ವೈಎಸ್ ರಾಮಸ್ವಾಮಿ ಸ್ಮಾರಕ ಟ್ರೋಫಿ: ವಲ್ಚರ್ಸ್ ಕ್ರಿಕೆಟ್ ಕ್ಲಬ್ ಚಾಂಪಿಯನ್
ಬೆಂಗಳೂರು: ಕೆಎಲ್ ಶ್ರೀಜಿತ್ ಸಾರಥ್ಯದ ವಲ್ಚರ್ಸ್ ಕ್ರಿಕೆಟ್ ಕ್ಲಬ್ (Vultures Cricket Club) ತಂಡ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ವೈ.ಎಸ್. ರಾಮಸ್ವಾಮಿ ಸ್ಮಾರಕ ಟ್ರೋಫಿ ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದುಕೊಂಡಿದೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಮಳೆಬಾಧಿತ ಫೈನಲ್ ಪಂದ್ಯದಲ್ಲಿ ವಲ್ಚರ್ಸ್ ತಂಡ ಸ್ವಸ್ತಿಕ್ ಯೂನಿಯರ್ ಕ್ರಿಕೆಟ್ ಕ್ಲಬ್ ವಿರುದ್ಧ 8 ವಿಕೆಟ್ಗಳಿಂದ ಗೆಲುವು ದಾಖಲಿಸಿತು.
ಮೊದಲು ಬ್ಯಾಟಿಂಗ್ಗೆ ಇಳಿದ ಸ್ವಸ್ತಿಕ್ ಯೂನಿಯನ್ ತಂಡ ಅನೀಶ್ವರ್ ಗೌತಮ್ (156) ಶತಕದಾಟದಿಂದ 50 ಓವರ್ಗಳಲ್ಲಿ 7 ವಿಕೆಟ್ಗೆ 307 ರನ್ ಗಳಿಸಿತು. ಪ್ರತಿಯಾಗಿ ವಲ್ಚರ್ಸ್ ಚೇಸಿಂಗ್ ವೇಳೆ ಮಳೆ ಅಡಚಣೆ ತಂದಿದ್ದರಿಂದ 39 ಓವರ್ಗಳಲ್ಲಿ 263 ರನ್ ಗಳಿಸುವ ಪರಿಷತ ಸವಾಲು ನೀಡಲಾಯಿತು. ಕರುಣ್ ನಾಯರ್ (69), ಶ್ರೀಜಿತ್ (54*) ಅರ್ಧಶತಕದ ಬಲದಿಂದ ವಲ್ಚರ್ಸ್ ತಂಡ 25.5 ಓವರ್ಗಳಲ್ಲಿ 2 ವಿಕೆಟ್ಗೆ 152 ರನ್ ಗಳಿಸಿದಾಗ ಮಳೆ ಮತ್ತೆ ಅಡಚಣೆ ತಂದಿತು. ನಂತರ ಆಟ ಮುಂದುವರಿಸಲು ಸಾಧ್ಯವಾಗದೆ ವಿಜೆಡಿ ನಿಯಮದನ್ವಯ ಫಲಿತಾಂಶ ನಿರ್ಧರಿಸಲಾಯಿತು.