T20 World Cup: ಸ್ಕಾಟ್ಲೆಂಡ್ ಎದುರು ಇಟಲಿ ಗಲಿಬಿಲಿ
ಕೋಲ್ಕತ: ಇಟಲಿ (Italy) ತಂಡ ಟಿ20 ವಿಶ್ವಕಪ್ (T20 world cup) ಪದಾರ್ಪಣೆಯ ಪಂದ್ಯದಲ್ಲಿ ನಿರಾಸೆ ಅನುಭವಿಸಿದೆ. ಆಲ್ರೌಂಡರ್ ಮೈಕೆಲ್ ಲೀಸ್ಕ್ (22*ರನ್, 17ಕ್ಕೆ 4 ವಿಕೆಟ್) ಮತ್ತು ಆರಂಭಿಕ ಜಾರ್ಜ್ ಮುನ್ಸೆ (84 ರನ್, 54 ಎಸೆತ, 13 ಬೌಂಡರಿ, 2 ಸಿಕ್ಸರ್) ಆಕ್ರಮಣಕಾರಿ ಆಟದ ಎದುರು ಮಂಕಾದ ಇಟಲಿ ತಂಡ ಸ್ಕಾಟ್ಲೆಂಡ್ (scotland) ಎದುರು 73 ರನ್ಗಳಿಂದ ಪರಾಭವಗೊಂಡಿತು. ಇಟಲಿ ಟಿ20 ವಿಶ್ವಕಪ್ ಆಡಿದ 25ನೇ ತಂಡವೆನಿಸಿತು.
ಈಡನ್ ಗಾರ್ಡನ್ಸ್ ಸ್ಟೇಡಿಯಂನಲ್ಲಿ ಸೋಮವಾರ ಬೆಳಗ್ಗೆ ನಡೆದ ಸಿ ಗುಂಪಿನ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಸ್ಕಾಟ್ಲೆಂಡ್ 4 ವಿಕೆಟ್ಗೆ 207 ರನ್ ಕಲೆಹಾಕಿತು. ಪ್ರತಿಯಾಗಿ ಇಟಲಿ 16.4 ಓವರ್ಗಳಲ್ಲಿ 134 ರನ್ಗಳಿಗೆ ಆಲೌಟ್ ಆಗಿ ಶರಣಾಯಿತು.
ಸ್ಕಾಟ್ಲೆಂಡ್: 4 ವಿಕೆಟ್ಗೆ 207 (ಜಾರ್ಜ್ ಮುನ್ಸೆ 84, ಜೋನ್ಸ್ 37, ಮೆಕ್ಮುಲೆನ್ 41*, ಮೈಕೆಲ್ ಲೀಸ್ಕ್ 22*, ಅಲಿ ಹಸನ್ 21ಕ್ಕೆ 1, ಸ್ಟೀವರ್ಟ್ 44ಕ್ಕೆ 1, ಜೆಜೆ ಸ್ಮಟ್ಸ್ 38ಕ್ಕೆ 1). ಇಟಲಿ: 16.4 ಓವರ್ಗಳಲ್ಲಿ 134 (ಜೆಜೆ ಸ್ಮಟ್ಸ್ 22, ಹ್ಯಾರಿ ಮ್ಯಾನೆಂಟಿ 37, ಬೆನ್ ಮ್ಯಾನೆಂಟಿ 52, ಲೀಸ್ಕ್ 17ಕ್ಕೆ 4, ಮಾರ್ಕ್ ವ್ಯಾಟ್ 24ಕ್ಕೆ 2). ಪಂದ್ಯಶ್ರೇಷ್ಠ: ಮೈಕೆಲ್ ಲೀಸ್ಕ್.