ಮೆಕಾಯ್: ಆತಿಥೇಯ ಆಸ್ಟ್ರೆಲಿಯಾ ಮತ್ತು ಬಾಂಗ್ಲಾದೇಶ ನಡುವಿನ 2ನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದ ಮೊದಲ ದಿನವೇ 18 ವಿಕೆಟ್ಗಳು ಉರುಳಿವೆ. ಟಾಸ್ ಗೆದ್ದು ಬೌಲಿಂಗ್ ಆಯ್ದ ಆಸೀಸ್, ಎಡಗೈ ವೇಗಿ ಮಿಚೆಲ್ ಸ್ಟಾರ್ಕ್ (12ಕ್ಕೆ 6) ಮಾರಕ ದಾಳಿಯೊಂದಿಗೆ ಬಾಂಗ್ಲಾವನ್ನು ಕೇವಲ 64 ರನ್ಗಳಿಗೆ ಆಲೌಟ್ ಮಾಡಿ, ಮೊದಲ ಟೆಸ್ಟ್ ಸೋಲಿಗೆ ದಿಟ್ಟ ತಿರುಗೇಟು ನೀಡಿತು.
14 ರನ್ ಗಳಿಸಿದ 11ನೇ ಕ್ರಮಾಂಕದ ಬ್ಯಾಟರ್ ಶೋರಿುಲ್ ಇಸ್ಲಾಂ ಅವರೇ ಇನಿಂಗ್ಸ್ನ ಗರಿಷ್ಠ ಸ್ಕೋರರ್ ಎನಿಸಿದರು. ಪ್ರತಿಯಾಗಿ ಬಾಂಗ್ಲಾದ ಎಡಗೈ ವೇಗಿ ಶೋರಿುಲ್ ಇಸ್ಲಾಂ (35ಕ್ಕೆ 6) ಕೂಡ ಮಾರಕ ದಾಳಿಯೊಂದಿಗೆ ಆಸೀಸ್ ತಂಡವನ್ನು ಕಾಡಿದರು. ದಿನದಂತ್ಯಕ್ಕೆ ಆಸೀಸ್ 8 ವಿಕೆಟ್ಗೆ 165 ರನ್ ಗಳಿಸಿ 101 ರನ್ಗಳ ಮುನ್ನಡೆ ಸಾಧಿಸಿದೆ. ಕ್ಯಾಮರಾನ್ ಗ್ರೀನ್ (51*) ಜತೆ ನಾಥನ್ ಲ್ಯಾನ್ (10*) ಕ್ರೀಸ್ನಲ್ಲಿದ್ದಾರೆ.
ಸರಣಿ ಸಮಬಲ ಸಾಧಿಸಲು ಆಸೀಸ್ ಈ ಟೆಸ್ಟ್ ಗೆಲ್ಲಲೇಬೇಕಾಗಿದೆ. ಪಂದ್ಯದ ಮೊದಲ ಎಸೆತದಲ್ಲೇ ವಿಕೆಟ್ ಕಬಳಿಸಿದ ಸ್ಟಾರ್ಕ್ (
Mitchell Starc
) 22 ಎಸೆತಗಳಲ್ಲೇ 5 ವಿಕೆಟ್ ಗೊಂಚಲು ಸಾಧಿಸಿದರು. ದ. ಆಫ್ರಿಕಾದ ಡೇಲ್ ಸ್ಟೆ$ನ್ (439) ಅವರನ್ನು ಹಿಂದಿಕ್ಕಿದ ಸ್ಟಾರ್ಕ್ (441) ಈಗ ಟೆಸ್ಟ್ ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಕಬಳಿಸಿದ ಅಗ್ರ 10 ಬೌಲರ್ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.