ಪರ ಮೊಹಮದ್​ ಉಸ್ಮಾನ್​ (16) ಏಕೈಕ ಗೋಲು ಬಾರಿಸಿ ಸೋಲಿನ ಅಂತರ ತಗ್ಗಿಸಿದರು.

ಮಹಿಳೆಯರು ರನ್ನರ್​ಅಪ್​: ಮಹಿಳಾ ವಿಭಾಗದ ಫೈನಲ್​ನಲ್ಲಿ ಭಾರತ ತಂಡ ಚೀನಾ ವಿರುದ್ಧ 2-4ರಿಂದ ಪರಾಭವಗೊಂಡು ರನ್ನರ್​ಅಪ್​ ಸ್ಥಾನಕ್ಕೆ ಸಮಾಧಾನ ಕಂಡಿತು. ಭಾರತ ಪರ ನೌಶೀನ್​ ನಾಜ್​ (13) ಮತ್ತು ಪುಷ್ಪಾ ಮಾಂಝಿ (20) ಗೋಲು ಬಾರಿಸಿದರು. ಮಹಿಳಾ ವಿಭಾಗದಲ್ಲೂ ಭಾರತ ಫೈನಲ್​ಗೇರಿದಾಗಲೇ ಹಾಕಿ ಫೈವ್ಸ್​ ವಿಶ್ವಕಪ್​ ಅರ್ಹತೆ ಒಲಿದಿತ್ತು. ಸೆಮೀಸ್​ನಲ್ಲಿ ಭಾರತ ತಂಡ ಕಜಾಕ್​ಸ್ತಾನ ವಿರುದ್ಧ 8-1ರಿಂದ ಗೆಲುವು ದಾಖಲಿಸಿತ್ತು.

ಹಾಕಿ ಫೈವ್ಸ್​ ಪ್ರಶಸ್ತಿ ಗೆದ್ದ ಭಾರತದ ಪುರುಷರ ತಂಡ ಮತ್ತು ರನ್ನರ್​ಅಪ್​ ಮಹಿಳಾ ತಂಡಗಳಿಗೆ ಹಾಕಿ ಇಂಡಿಯಾ ಬಹುಮಾನ ಪ್ರಕಟಿಸಿದೆ. ಪುರುಷರ ತಂಡದ ಎಲ್ಲ ಆಟಗಾರರಿಗೆ ತಲಾ 2 ಲಕ್ಷ ರೂ. ಮತ್ತು ತರಬೇತಿ ಸಿಬ್ಬಂದಿಗೆ ತಲಾ 1 ಲಕ್ಷ ರೂ. ಬಹುಮಾನ ಘೋಷಿಸಲಾಗಿದೆ. ಮಹಿಳಾ ತಂಡದ ಪ್ರತಿ ಆಟಗಾರ್ತಿಗೆ 1 ಲಕ್ಷ ರೂ. ಮತ್ತು ತರಬೇತಿ ಸಿಬ್ಬಂದಿಗೆ ತಲಾ 50 ಸಾವಿರ ರೂ. ನೀಡಲಾಗುತ್ತದೆ.