ನವದೆಹಲಿ: ಭಾರತ ಪರ ಆಡಿರುವ ಲೆಗ್ ಸ್ಪಿನ್ನರ್ ಕರ್ಣ್ ಶರ್ಮ (
Karn Sharma
) ಭಾನುವಾರ ಎಲ್ಲ ಮಾದರಿಯ ಕ್ರಿಕೆಟ್ಗೆ ವಿದಾಯ ಘೋಷಿಸಿದ್ದಾರೆ. ದೇಶೀಯ ಕ್ರಿಕೆಟ್ನಲ್ಲಿ ರೈಲ್ವೇಸ್, ವಿದರ್ಭ, ಆಂಧ್ರ ಪರ ಆಡಿರುವ ಉತ್ತರ ಪ್ರದೇಶ ಮೂಲದ ಅವರು, ಯುಪಿ ಟಿ20 ಲೀಗ್ನಲ್ಲಿ ಮಂಗಳವಾರ ಕಾನ್ಪುರ ಸೂಪರ್ಸ್ಟಾರ್ಸ್ ಪರ ಕೊನೆಯದಾಗಿ ಆಡಲಿದ್ದಾರೆ.
ಭಾರತ ಪರ 2014ರಲ್ಲಿ ತಲಾ 1 ಟೆಸ್ಟ್, ಟಿ20 ಮತ್ತು 2 ಏಕದಿನ ಪಂದ್ಯಗಳನ್ನು ಆಡಿ, ಒಟ್ಟು 5 ವಿಕೆಟ್ ಕಬಳಿಸಿದ್ದಾರೆ.
"ನಾನೀಗ ನಿವೃತ್ತಿ ಹೇಳಲು ಬಯಸಿದ್ದೇನೆ. ನನ್ನ ವೃತ್ತೀಜಿವನದುದ್ದಕ್ಕೂ ಬೆಂಬಲ ನೀಡಿದ ಎಲ್ಲರಿಗೂ ಧನ್ಯವಾದಗಳು. ಮುಂದೆ ನಾನು ಕೋಚಿಂಗ್ ಮತ್ತು ಕ್ರಿಕೆಟ್ಗೆ ಸಂಬಂಧಿಸಿದ ಇತರ ಜವಾಬ್ದಾರಿಗಳಿಗೆ ಲಭ್ಯನಿರುತ್ತೇನೆ' ಎಂದು 38 ವರ್ಷದ ಕರ್ಣ್ ಶರ್ಮ ತಿಳಿಸಿದ್ದಾರೆ. 2007-08ರಲ್ಲಿ ರಣಜಿ ಟ್ರೋಫಿ ಪದಾರ್ಪಣೆಯ ಪಂದ್ಯದಲ್ಲೇ ಶತಕ ಸಿಡಿಸಿದ್ದ ಕರ್ಣ್, 97 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 270 ವಿಕೆಟ್ ಮತ್ತು 2 ಶತಕಗಳ ಸಹಿತ 2,866 ರನ್ ಗಳಿಸಿದ್ದಾರೆ.
2016 (ಸನ್ರೈಸರ್ಸ್), 2017 (ಮುಂಬೈ), 2018ರಲ್ಲಿ (ಸಿಎಸ್ಕೆ) ಸತತ 3 ವರ್ಷ ಐಪಿಎಲ್ ಟ್ರೋಫಿ ಗೆದ್ದ ತಂಡದ ಭಾಗವಾಗಿದ್ದ ಕರ್ಣ್, 2021ರಲ್ಲಿ (ಸಿಎಸ್ಕೆ) 4ನೇ ಬಾರಿ ಐಪಿಎಲ್ ಕಿರೀಟ ಜಯಿಸಿದ್ದರು. 2009 ಮತ್ತು 2023-24ರಲ್ಲಿ ಆರ್ಸಿಬಿ ಪರವಾಗಿಯೂ ಆಡಿದ್ದರು. ಐಪಿಎಲ್ನಲ್ಲಿ 2025ರಲ್ಲಿ ಕೊನೆಯದಾಗಿ ಮುಂಬೈ ಪರ ಆಡಿದ್ದರು. ಕರ್ಣ್ ಭಾರತ ಪರ ಆಡಿದ ಏಕೈಕ ಏಕದಿನ ಪಂದ್ಯದಲ್ಲಿ ರೋಹಿತ್ ಶರ್ಮ ವಿಶ್ವದಾಖಲೆಯ 264 ರನ್ ಸಿಡಿಸಿದ್ದರು.