- ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಗುಜರಾತ್ ಟೈಟನ್ಸ್ಗೆ ರೋಚಕ ಜಯ
- 19ನೇ ಸೀಸನ್ನಲ್ಲಿ ಈ ದಂಡಕ್ಕೆ ತುತ್ತಾದ ಮೊದಲ ತಂಡ ಗುಜರಾತ್
- 1 ರನ್ಗಳ ರೋಚಕ ಗೆಲುವು ಸಾಧಿಸಿದ ಜಿಟಿ ಕ್ಯಾಪ್ಟನ್ಗೆ ಬಿತ್ತು 12 ಲಕ್ಷ ರೂ. ದಂಡ
GT vs DC: ನಿನ್ನೆ (ಏ.08) ದೆಹಲಿಯ ಅರುಣ್ ಜೆಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಗುಜರಾತ್ ಟೈಟಾನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ರೋಚಕ ಪಂದ್ಯದಲ್ಲಿ ಜಿಟಿ 1 ರನ್ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಕಡೆಯ ಓವರ್ವರೆಗೂ ತಲುಪಿದ ಈ ಪಂದ್ಯದಲ್ಲಿ, ಅಂತಿಮವಾಗಿ ಗಿಲ್ ಪಡೆ ಗೆದ್ದು ಬೀಗಿತು. ಒಂದೆಡೆ ಗೆಲುವಿನ ಸಂಭ್ರಮವಿದ್ದರೂ, ದಂಡದ ಹೊರೆ ತಮ್ಮ ನಾಯಕ ಶುಭಮನ್ ಗಿಲ್ ಮೇಲೆ ಬಿದ್ದಿದ್ದು, ಇಡೀ ತಂಡಕ್ಕೆ ಬಿಗ್ ಶಾಕ್ ನೀಡಿದೆ.
ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ 20 ಓವರ್ಗಳಲ್ಲಿ 4 ವಿಕೆಟ್ಗಳ ನಷ್ಟಕ್ಕೆ 210 ರನ್ ಗಳಿಸಿತು. ಈ ಬೃಹತ್ ಗುರಿಯನ್ನು ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು 20 ಓವರ್ಗಳಲ್ಲಿ 8 ವಿಕೆಟ್ಗಳ ನಷ್ಟಕ್ಕೆ 209 ರನ್ಗಳಿಗೆ ಸೋಲನ್ನು ಒಪ್ಪಿಕೊಂಡಿತು. ಡೆಲ್ಲಿ ಪರ ಕೆ.ಎಲ್. ರಾಹುಲ್ (52 ಎಸೆತಗಳಲ್ಲಿ 92 ರನ್) ಅರ್ಧಶತಕ ಗಳಿಸಿದರೆ, ಪಾಥುಮ್ ನಿಸ್ಸಂಕಾ (24 ಎಸೆತಗಳಲ್ಲಿ 41 ರನ್) ಮತ್ತು ಡೇವಿಡ್ ಮಿಲ್ಲರ್ (ಅಜೇಯರಾಗಿ 20 ಎಸೆತಗಳಲ್ಲಿ 41 ರನ್) ಉತ್ತಮ ಪ್ರದರ್ಶನ ನೀಡಿದರು. ಜಿಟಿ ಬೌಲರ್ಗಳಲ್ಲಿ ರಶೀದ್ ಖಾನ್ ಮೂರು ವಿಕೆಟ್ ಪಡೆದರು, ಪ್ರಸಿದ್ಧ್ ಕೃಷ್ಣ ಎರಡು ವಿಕೆಟ್ ಪಡೆದರು ಮತ್ತು ಸಿರಾಜ್ ಒಂದು ವಿಕೆಟ್ ಪಡೆದು ಮಿಂಚಿದರು.
ಗಿಲ್ಗೆ ದಂಡ ಏಕೆ?
ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ಮಂದಗತಿಯ ಓವರ್ ರೇಟ್ (ನಿಗದಿತ ಸಮಯದಲ್ಲಿ ಓವರ್ಗಳನ್ನು ಪೂರ್ಣಗೊಳಿಸದಿರುವುದು) ದಾಖಲಿಸಿತು. ಐಪಿಎಲ್ 19ನೇ ಸೀಸನ್ನಲ್ಲಿ ಈ ನಿಯಮ ಉಲ್ಲಂಘನೆ ಮಾಡಿದ ಮೊದಲ ತಂಡ ಗುಜರಾತ್ ಆದ ಕಾರಣ, ನಾಯಕ ಶುಭಮನ್ ಗಿಲ್ಗೆ 12 ಲಕ್ಷ ರೂ. ದಂಡ ವಿಧಿಸಲಾಯಿತು. ಐಪಿಎಲ್ ನೀತಿ ಸಂಹಿತೆಯ ಆರ್ಟಿಕಲ್ 2.22ರ ಉಲ್ಲಂಘನೆಯಾದ ಮೊದಲ ಪ್ರಕರಣ ಇದಾದ ಕಾರಣ, ಗಿಲ್ಗೆ ದಂಡದ ಹೊರೆ ಬಿದ್ದಿದೆ,(ಏಜೆನ್ಸೀಸ್).