RCB vs MI: ರಾಯ್ಪುರದಲ್ಲಿ ನಡೆದ ಆರ್ಸಿಬಿ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ 19ನೇ ಆವೃತ್ತಿಯ ಐಪಿಎಲ್ ಪಂದ್ಯದಲ್ಲಿ ರಜತ್ ಪಾಟೀದಾರ್ ಪಡೆ ಕೊನೆಯ ಎಸೆತದಲ್ಲಿ ರೋಚಕ ಜಯ ಸಾಧಿಸಿತು.
ಟಾಸ್ ಗೆದ್ದ ಆರ್ಸಿಬಿ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ, ಬ್ಯಾಟಿಂಗ್ ಮಾಡಿದ ಮುಂಬೈ ಪಡೆಗೆ ಆರಂಭಿಕರಾದ ರೋಹಿತ್ ಶರ್ಮಾ (22 ರನ್) ಮತ್ತು ರಿಕಲ್ಟನ್ (2) ಉತ್ತಮ ಓಪನಿಂಗ್ ನೀಡಲು ವಿಫಲರಾದರು. ಇನ್ನು ಶೂನ್ಯಕ್ಕೆ ಔಟ್ ಆದ ಸೂರ್ಯಕುಮಾರ್ ಯಾದವ್ (0) ಎಂದಿನಂತೆ ಕಳಪೆ ಪ್ರದರ್ಶನ ತೋರಿದರು. ಅವರ ಬಳಿಕ ಕ್ರೀಸ್ಗೆ ಬಂದ ನಮನ್ ಧಿರ್ (47 ರನ್) ತಿಲಕ್ ವರ್ಮಾ (ಅಜೇಯ 57 ರನ್) ಅವರ ಅದ್ಭುತ ಇನ್ನಿಂಗ್ಸ್ ಸಹಾಯದಿಂದ ಎಂಐ 20 ಓವರ್ನಲ್ಲಿ 7 ವಿಕೆಟ್ ನಷ್ಟಕ್ಕೆ 166 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.
ಈ ಸಾಧಾರಣ ಗುರಿಯನ್ನು ಬೆನ್ನತ್ತಿದ ಆರ್ಸಿಬಿಗೆ ವಿರಾಟ್ ಕೊಹ್ಲಿ ಅವರ ಡಕ್ಔಡ್ ದೊಡ್ಡ ಆಘಾತ ನೀಡಿತು. ಇದು ತಂಡದ ಗೆಲುವಿನ ಭರವಸೆಯನ್ನು ಕೊಂಚ ದೂರ ತಳ್ಳಿತು. ಅವರ ನಂತರದಲ್ಲಿ ಆಡಿದ ಜಾಕೆಬ್ ಬೆಥಲ್ (27), ದೇವದತ್ತ ಪಡಿಕ್ಕಲ್ (12), ರಜತ್ ಪಾಟೀದಾರ್ (8), ಜಿತೇಶ್ ಶರ್ಮ (18), ಟಿಮ್ ಡೇವಿಡ್ (0) ಅವರಿಂದ ಉತ್ತಮ ಪ್ರದರ್ಶನ ಬರಲಿಲ್ಲ. ಈ ಮಧ್ಯೆ, ಕ್ರೀಸ್ಗೆ ಅಂಟಿ ನಿಂತ ಕೃನಾಲ್ ಪಾಂಡ್ಯ 73 ರನ್ಗಳನ್ನು ಬಾರಿಸುವ ಮೂಲಕ ನಡೆಸಿದ ಏಕಾಂಗಿ ಹೋರಾಟ ಕಡೆಗೂ ಫಲಿಸಿತು. ಆರ್ಸಿಬಿ ಎದುರು ಸೋತ ಬೆನ್ನಲ್ಲೇ ಮುಂಬೈ ಪ್ಲೇಆಫ್ ರೇಸ್ನಿಂದ ಮಾತ್ರವಲ್ಲ, ಲೀಗ್ನಿಂದಲೇ ಹೊರಬಿದ್ದಿದೆ. ಇದು ಎಂಐ ಅಭಿಮಾನಿಗಳನ್ನು ಭಾರೀ ನಿರಾಶೆಗೊಳಿಸಿದೆ.