- ವಿರಾಟ್ ಸಿಕ್ಸ್ ಹೊಡೆದದ್ದಕ್ಕೆ ಗ್ಯಾಲರಿಯಲ್ಲಿ ಡ್ಯಾನ್ಸ್ ಮಾಡಿದ ನಟಿ ಅನುಷ್ಕಾ ಶರ್ಮಾ
- ಕ್ಯೂಟ್ನೆಸ್ ಲೋಡೆಡ್ ವಿಡಿಯೋ ನೋಡೋಕೆ ಇಂಟರ್ನೆಟ್ಗೆ ಹಣ ಕೊಟ್ಟಿದ್ದಕೂ ಸಾರ್ಥಕ ಎಂದ ನೆಟ್ಟಿಗರು
- ಇಬ್ಬರ ಹೊಂದಾಣಿಕೆ ಬಗ್ಗೆ ಕೊಂಡಾಡಿದ ಫ್ಯಾನ್ಸ್
Anushka Sharma Dance: ಶುಕ್ರವಾರ ಗುಜರಾತ್ ಟೈಟನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 20 ಓವರ್ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು 205 ರನ್ ಗಳಿಸಿತ್ತು. ಈ ಗುರಿಯನ್ನು ಆರ್ಸಿಬಿ 18.5 ಓವರ್ಗಳಲ್ಲಿ 206 ರನ್ ಗಳಿಸಿ ಭರ್ಜರಿ ಜಯ ಸಾಧಿಸಿತ್ತು. ಈ ಮಧ್ಯೆ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಎಲ್ಲ ಕ್ರಿಕೆಟ್ ಅಭಿಮಾನಿಗಳ ಕಣ್ಸೆಳೆಯುವಂತೆ ಮಾಡಿದ್ದು.. ಅನುಷ್ಕಾ ಶರ್ಮಾರ ಡ್ಯಾನ್ಸ್.
ಹೌದು, ಒಂದು ಕಡೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಒಂದು ಕಡೆ ವಿರಾಟ್ ಕೊಹ್ಲಿ ಮತ್ತು ದೇವದತ್ ಪಡಿಕ್ಕಲ್ ಬ್ಯಾಟಿಂಗ್ಗೆ ಫ್ಯಾನ್ಸ್ ಕೇಕೆ, ಘೋಷಣೆಗಳನ್ನು ಕೂಗುತ್ತಿದ್ದರೆ, ಮತ್ತೊಂದು ಕಡೆ ಕ್ರಿಕೆಟ್ ಪ್ರೇಮಿಗಳು ಮನಸೋತಿದ್ದು ಅನುಷ್ಕಾ ಶರ್ಮಾರ ಪಂಜಾಬಿ ಸ್ಟೈಲ್ನ ಡ್ಯಾನ್ಸ್ಗೆ. ಬಿಳಿ ಬಣ್ಣದ ಬಟ್ಟೆ ಧರಿಸಿದ್ದ ಅನುಷ್ಕಾ ಶರ್ಮಾ, ಅದಕ್ಕೆ ತಕ್ಕಂತೆ ಮುಖಕ್ಕೆ ಹಚ್ಚಿದ್ದ ಸಿಂಪಲ್ ಮೇಕಪ್ ಸ್ಟನ್ನಿಂಗ್ ಆಗಿತ್ತು. ಹಾಲ್ಗೆನ್ನೆಯ ಹೊಳಪು..ನಕ್ಕಾಗ ವಜ್ರದಂತೆ ಅಳೆಯುವ ಹಲ್ಲು ಕಣ್ ಮಿಟುಕಿಸದೆ ನೋಡುವಂತೆ ಮಾಡಿತ್ತು.
ಗುಜರಾತ್ ವಿರುದ್ಧ ಆರ್ಸಿಬಿಗೆ ಜಯ
ಗುಜರಾತ್ ಟೈಟನ್ಸ್ ವಿರುದ್ಧ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಮಾಡುವಾಗ 44 ಎಸೆತದಲ್ಲಿ 81 ರನ್ ಗಳಿಸಿರು. ಆರಂಭಿಕವಾಗಿ ಬ್ಯಾಟಿಂಗ್ಗೆ ಹಿನ್ನಡೆ ಕಂಡರು, ಜಾಕೋಬ್ ಬೆಥಲ್ ವಿಕೆಟ್ ನಂತರ ಬಂದ ದೇವದತ್ ಪಡಿಕ್ಕಲ್ರಿಂದ ಆಟದ ವೇಗ ಬದಲಾಯಿತು. ಈ ಜೋಡಿಯಿಂದ ಸ್ಕೋರ್ ಹೆಚ್ಚಾಯಿತು.
