ಲಾಹೋರ್: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಟಿ20 ವಿಶ್ವಕಪ್ 2024ರ ಟೂರ್ನಿಯ ಮೊದಲ ಹಂತದಲ್ಲೇ ಗೇಟ್ ಪಾಸ್ ಪಡೆದ ಪಾಕಿಸ್ತಾನ, ಟೂರ್ನಿಯ ಪೂರ ಅತ್ಯಂತ ಕಳಪೆ ಪ್ರದರ್ಶನ ತೋರುವ ಮೂಲಕ ವ್ಯಾಪಕ ಟೀಕೆ, ವ್ಯಂಗ್ಯಕ್ಕೆ ಗುರಿಯಾಯಿತು. ಪಾಕ್ ತಂಡದಲ್ಲಿ ಯಾವುದೂ ಸರಿಯಿಲ್ಲ ಎಂದು ದೂಷಿಸಿದ್ದ ಮಾಜಿ ಆಟಗಾರರು, ಬಾಬರ್ ಅಜಂರ ನಾಯಕತ್ವದ ವಿರುದ್ಧ ಕಿಡಿಕಾರಿದ್ದರು. ಆದ್ರೆ, ಇದೀಗ ಅದೆಲ್ಲವೂ ತಲೆಕೆಳಗಾಗಿದ್ದು, ಪ್ರಸ್ತುತ ವಿಶ್ವ ಕ್ರಿಕೆಟ್ನಲ್ಲಿ ಬೆಸ್ಟ್ ಟೆಕ್ನಿಕ್ ಹೊಂದಿರುವ ಆಟಗಾರ ಎಂದರೆ ಅದು ಬಾಬರ್ ಎಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗರೊಬ್ಬರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ವಿಶೇಷ ರೈಲುಗಳ ಸಂಚಾರ
ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ವೇಗಿ ಮೊಹಮ್ಮದ್ ಜಾಹಿದ್, "ಬೇರೆ ಆಟಗಾರರಿಗೆ ಹೋಲಿಸಿದರೆ ಬಾಬರ್ ಅತ್ಯುತ್ತಮ ಕ್ರಿಕೆಟಿಂಗ್ ಟೆಕ್ನಿಕ್ ಹೊಂದಿದ್ದಾರೆ. ವೈಟ್ ಬಾಲ್ ಪಂದ್ಯಗಳಿಗೆ ಕ್ಯಾಪ್ಟನ್ ಆಗಿರುವ ಬಾಬರ್ ಆಜಂ, ಇತರೆ ಹೆಸರುವಾಸಿಯಾದ ಕ್ರಿಕೆಟಿಗರಿಗಿಂತ ಉತ್ತಮ ಕೌಶಲ್ಯಗಳನ್ನು ಪಡೆದಿದ್ದಾರೆ. ಆದ್ರೆ, ಆಟದ ಬಗ್ಗೆ ಹೆಚ್ಚು ವಿಷಯ ಅರಿತುಕೊಳ್ಳುವಲ್ಲಿ ಬಾಬರ್ ಹಿಂದೆ ಇದ್ದರೆ, ಇಂಗ್ಲೆಂಡ್ನ ಜೋ ರೂಟ್ ಮತ್ತು ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಮುಂದಿದ್ದಾರೆ. ಅವರಿಬ್ಬರು ಹೆಚ್ಚು ಬುದ್ಧಿವಂತರು" ಎಂದರು.
"ಸ್ಕಿಲ್ನಲ್ಲಿ ಬಾಬರ್ ಆಜಂ ಮೊದಲಿಗರು. ಅದರ ಬಗ್ಗೆ ಎರಡನೇ ಮಾತಿಲ್ಲ. ಬ್ಯಾಟರ್ಗಳ ಸಾಲಿನಲ್ಲಿ ಅವರು ಬೆಸ್ಟ್ ಟೆಕ್ನಿಕ್ ಹೊಂದಿದ್ದಾರೆ. ಆದರೆ, ಪ್ರದರ್ಶನ ಅನ್ನೋ ವಿಷಯ ಬಂದಾಗ ಮಾತ್ರ ಬಾಬರ್ ಹಿಂದುಳಿದಿದ್ದಾರೆ. ಈ ವಿಷಯದಲ್ಲಿ ಜೋ ರೂಟ್ ಮತ್ತು ಸ್ಟಿವ್ ಸ್ಮಿತ್ ಅದ್ಭುತ. ಇವರಿಬ್ಬರಿಗೆ ಆಜಂರಂತೆ ಸಾಮರ್ಥ್ಯ ಇಲ್ಲದೆ ಇರಬಹುದು. ಆದ್ರೆ, ಆಟದ ವಿಷಯದಲ್ಲಿ ಅವರು ಬುದ್ಧಿವಂತರು. ಇದನ್ನು ಅಳೆದು ತೂಗಿ ನೋಡಿದಾಗ ಸ್ಮಿತ್ಗೆ ಪ್ರಥಮ, ರೂಟ್ಗೆ ದ್ವಿತೀಯ ಸ್ಥಾನ ಕೊಡ್ತೀನಿ. ಇನ್ನು ಮೂರನೇ ಸ್ಥಾನ ಬಾಬರ್ಗೆ ಕೊಡಲು ಬಯಸುತ್ತೇನೆ" ಎಂದು ಹೇಳಿದ್ದಾರೆ.