ಐದು ಮ್ಯಾಚ್ ಆಡಿರೋ ನೀನು ನನಗೇ ಬುದ್ಧಿ ಹೇಳ್ತೀಯಾ? ಪಾಕ್ ಮಾಜಿ ಆಟಗಾರನಿಗೆ ಹರ್ಭಜನ್ ಸಿಂಗ್ ಖಡಕ್​ ವಾರ್ನಿಂಗ್​; ವಿಡಿಯೋ ವೈರಲ್! Harbhajan Singh

ಕ್ರಿಕೆಟ್: ಭಾರತ ಕ್ರಿಕೆಟ್​ ತಂಡ ಕಂಡ ಅಗ್ರಗಣ್ಯ ಬೌಲರ್​ಗಳಲ್ಲಿ ಹರ್ಭಜನ್ ಸಿಂಗ್ (Harbhajan Singh) ಒಬ್ಬರು. ಆದರೆ ಇತ್ತೀಚೆಗೆ ಹರ್ಭಜನ್ ಸಿಂಗ್ ತಮ್ಮ ಕ್ರಿಕೆಟ್​ಕ್ಕಿಂತ ತಮ್ಮ ಮಾತಿನಿಂದ ಸುದ್ದಿಯಲ್ಲಿದ್ದಾರೆ.

ಸದ್ಯ ಪುರುಷರ ಟಿ20 ವಿಶ್ವಕಪ್ ನಡೆಯುತ್ತಿದ್ದು, ಭಾರತದೊಂದಿಗೆ ಪಾಕಿಸ್ತಾನ ಪಂದ್ಯವನ್ನು ಆಡುವುದಿಲ್ಲ ಎಂದು ತಗಾದೆ ಎತ್ತಿರುವ ವಿಷಯ ನಿಮಗೆಲ್ಲಾ ತಿಳಿದೆ ಇದೆ. ಆದರೆ ಈ ವಿಷಯವು ಕೇಲವ ಪಾಕಿಸ್ತಾನದ ವಿರುದ್ಧ ಮೈದಾನಕ್ಕಿಳಿಯುವ ಆಟಗಾರರರಿಗೆ ಸೀಮಿತವಾಗಿರದೇ, ಕ್ರಿಕೆಟ್​ನಿಂದ ನಿವೃತ್ತಿ ಘೋಷಿಸಿರುವ ಆಟಗಾರರರು ಸಹ ಈ ವಿಷಯದ ಕುರಿತು ಮಾತನಾಡುತ್ತಿದ್ದಾರೆ. ಈಗ ಹರ್ಭಜನ್ ಸಿಂಗ್ ತಮ್ಮ ಯೂಟ್ಯೂಬ್ ಚಾನಲ್​ನಲ್ಲಿ ಪಾಕಿಸ್ತಾನದ ಮಾಜಿ ಆಟಗಾರನೊಬ್ಬನನ್ನು ತರಾಟೆ ತೆಗೆದುಕೊಂಡಿರುವ ವಿಡಿಯೋ ಈಗ ಎಲ್ಲಡೆ ವೈರಲ್​ ಆಗುತ್ತಿದೆ.

ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ತನ್ವೀರ್ ಅಹ್ಮದ್, ಹರ್ಭಜನ್ ಸಿಂಗ್ ಯಾವಾಗಲೂ ಪಾಕಿಸ್ತಾನಿ ಕ್ರಿಕೆಟಿಗರ ಜೊತೆ ಸುತ್ತಾಡುತ್ತಿರುತ್ತಾನೆ ಎಂದು ಹೇಳುವ ಮೂಲಕ ವಿವಾದಕ್ಕೆ ನಾಂದಿಹಾಡಿದರು. ಈಗ ತನ್ವೀರ್ ಅಹ್ಮದ್ ಅವರ ಈ ವ್ಯಂಗ್ಯಭರಿತ ಹೇಳಿಕೆಯಿಂದ ತಾಳ್ಮೆ ಕಳೆದುಕೊಂಡ ಭಜ್ಜಿ, ನಾನು ಯುಎಇಯಲ್ಲಿ ನಡೆದ ILT20 ಪಂದ್ಯಾವಳಿಗೆ ತೆರಳಿದ್ದಾಗ ಪಾಕ್​ ಆಟಗಾರ ಉಸ್ಮಾನ್ ತಾರಿಕ್​ ಅವರನ್ನು ಸಂದರ್ಶಿಸಿದ ಹಿನ್ನಲೆ ತನ್ವೀರ್ ಅಹ್ಮದ್ ಈ ರೀತಿ ಮಾತನಾಡಿದ್ದಾನೆ ಎಂದರು.

ಈ ತನ್ವೀರ್ ಅಹ್ಮದ್ ಒಬ್ಬ ತುಚ್ಛ ಮನುಷ್ಯ, ನನಗೆ ಅವನ್ಯಾರೆಂದೆ ಗೊತ್ತಿಲ್ಲ, ಅವನು ಪಾಕಿಸ್ತಾನದ ಪರವಾಗಿ ಹೆಚ್ಚೆಂದರೆ 3-4 ಪಂದ್ಯಗಳನ್ನು ಆಡಿದ್ದಾನೆ, ಆದರೆ ಅವನು ತನ್ನನ್ನು ತಾನು ಇಮ್ರಾನ್ ಖಾನ್, ವಾಸಿಮ್ ಅಕ್ರಮ್ ಅಥವಾ ವಕಾರ್ ಯೂನಿಸ್ ಎಂಬಂತೆ ತಿಳಿದಂತಿದೆ. ನಿನ್ನ ಬದುಕಿಗೆ ನಾಚಿಕೆಯಾಗಬೇಕು ಎಂದು ಭಜ್ಜಿ ತಮ್ಮ ಆಕ್ರೋಶವನ್ನು ಹೊರಹಾಕಿದ್ದಾರೆ.

ನಿನ್ನಂತವರು ಕ್ರಿಕೆಟ್​ನಲ್ಲಿ ಏನು ಕಿಸಿದಿರುವುದಿಲ್ಲ, ಸುಮ್ಮನೆ ಚಾನೆಲ್​ ಮುಂದೆ ಕುಳಿತು ಬಾಯಿಗೆ ಬಂದ ಹಾಗೆ ಬೊಗಳುತ್ತಾರೆ, ಮೊದಲು ಹೇಗೆ ವರ್ತಿಸಬೇಕು ಎನ್ನುವುದನ್ನು ಕಲಿತಿಕೊ, ಇನ್ನೊಮ್ಮೆ ನನ್ನ ತಂಟೆಗೆ ಬಂದರೆ ನಿನ್ನ ಜೀವನವನ್ನೇ ನಾಶ ಮಾಡುತ್ತೇನೆ ಎಂದು ಭಜ್ಜಿ ವಾರ್ನಿಂಗ್​ ಕೊಟ್ಟಿದ್ದಾರೆ,(ಏಜನ್ಸೀಸ್​).