ಇಶಾನ್ ಕಿಶನ್ ಟೀಕೆಗೆ ಸಿಎಸ್ಕೆ ಫ್ಯಾನ್ಸ್ ಗರಂ
- ನಿರ್ಣಾಯಕ ಐಪಿಎಲ್ ಪಂದ್ಯದಲ್ಲಿ ಸಿಎಸ್ಕೆ ಎದುರು ಗೆದ್ದ ಸನ್ರೈಸರ್ಸ್ ಹೈದರಾಬಾದ್
- ಪ್ಲೇಆಫ್ ಗೆದ್ದ ಬೆನ್ನಲ್ಲೇ ಸಿಎಸ್ಕೆ ಅಭಿಮಾನಿಗಳನ್ನು ಟೀಕಿಸಿದ ಇಶಾನ್ ಕಿಶನ್
- ಕಿಶನ್ ನಡೆಗೆ ಫ್ಯಾನ್ಸ್, ನೆಟ್ಟಿಗರು ಛೀಮಾರಿ
ಚೆನ್ನೈ: ನಿನ್ನೆ (ಮೇ.18) ಚೆನ್ನೈನ ಚೆಪಾಕ್ ಕ್ರೀಡಾಂಗಣದಲ್ಲಿ ನಡೆದ ಸನ್ರೈಸರ್ಸ್ ಹೈದರಾಬಾದ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವಿನ ನಿರ್ಣಾಯಕ ಪಂದ್ಯದಲ್ಲಿ ರುತುರಾಜ್ ಪಡೆ ಸೋತ ಕೂಡಲೇ ಮೈದಾನದಲ್ಲಿದ್ದ ಸಿಎಸ್ಕೆ ಅಭಿಮಾನಿಗಳಿಗೆ ಮನೆಗೆ ಹೋಗುವಂತೆ ವಿಜಿಲ್ ಊದಿದ ಇಶಾನ್ ಕಿಶನ್ಗೆ ಸದ್ಯ ನೆಟ್ಟಿಗರ ಛೀಮಾರಿ ಹಾಕಿದ್ದಾರೆ.
ತಂಡದ ಗೆಲುವಿಗೆ ಪ್ರಮುಖ ಕಾರಣರಾದ ಇಶಾನ್ ಕಿಶನ್, ಚೆನ್ನೈ ಸೂಪರ್ ಕಿಂಗ್ಸ್ಗಿದ್ದ ಪ್ಲೇಆಫ್ ಅವಕಾಶವನ್ನು ತಮ್ಮ ಅಮೋಘ ಬ್ಯಾಟಿಂಗ್ನಿಂದ ಕಸಿದುಕೊಂಡರು. ಮತ್ತೊಂದೆಡೆ, ಪಂದ್ಯ ಗೆದ್ದ ಬಳಿಕ ಎದುರಾಳಿ ತಂಡದ ಆಟಗಾರರಿಗೆ ಕೈಕುಲುಕಿ ಮೈದಾನಕ್ಕೆ ಹೋಗುತ್ತಿದ್ದ ಇಶಾನ್, ಬೇಸರದಲ್ಲಿ ಕುಳಿತ್ತಿದ್ದ ಸಿಎಸ್ಕೆ ಅಭಿಮಾನಿಗಳ ಮುಂದೆ ಜೋರಾಗಿ ಶಿಳ್ಳೆ ಹೊಡೆಯುವಂತೆ ಅಣುಕಿಸಿ, ನೀವೆಲ್ಲರೂ ಎದ್ದು ಮನೆಗೆ ಹೋಗಿ ಎಂದಿದ್ದು ನೆಟ್ಟಿಗರ ಪಿತ್ತವನ್ನು ನೆತ್ತಿಗೇರಿಸಿದೆ.
ಮಹೇಂದ್ರ ಸಿಂಗ್ ಧೋನಿ ಅವರು ಮೈದಾನಕ್ಕಿಳಿದು ಕ್ರಿಕೆಟ್ ಪ್ರೇಮಿಗಳು, ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದನ್ನು ಕಂಡು ಫ್ಯಾನ್ಸ್ ಭಾವುಕರಾದರೆ, ಅತ್ತ ಕಿಶನ್ ನಡೆದುಕೊಂಡ ರೀತಿ ಹಲವರನ್ನು ಕೆರಳಿಸಿದೆ. ಒಬ್ಬ ದಿಗ್ಗಜ ಕ್ರಿಕೆಟಿಗನ ಉಪಸ್ಥಿತಿಯಲ್ಲಿ ಇದೆಂಥಾ ದುರ್ವತನೆ? ಏಕಿಂತ ಟೀಕೆಗಳು? ಇದ್ಯಾವುದು ಶೋಭೆಯಲ್ಲ ಎಂದು ಅನೇಕರು ಕಿಶನ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಸಿಡಿದೆದ್ದಿದ್ದಾರೆ.
