ನವದೆಹಲಿ: ಟೀಮ್ ಇಂಡಿಯಾ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಹೊಸ ಕೇಶವಿನ್ಯಾಸದೊಂದಿಗೆ ಏಷ್ಯಾಕಪ್ ಟಿ20 ಟೂರ್ನಿಗಾಗಿ ದುಬೈಗೆ ತೆರಳಿದ್ದು, ಅವರ ಈ ಹೊಸ ಸ್ಲ್ಟೈಲ್ನ ಚಿತ್ರಗಳು ಶುಕ್ರವಾರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಮರಳು ಹೊಂಬಣ್ಣದ ಅವರ ಶಾರ್ಟ್ ಹೇರ್ಕಟ್ನ ಚಿತ್ರಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಪ್ರಕಟಿಸಿರುವ ಹಾರ್ದಿಕ್, "ನ್ಯೂ ಮಿ' ಎಂಬ ಅಡಿಬರಹ ಬರೆದಿದ್ದಾರೆ. ಸೆ.9ರಿಂದ ನಡೆಯಲಿರುವ ಏಷ್ಯಾಕಪ್ಗೆ ಪೂರ್ವಭಾವಿಯಾಗಿ ಗುರುವಾರ ದುಬೈನಲ್ಲಿ ಒಗ್ಗೂಡಿರುವ ಭಾರತ ತಂಡದ ಆಟಗಾರರು ಶುಕ್ರವಾರ ಅಭ್ಯಾಸ ಆರಂಭಿಸಿದರು.
ಹಾರ್ದಿಕ್ ಪಾಂಡ್ಯ ಈ ಹಿಂದೆ ಹೊಂದಿದ್ದ ವಿವಿಧ ರೀತಿಯ ಹೇರ್ಸ್ಟೈಲ್ಗಳ ಚಿತ್ರವೂ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಏಷ್ಯಾಕಪ್ನಲ್ಲಿ ಭಾರತ ತಂಡ ಸೆ.10ರಂದು ಯುಎಇ ವಿರುದ್ಧ ತನ್ನ ಮೊದಲ ಪಂದ್ಯ ಆಡಲಿದೆ.