RR vs GT: ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ರಾಜಸ್ಥಾನ ರಾಯಲ್ಸ್ ಮತ್ತು ಗುಜರಾತ್ ಟೈಟನ್ಸ್ ನಡುವಿನ 19ನೇ ಆವೃತ್ತಿಯ ಐಪಿಎಲ್ ಪಂದ್ಯದ ಮೊದಲ ಇನ್ನಿಂಗ್ಸ್ ಮುಕ್ತಾಯಗೊಂಡಿದೆ.
ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಆರ್ಆರ್, ಶುಭಮನ್ ಪಡೆಗೆ ಬ್ಯಾಟ್ ಮಾಡುವಂತೆ ಆಹ್ವಾನಿಸಿತು. ಜಿಟಿ ಆರಂಭಿಕರಾದ ನಾಯಕ ಗಿಲ್ (84 ರನ್, 44 ಎಸೆತ) ಮತ್ತು ಸಾಯಿ ಸುದರ್ಶನ್ (55 ರನ್, 36 ಎಸೆತ) ಅವರ ಸ್ಫೋಟಕ ಇನ್ನಿಂಗ್ಸ್ ಪವರ್ಪ್ಲೇಯಲ್ಲಿ ಹೆಚ್ಚುವರಿ ರನ್ಗಳನ್ನು ತಂದುಕೊಟ್ಟಿತು. ಇವರಿಬ್ಬರ ರನ್ ಕೊಡುಗೆಯಿಂದ ತಂಡದ ಒಟ್ಟು ಮೊತ್ತ 200ರ ಗಡಿದಾಟಿತು.
ಗಿಲ್, ಸಾಯಿ ನಂತರದಲ್ಲಿ ಕ್ರೀಸ್ಗೆ ಬಂದ ಜಾಸ್ ಬಟ್ಲರ್ (13), ವಾಷಿಂಗ್ಟನ್ ಸುಂದರ್ (ಅಜೇಯ 37), ಜೇಸನ್ ಹೋಲ್ಡರ್ (7) ಮತ್ತು ರಾಹುಲ್ ತೇವಾಟಿಯ (ಅಜೇಯ 14) ಅವರಿಂದ ಅಂತಹ ಪ್ರದರ್ಶನವೇನು ಬರಲಿಲ್ಲ. ಒಟ್ಟಾರೆ, 20 ಓವರ್ನಲ್ಲಿ 4 ವಿಕೆಟ್ ನಷ್ಟಕ್ಕೆ 229 ರನ್ ಗಳಿಸುವಲ್ಲಿ ಜಿಟಿ ಯಶಸ್ವಿಯಾಗಿದೆ.
ಇನ್ನು ರಾಜಸ್ಥಾನ ಪರ ಬೌಲರ್ಗಳು ಮತ್ತು ಫೀಲ್ಡರ್ಗಳು ಕಮಾಲ್ ಮಾಡುವಲ್ಲಿ ಬಿಗ್ ಮಿಸ್ಟೇಕ್ ಮಾಡಿದರು. ಕೈಗೆ ಸಿಕ್ಕ ಕ್ಯಾಚ್ಗಳನ್ನು ಡ್ರಾಪ್ ಮಾಡುವ ಮೂಲಕ ಜಿಟಿ ಬ್ಯಾಟರ್ಗಳಿಗೆ ಹೆಚ್ಚು ರನ್ ಗಳಿಸಲು ಅವಕಾಶ ನೀಡಿದರು. ಈಗ 230 ರನ್ಗಳ ಬೃಹತ್ ಗುರಿಯನ್ನು ಹೇಗೆ ಚೇಸ್ ಮಾಡಲಿದ್ದಾರೆ? ವೈಭವ್ ಸೂರ್ಯವಂಶಿಯಿಂದ ಸ್ಫೋಟಕ ಶತಕ ಬರಲಿದೆಯೇ? ಎಂಬುದನ್ನು ದ್ವಿತೀಯ ಇನ್ನಿಂಗ್ಸ್ನಲ್ಲಿ ನೋಡಬೇಕಿದೆ.