Vaibhav Sooryavanshi: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ವೆಸ್ಟ್ ಇಂಡೀಸ್ ವಿರುದ್ಧದ ಟಿ20 ಸರಣಿಯ ತಂಡದಲ್ಲಿ ಸ್ಥಾನ ಪಡೆದಿದ್ದೇ ಆದರೂ ಒಂದೇ ಒಂದು ಪಂದ್ಯವನ್ನು ಆಡುವ ಅವಕಾಶ ಟೀಮ್ ಇಂಡಿಯಾದ ಯುವ ಬ್ಯಾಟಿಂಗ್ ಸೆನ್ಸೇಷನ್ ವೈಭವ್ ಸೂರ್ಯವಂಶಿಗೆ ಸಿಗದಿರುವುದು ಸದ್ಯ ಮಾಜಿ ಭಾರತ ತಂಡದ ಕ್ರಿಕೆಟಿಗ ಆಕಾಶ್ ಚೋಪ್ರಾರನ್ನು ಅಕ್ಷರಶಃ ಕೆರಳಿಸಿದೆ. ಈ ಕುರಿತಾಗಿ ಕೆಲವು ವಿಚಾರಗಳನ್ನು ಹಂಚಿಕೊಂಡಿರುವ ಅವರು, ವೈಭವ್ರನ್ನು ತಂಡದಿಂದಲೇ ಕಿತ್ತುಬಿಸಾಡಿ ಎಂದು ಬೇಸರ ಹೊರಹಾಕಿದ್ದಾರೆ.
ವೆಸ್ಟ್ ಇಂಡೀಸ್ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ವೈಭವ್ ಸೂರ್ಯವಂಶಿಗೆ ಒಂದೇ ಒಂದು ಪಂದ್ಯವನ್ನೂ ಆಡುವ ಅವಕಾಶ ಸಿಗಲಿಲ್ಲ. ವೈಭವ್ಗೆ ಪ್ಲೇಯಿಂಗ್ ಎಲೆವನ್ನಲ್ಲಿ ಸ್ಥಾನ ಸಿಗಬೇಕಾದರೆ, ಸಂಜು ಸ್ಯಾಮ್ಸನ್, ಅಭಿಷೇಕ್ ಶರ್ಮಾ ಅಥವಾ ಇಶಾನ್ ಕಿಶನ್ ಅವರಲ್ಲಿ ಒಬ್ಬರು ಹೊರಗುಳಿಯಬೇಕು. ಆದರೆ, ಈ ಮೂವರು ಆಟಗಾರರೂ ಕಳೆದ ಪಂದ್ಯಗಳಲ್ಲಿ ಉತ್ತಮ ಫಾರ್ಮ್ನಲ್ಲಿ ಇರುವುದರಿಂದ ಸೂರ್ಯವಂಶಿಗೆ ಸ್ಥಾನ ಬಹುತೇಕ ಅನುಮಾನ ಎಂದು ತಮ್ಮ ಯೂಟ್ಯೂಬ್ ಚಾನಲ್ನಲ್ಲಿ ಹೇಳಿದ್ದಾರೆ.
ಆರಂಭಿಕರಾದ ಸಂಜು, ಅಭಿಷೇಕ್ ಮತ್ತು ಇಶಾನ್ ಕಿಶನ್ರನ್ನು ತಂಡದಿಂದ ಹೊರಗಿಡುವುದು ಅಷ್ಟು ಸುಲಭವಿಲ್ಲ. ವೈಭವ್ಗೆ ಅವಕಾಶ ಸಿಗದಿರಲು ಮುಖ್ಯ ಕಾರಣವೆಂದರೆ ತಂಡದಲ್ಲಿ ಅವರಿಗೆ ಸೂಕ್ತ ಸ್ಥಾನವಿಲ್ಲದಿರುವುದು. ಸಂಜು, ಅಭಿಷೇಕ್ ಮತ್ತು ಇಶಾನ್ ಪೈಕಿ ಒಬ್ಬರು ಹೊರಗುಳಿದರೆ ಮಾತ್ರ ವೈಭವ್ಗೆ ಅವಕಾಶ ಸಿಗಲು ಸಾಧ್ಯ. ಇಲ್ಲಿ, 'ರೊಟೇಷನ್ ಸಿಸ್ಟಮ್' ಮೂಲಕ ಈ ನಾಲ್ವರಿಗೂ ಅವಕಾಶ ಕಲ್ಪಿಸಬಹುದು. ಆದರೆ, ಅದು ಮ್ಯಾನೇಜ್ಮೆಂಟ್ಗೆ ಬಿಟ್ಟದ್ದು ಎಂದು ಸಲಹೆ ನೀಡಿದ್ದಾರೆ.
ವೈಭವ್ರನ್ನು ತಂಡಕ್ಕೆ ಆಯ್ಕೆ ಮಾಡಿಕೊಂಡು, ಪಂದ್ಯದ ಸಮಯದಲ್ಲಿ ಸುಮ್ಮನೆ ಬೆಂಚ್ನಲ್ಲಿ ಕೂರಿಸುವ ಬದಲು ರಣಜಿ ಟ್ರೋಫಿಯಲ್ಲಿ ಆಡಲು ಅವಕಾಶ ನೀಡುವುದು ಉತ್ತಮ. ಪಂದ್ಯಗಳನ್ನು ಆಡಿಸದೆ ಕೇವಲ ಬೆಂಚ್‌ಗೆ ಸೀಮಿತಗೊಳಿಸುವುದರಿಂದ ಆಟಗಾರನಿಗೆ ಯಾವುದೇ ಪ್ರಯೋಜನವಿಲ್ಲ. ವೈಭವ್ಗೆ ತಂಡದಲ್ಲಿ ಸ್ಥಾನ ಕೊಡುವುದಕ್ಕಿಂತ ಆಡಿಸಬೇಕು. ನಿಮ್ಮಿಂದ ಆಡಿಸಲು ಸಾದ್ಯವಿಲ್ಲ ಎಂದಾದರೆ, ಸೂರ್ಯವಂಶಿಯನ್ನು ತಂಡದಿಂದ ಕೈಬಿಡಿ. ಇದನ್ನು ಬಿಟ್ಟರೆ ಬೇರೇನೂ ದಾರಿಯಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).