ಈ ಮಧ್ಯೆ ಕೊಹ್ಲಿ ಒಂದು ಎಸೆತವನ್ನು ಸದುಪಯೋಗಪಡಿಸಿಕೊಂಡು, ಸಿಕ್ಸರ್ ಹೊಡೆದರು. ತಕ್ಷಣವೇ ಫ್ಯಾನ್ಸ್ ಘೋಷಣೆ ಕೂಗಿದರು. ಜೊತೆಗೆ ಗ್ಯಾಲರಿಯಲ್ಲಿದ್ದ ಅನುಷ್ಕಾ ಶರ್ಮಾ ಅವರು ತಾವು ಕುಳಿತಿದ್ದ ಸ್ಥಳದಿಂದಲೇ ಎದ್ದು ನಿಲ್ಲದೇನೆ ಖುಷಿಯಿಂದ ಡ್ಯಾನ್ಸ್ ಮಾಡಿರುವ ವಿಡಿಯೋಗಳು ಎಕ್ಸ್ನಲ್ಲಿ ಸದ್ದು ಮಾಡುತ್ತಿದೆ. ಪತಿಯ ಯಶಸ್ಸು ಕಾಣುತ್ತ ಸಂತೋಷ ವ್ಯಕ್ತಪಡಿಸಿದ ಅವರ ಈ ಪ್ರತಿಕ್ರಿಯೆ ಸದ್ಯ ಆರ್ಸಿಬಿ ಮತ್ತು ಕೊಹ್ಲಿ ಫ್ಯಾನ್ಸ್ ನಿದ್ದೆಗೆಡಿಸಿದೆ
ನೆಟ್ಟಿಗರು ಏನಂದ್ರು?
ಆರ್ಸಿಬಿ ಮ್ಯಾಚ್ ನೋಡುವಾಗ ಅನುಷ್ಕಾ ಶರ್ಮಾರ ರಿಯಾಕ್ಷನ್ ನೋಡುತ್ತಿದ್ದರೆ ಎಂಥಾ ಆನಂದ ಗೊತ್ತಾ?. ಇಂತಹ ವಿಡಿಯೋ ನೋಡಿದರೆ, ಇಂಟರ್ನೆಟ್ ಬಿಲ್ ಕಟ್ಟಿದ್ದಕ್ಕೂ ಸಾರ್ಥಕ ಎಂದೆನಿಸುತ್ತದೆ ಎಂದು ಬರೆದುಕೊಂಡಿದ್ದಾರೆ. ಮತ್ತೊಬ್ಬರು ಅವರಿಬ್ಬರ ಜೋಡಿಯೇ ಚೆಂದ. ಸದಾ ಅವರು ವಿರಾಟ್ ಬೆನ್ನೆಲುಬಾಗಿ ನಿಂತಿರುತ್ತಾರೆ ಎಂದಿದ್ದಾರೆ.
ಅನುಷ್ಕಾ ಮತ್ತು ವಿರಾಟ್ ಮದುವೆ ಹೀಗಿತ್ತು
ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರು 2013ರಲ್ಲಿ ಪರಿಚಯವಾದರು. ಒಂದು ಶಾಂಪು ಜಾಹೀರಾತಿನಲ್ಲಿ ಭೇಟಿಯಾದ ಅವರು ಪ್ರೀತಿಸಲು ಶುರುಮಾಡಿದರು. ಆಗಾಗ ಇಬ್ಬರ ಬಗ್ಗೆ ಗಾಸ್ಇಪ್ಸ್ ಕೇಳಿ ಬಂದಿತ್ತು. ಮೊದಲ ನಾಲ್ಕು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ಅವರು, 2017 ಡಿಸೆಂಬರ್ 11ರಂದು ಅಧಿಕೃತವಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇಟಲಿಯ ಟಸ್ಕನಿಯಲ್ಲಿರುವ ಬೊರ್ಗೊ ಫಿನೋಚಿಯೆಟೊ ವಿಲ್ಲಾದಲ್ಲಿ ವಿವಾಹವಾದರು,(ಏಜೆನ್ಸೀಸ್).