ಕೊಹ್ಲಿ ಫಾರ್ಮ್ ಬಗ್ಗೆ ಕೈಫ್ ಮಾಡಿದ ಟ್ವಿಟ್ ವೈರಲ್
- ಉದ್ಘಾಟನಾ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಆರ್ಸಿಬಿ ಭರ್ಜರಿ ಗೆಲುವು
- ಮೊದಲ ಪಂದ್ಯದಲ್ಲಿ ಅಜೇಯ 69 ರನ್ ಬಾರಿಸಿದ ವಿರಾಟ್
- ಕೊಹ್ಲಿ ಫಾರ್ಮ್ ಬಗ್ಗೆ ಕೈಫ್ ಮಾಡಿದ ಟ್ವಿಟ್ ವೈರಲ್
ಐಪಿಎಲ್: ನಿನ್ನೆ (ಮಾರ್ಚ್ 28) ರಿಂದ ಆರಂಭವಾಗಿರುವ ಭಾರತದ ಕ್ರಿಕೆಟ್ ಉತ್ಸವದ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸನ್ರೈಸರ್ಸ ಹೈದರಾಬಾದ್ ತಂಡವನ್ನು ಸೋಲಿಸಿ ಟೂರ್ನಿಯ ಮೊದಲ ಪಂದ್ಯದಲ್ಲಿ ಯಶಸ್ಸನ್ನು ತನ್ನದಾಗಿಸಿಕೊಂಡಿದೆ.
ಶುಭಾರಂಭ ಮಾಡಿದ ಆರ್ಸಿಬಿ!
ಮೊದಲ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಎಸ್ಆರ್ಹೆಚ್ ಇಪ್ಪತ್ತು ಓವರ್ಗಳಲ್ಲಿ 201 ರನ್ ಗಳನ್ನುಗಳಿಸಿತು. ನಂತರ ಚೇಸಿಂಗ್ ಆರಂಭಿಸಿದ ಆರ್ಸಿಬಿ ಕೇವಲ 15.4 ಓವರ್ಗಳಲ್ಲಿ 203 ರನ್ಗಳನ್ನು ಬಾರಿಸುವ ಮೂಲಕ ಮೊದಲ ಪಂದ್ಯದಲ್ಲೇ ಯಶಸ್ಸನ್ನು ಕಂಡಿತು.
ಆರ್ಸಿಬಿ ಪರವಾಗಿ ದೇವದತ್ ಪಡಿಕ್ಕಲ್ 26 ಎಸೆತಗಳಲ್ಲಿ 61 ರನ್ ಸಿಡಿಸಿದರೆ, ವಿರಾಟ್ ಕೊಹ್ಲಿ 38 ಬಾಲ್ಗಳಲ್ಲಿ ಅಜೇಯ 69 ರನ್ಗಳಿಸಿ ತಂಡದ ಗೆಲುವಿಗೆ ಪ್ರಮುಖ ಪಾತ್ರ ವಹಿಸಿದ್ದರು.
ವೈರಲ್ ಆದ ಮೊಹಮ್ಮದ್ ಕೈಫ್ ಟ್ವಿಟ್!
ಈ ಪಂದ್ಯದ ಬಳಿಕ ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ, ಮೊಹಮ್ಮದ್ ಕೈಫ್ (Mohammad Kaif on Virat) ಮಾಡಿರುವ ಟ್ವಿಟ್ವೊಂದು ಈಗ ಸಖತ್ ಚರ್ಚೆಗೆ ಗ್ರಾಸವಾಗಿದೆ.
ಸಾಮಾಜಿಕ ಜಾಲತಾಣ ವೇದಿಕೆಯಾದ ಟ್ವಿಟರ್ (ಎಕ್ಸ್) ನಲ್ಲಿ ಕೈಫ್, ನನಗೆ ಕೊಹ್ಲಿಯ ಆಟ ನೋಡಿ ಬಹಳ ಸಂತೋಷವಾಗಿದೆ. ಆಸ್ಟ್ರೆಲೀಯಾ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ಸೊನ್ನೆಗೆ ಔಟಾದಾಗ, ಇನ್ನೂ ಕೊಹ್ಲಿಯ ಹಳೆಯ ಫಾರ್ಮ್ ಇಲ್ಲ, ಮತ್ತೆ ಮೈದಾನಕ್ಕಿಳಿಯುವುದು ಸುಳ್ಳೆಂದು ಕೆಲವರು ಹೇಳಿದ್ದರು. ಆದರೆ ವಿರಾಟ್ ಇಂದು ಅವರ ಬಾಯನ್ನು ಮುಚ್ಚಿಸಿದ್ದಾನೆ ಎಂದು ಮೊಹಮ್ಮದ್ ಕೈಫ್ ಬರೆದಿದ್ದಾರೆ.
ಆದರೆ ಕೈಫ್ ಅವರ ಈ ಟ್ವಿಟ್ ಬಗ್ಗೆ ಕೆಲ ಅಭಿಮಾನಿಗಳು ಬೇಸರಗೊಂಡಿದ್ದು, ಕೊಹ್ಲಿ ಔಟಾಗಿದ್ದು ಟೆಸ್ಟ್ನಲ್ಲಿ, ಏಕದಿನ ಮತ್ತು ಟಿ-ಟ್ವೆಂಟಿಯಲ್ಲಿ ಕೊಹ್ಲಿಯ ಫಾರ್ಮ್ ಉತ್ತಮವಾಗಿಯೇ ಇದೆ ಎಂದು ಹೇಳಿದ್ದಾರೆ.
ವಿರಾಟ್ ವಿನೂತನ ದಾಖಲೆ!
ನಿನ್ನೆ (ಮಾರ್ಚ್ 28) ನಡೆದ ಪಂದ್ಯವನ್ನು ಗೆಲ್ಲುವ ಮೂಲಕ ವಿರಾಟ್, ಐಪಿಎಲ್ ಇತಿಹಾಸದಲ್ಲಿ ಚೇಸಿಂಗ್ನಲ್ಲಿ 4,000 ರನ್ ಬಾರಿಸಿದ ಮೊದಲ ಆಟಗಾರನಾಗಿ ಹೊರಹೊಮ್ಮಿದ್ದಾರೆ. ಇದರ ಜೊತೆಗೆ ಟಿ-ಟ್ವೆಂಟಿ ಇತಿಹಾಸದಲ್ಲಿ ಸಹ ಚೇಸಿಂಗ್ನಲ್ಲಿ ಅತ್ಯಧಿಕ ರನ್ಗಳಿಸಿದ ಖ್ಯಾರಿಯನ್ನು ವಿರಾಟ್ ದಾಖಲಿಸಿದ್ದಾರೆ,(ಏಜನ್ಸೀಸ್).