ಹರಿಣಗಳ ಎದುರು ಹೀನಾಯ ಸೋಲು! ಕೋಚ್​​ ಗೌತಿಗೆ ಬಹುಮುಖ್ಯ ಸಲಹೆ ಕೊಟ್ಟ 'ದಾದಾ'

ನವದೆಹಲಿ: ನಿನ್ನೆ (ನ.16) ಕೋಲ್ಕತದ ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ಹೀನಾಯ ಸೋಲುಂಡಿತು. ಹರಿಣರ ಪಡೆ ನೀಡಿದ 124 ರನ್‌ಗಳ ಸಾಧಾರಣ ಗುರಿಯನ್ನು ತಲುಪುವಲ್ಲಿ ಮುಗ್ಗರಿಸಿದ ಟೀಮ್ ಇಂಡಿಯಾ, 30 ರನ್‌ಗಳಿಂದ ಪಂದ್ಯ ಸೋತಿತು. ಈ ಸೋಲಿಗೆ ಕ್ರಿಕೆಟ್​ ಪ್ರಿಯರಿಂದ ಬೇಸರ, ಟೀಕೆಗಳು ವ್ಯಕ್ತವಾಗುತ್ತಿವೆ. ಇದರ ಬೆನ್ನಲ್ಲೇ, ತಂಡದ ಹೆಡ್​ ಕೋಚ್​ ಗೌತಮ್ ಗಂಭೀರ್​ಗೆ ಮಾಜಿ ಹಿರಿಯ ಕ್ರಿಕೆಟಿಗ ಸೌರವ್ ಗಂಗೂಲಿ ಬಹುಮುಖ್ಯ ಸಲಹೆಯೊಂದನ್ನು ನೀಡಿದ್ದಾರೆ.

ಇಂಗ್ಲೆಂಡ್ ಪ್ರವಾಸದಲ್ಲಿ ಟೀಮ್ ಇಂಡಿಯಾ ಬ್ಯಾಟರ್​ಗಳು ಹೆಚ್ಚುವರಿ ರನ್ ಗಳಿಸಿದರು. ಅದಕ್ಕಾಗಿಯೇ ಅವರು ಆ ನೆಲದಲ್ಲಿ ಎರಡು ಟೆಸ್ಟ್ ಪಂದ್ಯಗಳನ್ನು ಗೆದ್ದರು. ಟೆಸ್ಟ್ ಪಂದ್ಯಗಳನ್ನು 5 ದಿನಗಳವರೆಗೂ ಆಡಿ ಗೆಲುವುದನ್ನು ನೋಡಿ. ಕೇವಲ ಮೂರು ದಿನಗಳಲ್ಲಿ ಮುಗಿಸಬೇಡಿ ಎಂದು ಗಂಭೀರ್​ಗೆ ಪ್ರಮುಖ ಸಲಹೆ ನೀಡಿದ್ದಾರೆ,(ಏಜೆನ್ಸೀಸ್).