IND vs WI T20: ಇಂದು ಲಖನೌದ ಏಕಾನಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಮೊದಲ ಟಿ20 ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ ಮುಕ್ತಾಯಗೊಂಡಿದೆ.
ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಶ್ರೇಯಸ್ ಅಯ್ಯರ್, ವಿಂಡೀಸ್ ಪಡೆಗೆ ಬ್ಯಾಟ್ ಮಾಡುವಂತೆ ಆಹ್ವಾನಿಸಿದರು. ಅಂತೆಯೇ, ಕಣಕ್ಕಿಳಿದ ಆರಂಭಿಕರಾದ ಕಮಿಲ್ ಪೂರನ್ ಕೇವಲ 12 ರನ್ಗೆ ಪೆವಿಲಿಯನ್ ಸೇರಿದರೆ, ಶಾಯ್ ಹೋಪ್ (52, 37 ಎಸೆತ) ಎಂದಿನಂತೆ ತಮ್ಮ ಸ್ಫೋಟಕ ಬ್ಯಾಟಿಂಗ್ ಮೂಲಕ ಕ್ಯಾಪ್ಟನ್ ಇನ್ನಿಂಗ್ಸ್ ತೋರಿದರು.
ನಂತರದಲ್ಲಿ ಕ್ರೀಸ್ಗಿಳಿದ ಶಿಮ್ರಾನ್ ಹೆಟ್ಮಾಯರ್ (5), ಪೋವಲ್ (0), ಚೇಸ್ (5), ರೋಮಾರಿಯೋ ಶೆಫಾರ್ಡ್ (7), ಮ್ಯಾಥ್ಯೂವ್ ಫೋರ್ಡೆ (2), ಶಾಮರ್ ಸ್ಪ್ರಿಂಗರ್ (9) ಕೇವಲ ಒಂದಂಕಿ ರನ್ ಗಳಿಸಿ ಔಟಾದರು. ಇದು ತಂಡದ ಕಳಪೆ ಪ್ರದರ್ಶನಕ್ಕೆ ಪ್ರಮುಖ ಕಾರಣವಾಯಿತು. ಇನ್ನು, ಏಕಾಂಗಿ ಹೋರಾಟ ನಡೆಸಿದ ಶರ್ಫೇನ್ ರುದರ್‌ಫೋರ್ಡ್ ಅವರ ಇನ್ನಿಂಗ್ಸ್ ತಂಡದ ಒಟ್ಟು ಮೊತ್ತವನ್ನು 150ರ ಗಡಿದಾಟಿಸಲು ಸಹಾಯ ಮಾಡಿತು. 20 ಓವರ್ ಮುಗಿಯುವುದರೊಳಗೆ ಆಲ್ಔಟ್ ಆದ ವಿಂಡೀಸ್ ಪಡೆ 171 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.
ಇನ್ನು ಬೌಲಿಂಗ್ನಲ್ಲಿ ತಂಡದ ಪರ ನಮನ್ ಧಿರ್ 3 ವಿಕೆಟ್ ಕಬಳಿಸಿದರೆ, ಕುಲದೀಪ್ ಯಾದವ್ ಮತ್ತು ಅಕ್ಸರ್ ಪಟೇಲ್ 2 ವಿಕೆಟ್ ಪಡೆದರೆ, ಅರ್ಷದೀಪ್ ಸಿಂಗ್ ಮತ್ತು ಮಯಾಂಕ್ ಯಾದವ್ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು. ವೆಸ್ಟ್ ಇಂಡೀಸ್ ದೈತ್ಯರು ನೀಡಿರುವ 171 ರನ್ಗಳ ಗುರಿಯನ್ನು ಟೀಮ್ ಇಂಡಿಯಾ ಕಡಿಮೆ ಓವರ್ನಲ್ಲಿ ಬೆನ್ನಟ್ಟಲಿದೆಯಾ ಅಥವಾ ಕೊನೆಯ ಓವರ್ವರೆಗೂ ತಲುಪಿ ರೋಚಕ ಹಂತಕ್ಕೆ ಕೊಂಡೊಯ್ಯಲಿದೆಯಾ ಎಂಬುದನ್ನು ಸೆಕೆಂಡ್ ಇನ್ನಿಂಗ್ಸ್ನಲ್ಲಿ ಕಾದು ನೋಡಬೇಕಿದೆ.