ಇಶಾನ್ ಕಿಶಾನ್ ಅವರ ಅಮೋಘ ಬ್ಯಾಟಿಂಗ್ ಪ್ರದರ್ಶನದಿಂದ ಗೆಲುವಿನ ದಡ ಸೇರಿದ ಎಸ್ಆರ್ಎಚ್, ಪ್ಲೇಆಫ್ ಕನಸನ್ನು ಕಡೆಗೂ ಜೀವಂತವಾಗಿರಿಸಿಕೊಂಡಿತು. ಆದರೆ, ಪಂಜಾಬ್ ಕಿಂಗ್ಸ್ ಸೋಲಿನ ಮೂಲಕ ಪ್ಲೇಆಫ್ಗೆ ಲಗ್ಗೆಯಿಡಲು ಸಿಕ್ಕ ಸುವರ್ಣಾವಕಾಶವನ್ನು ಮತ್ತೊಮ್ಮೆ ಕಳಪೆ ಪ್ರದರ್ಶನದಿಂದ ಚೆನ್ನೈ ಪಡೆ ಕೈಚೆಲ್ಲಿತು. ಇದು ಫ್ರಾಂಚೈಸಿಯ ಅಭಿಮಾನಿಗಳನ್ನು ಅಕ್ಷರಶಃ ನಿರಾಶೆಗೊಳಿಸಿತು.
ಪಂದ್ಯದ ವಿವರ
ಮೊದಲು ಬ್ಯಾಟಿಂಗ್ ಮಾಡಿದ ಚೆನ್ನೈ 20 ಓವರ್ಗಳಲ್ಲಿ 7 ವಿಕೆಟ್ಗಳ ನಷ್ಟಕ್ಕೆ 180 ರನ್ ಗಳಿಸಿತು. ಈ ಸಾಧಾರಣ ರನ್ಗಳ ಗುರಿಯನ್ನು ಬೆನ್ನತ್ತಿದ ಪ್ಯಾಟ್ ಕಮ್ಮಿನ್ಸ್ ಪಡೆ 1 ಓವರ್ ಬಾಕಿ ಇರುವಂತೆಯೇ ಪಂದ್ಯವನ್ನು ಮುಗಿಸಿತು. ತಂಡದ ಪರ ಇಶಾನ್ ಕಿಶನ್ ಅದ್ಭುತ ಬ್ಯಾಟಿಂಗ್ ಮಾಡಿದರು. 47 ಎಸೆತಗಳಲ್ಲಿ 70 ರನ್ ಸಿಡಿಸಿ, ಸಿಎಸ್ಕೆ ವಿರುದ್ಧ 5 ವಿಕೆಟ್ಗಳ ಜಯ ತಂದುಕೊಟ್ಟರು.
ಈ ಗೆಲುವಿನೊಂದಿಗೆ, ಹೈದರಾಬಾದ್ ತಂಡವು ಪ್ಲೇಆಫ್ಗೆ ಅರ್ಹತೆ ಪಡೆದಿದೆ. ಮತ್ತೊಂದೆಡೆ, ಗುಜರಾತ್ ಟೈಟಾನ್ಸ್ ಕೂಡ ಪ್ಲೇಆಫ್ಗೆ ಲಗ್ಗೆಯಿಟ್ಟಿದೆ. ಇಲ್ಲಿಯವರೆಗೆ, ಮೂರು ತಂಡಗಳು ಈ ಹಂತಕ್ಕೆ ಪ್ರವೇಶ ಪಡೆದಿವೆ. ಆರ್ಸಿಬಿ, ಜಿಟಿ ಮತ್ತು ಎಸ್ಆರ್ಎಚ್ ಪ್ಲೇಆಫ್ ತಲುಪಿದ್ದು, ಸಿಎಸ್ಕೆಗೆ ಇನ್ನೂ ಅವಕಾಶವಿದೆ. ಆದರೆ, ರಾಜಸ್ಥಾನ ರಾಯಲ್ಸ್ ಎರಡು ಪಂದ್ಯ ಮತ್ತು ಪಂಜಾಬ್ ಕಿಂಗ್ಸ್ ಒಂದು ಪಂದ್ಯವನ್ನು ಸೋತರೆ ಮಾತ್ರ,(ಏಜೆನ್ಸೀಸ್).