- ಕುಲ್ದೀಪ್ ಯಾದವ್ ಮುಖಕ್ಕೆ ಬೀಳುತ್ತಿದ್ದ ಬ್ಯಾಟ್ ಜಸ್ಟ್ ಮಿಸ್
- ಮೈದಾನದಲ್ಲಿ ಕುಲ್ದೀಪ್ ಮೇಲೆ ಜಡೇಜಾ ಬ್ಯಾಟ್ ಬೀಸಿದ್ದೇಕೆ?
- ವೈರಲ್ ವಿಡಿಯೋ ಕಂಡು ಕೆರಳಿದ ಕ್ರಿಕೆಟ್ ಅಭಿಮಾನಿಗಳು
RR vs DC: ನಿನ್ನೆ (ಮೇ.02) ನಡೆದ 19ನೇ ಆವೃತ್ತಿಯ ಐಪಿಎಲ್ನ 43ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ತಂಡಗಳು ಮುಖಾಮುಖಿಯಾಗಿ ಸೆಣಸಿತು. ಬೃಹತ್ ಸ್ಕೋರ್ ನೀಡಿದ್ದೇ ಆದರೂ ಈ ಮ್ಯಾಚ್ನಲ್ಲಿ ಆರ್ಆರ್ ಪಡೆ ಸೋಲುಂಡಿತು. ಮತ್ತೊಂದೆಡೆ, ಪಂದ್ಯದ ನಡುವೆ ನಡೆದ ಕೆಲವು ಘಟನೆಗಳು ಲೈವ್ನಲ್ಲಿದ್ದ ಅಭಿಮಾನಿಗಳನ್ನು ಒಂದು ನಿಮಿಷ ಅಚ್ಚರಿಗೆ ದೂಡಿತು.
ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್, 20 ಓವರ್ನಲ್ಲಿ 225 ರನ್ಗಳ ಬೃಹತ್ ಸ್ಕೋರ್ ಕಲೆಹಾಕುವಲ್ಲಿ ಯಶಸ್ವಿಯಾಯಿತು. ಈ ವೇಳೆ, ಎರಡು ಘಟನೆಗಳು ಪಂದ್ಯ ನೋಡುತ್ತಿದ್ದ ಕ್ರಿಕೆಟ್ ಪ್ರಿಯರಿಗೆ ಹುಬ್ಬೇರಿಸಿತು. ಮೊದಲನೇಯದು, ವೈಭವ್ ಸೂರ್ಯವಂಶಿಯನ್ನು ಎರಡನೇ ಎಸೆತದಲ್ಲಿ ಔಟ್ ಮಾಡಿದ ಡೆಲ್ಲಿ ವೇಗಿ ಕೈಲ್ ಜೇಮಿಸನ್, 15 ವರ್ಷ ಬ್ಯಾಟರ್ ವಿಕೆಟ್ ಕಿತ್ತ ಖುಷಿಗೆ ಹುಚ್ಚು ಸಂಭ್ರಮ ಮೆರೆದರು. ಇದು ಹಲವರನ್ನು ಕೆರಳಿಸಿತು. ಮತ್ತೊಂದೆಡೆ, ರವೀಂದ್ರ ಜಡೇಜಾ ಮತ್ತು ಕುಲದೀಪ್ ಯಾದವ್ ನಡುವಿನ ಜಟಾಪಟಿ ಆಶ್ಚರ್ಯಕ್ಕೆ ಕಾರಣವಾಯಿತು.
ಸದಾ ಎಲ್ಲ ಆಟಗಾರರೊಂದಿಗೆ ತುಂಬಾ ತಮಾಷೆಯಾಗಿರುವ ಜಡೇಜಾ, ಅದ್ಯಾಕೋ ಕುಲದೀಪ್ ವಿರುದ್ಧ ಸಿಡಿದೆದ್ದ ರೀತಿ ನೆಟ್ಟಿಗರಿಗೆ ಇಷ್ಟವಾಗಲಿಲ್ಲ. ರವೀಂದ್ರ ಜಡೇಜಾ ಕ್ರೀಸ್ಗೆ ಬಂದಾಗ, ಅವರು ಡೆಲ್ಲಿ ಸ್ಪಿನ್ನರ್ ಕುಲದೀಪ್ ಯಾದವ್ ಮೇಲೆ ಎಂದಿನಂತೆ ಹಾಸ್ಯ ಚಟಾಕಿ ಸಿಡಿಸಲು ಬ್ಯಾಟ್ ಬೀಸಿದರು. ಈ ವೇಳೆ ಕುಲದೀಪ್ ಮುಖಕ್ಕೆ ಬೀಳುತ್ತಿದ್ದ ಬ್ಯಾಟ್ ಜಸ್ಟ್ ಮೀಸ್ ಆಯಿತು. ಒಂದು ಸೆಕೆಂಡ್ ಇವರಿಬ್ಬರ ನಡುವೆ ಏನೋ ಮನಸ್ತಾಪವಿದೆ ಎಂಬಂತೆ ಕಾಣಿಸಿದ್ದೇ ಆದರೂ ಅದೊಂದು ತಮಾಷೆಯ ನಡೆ ಎಂಬುದು ಕೆಲವರಿಗೆ ಮಾತ್ರ ಸ್ಪಷ್ಟವಾಯಿತು.
ಮೇಲ್ನೋಟಕ್ಕೆ ಜಡೇಜಾ ಬೀಸಿದ ಬ್ಯಾಟ್ ಸ್ವಲ್ಪ ತಡವಾಗಿದ್ದರೂ, ಅದು ಕುಲದೀಪ್ ಮುಖಕ್ಕೆ ಬಲವಾಗಿ ಹೊಡೆಯುತ್ತಿತ್ತೇನೋ ಎನ್ನುವಂತೆ ದೃಶ್ಯದಲ್ಲಿ ಕಾಣಿಸಿದೆ. ಈ ಸಂದರ್ಭದಲ್ಲಿ, ಜಡೇಜಾರನ್ನು ಯಾದವ್ ಹಿಂದಕ್ಕೆ ನೂಕಿದರು. ಈ ವೈರಲ್ ವಿಡಿಯೋ ಕೆಲವರಿಗೆ ಜಡೇಜಾ ಮತ್ತು ಕುಲ್ದೀಪ್ ಮಧ್ಯೆ ಜಟಾಪಟಿ ನಡೆಯಿತು ಎಂದು ತೋರಿಸಿದರೆ, ಇನ್ನೂ ಕೆಲವರಿಗೆ ಇದೂ ಸಹ ಜಡ್ಡು ಅವರ ತಮಾಷೆಯ ಒಂದು ರೀತಿ ಎಂಬುದನ್ನು ಹೇಳಿತು. ಇದೀಗ ಈ ವಿಡಿಯೋ ಜಾಲತಾಣಗಳಲ್ಲಿ ಹರಿದಾಡಿದೆ,(ಏಜೆನ್ಸೀಸ್).