- ವೆಸ್ಟ್ ಇಂಡೀಸ್ ಆಲ್ರೌಂಡರ್ ಆ್ಯಂಡ್ರೆ ರಸೆಲ್ IPL ಗೆ ವಿದಾಯ
- ಹೊರ ಬಂದ ಬಗ್ಗೆ ಕೊನೆಗೂ ಮೌನ ಮುರಿದ ಸ್ಫೋಟಕ ಹಿಟ್ಟರ್
ಮುಂಬೈ:ವೆಸ್ಟ್ ಇಂಡೀಸ್ ಆಲ್ರೌಂಡರ್ ಆ್ಯಂಡ್ರೆ ರಸೆಲ್ ಇತ್ತೀಚೆಗೆ ಟಿ20 ಲೀಗ್ನಿಂದ ನಿವೃತ್ತಿ ಘೋಷಿಸುವ ಮೂಲಕ ತಮ್ಮ 13 ವರ್ಷಗಳ ಐಪಿಎಲ್ ವೃತ್ತಿಜೀವನಕ್ಕೆ ಅಂತ್ಯ ಹಾಡಿದರು.
ರಸೆಲ್ ಐಪಿಎಲ್ನಲ್ಲಿ 13 ಸೀಸನ್ಗಳಲ್ಲಿ 11 ಅನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿ ಕಳೆದರು. ಈ ವೇಳೆ ಅವರು ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಸ್ಮರಣೀಯ ಪ್ರದರ್ಶನಗಳನ್ನು ನೀಡಿದ್ದಾರೆ. ಅಲ್ಲದೆ, 2014 ಮತ್ತು 2024 ರಲ್ಲಿ ಅವರ ಎರಡು ಪ್ರಶಸ್ತಿ ವಿಜಯಗಳಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.
ಆದಾಗ್ಯೂ, ಅಚ್ಚರಿಯ ಬೆಳವಣಿಗೆಯೊಂದರಲ್ಲಿ, ಈ ತಿಂಗಳ ಕೊನೆಯಲ್ಲಿ ನಡೆಯಲಿರುವ ಐಪಿಎಲ್ ಮಿನಿ-ಹರಾಜಿಗೆ ಮುಂಚಿತವಾಗಿ ಕೆಕೆಆರ್ ಅವರನ್ನು ಬಿಡುಗಡೆ ಮಾಡಿದೆ. ಇದೀಗ ಕ್ರಿಕ್ಬಜ್ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ರಸೆಲ್, ಐಪಿಎಲ್ನಿಂದ ಹೊರ ಬಂದ ಬಗ್ಗೆ ಮೌನ ಮುರಿದಿದ್ದಾರೆ.
ಏಕೆ ಎಂದು ಕೇಳುವಾಗಲೇ ವಿದಾಯ ಉತ್ತಮ..!
ಹೌದು, ಕ್ರಿಕ್ಬಜ್ ವರದಿ ಪ್ರಕಾರ, ಉದಾಹರಣೆಗೆ ಉಸೇನ್ ಬೋಲ್ಟ್ ಅಥವಾ ಎಬಿ ಡಿವಿಲಿಯರ್ಸ್ ಅವರನ್ನು ತೆಗೆದುಕೊಳ್ಳಿ. ಆ ವ್ಯಕ್ತಿಗಳು ತಮ್ಮ ಆಟದ ಉತ್ತುಂಗದಲ್ಲಿದ್ದಾಗ ತಮ್ಮ ಆಟಗಳಿಗೆ ವಿದಾಯ ಹೇಳಿದರು. ಬಹಳಷ್ಟು ಅಭಿಮಾನಿಗಳು "ಏಕೆ?" ಈಗಾಲೇ ನಿವೃತ್ತಿ ಎಂದು ಕೇಳುತ್ತಿದ್ದರು. ನಾನು ಈ ನಿರ್ಧಾರವನ್ನು ತೆಗೆದುಕೊಂಡಾಗ, ಈ ಹಂತದಲ್ಲಿ ಅದು ನನಗೆ ಉತ್ತಮ ನಿರ್ಧಾರ ಎಂದು ನನಗೆ ಅನಿಸಿತು. ನಾನು ಪರದೆ ಹಿಂದೆ ಸರಿಯಲು ಬಯಸುವುದಿಲ್ಲ, ಇದು ನನಗೆ ಬೇಡ, ನಾನು ಒಂದು ಪರಂಪರೆಯನ್ನು ಬಿಟ್ಟು ಹೋಗಲು ಬಯಸುತ್ತೇನೆ ಎಂದು ಕ್ರಿಕ್ಬಜ್ ರಸೆಲ್ ಹೇಳಿರುವುದಾಗಿ ಉಲ್ಲೇಖಿಸಲಾಗಿದೆ.
ನೀವು ಮೂರು ಅಥವಾ ನಾಲ್ಕು ವರ್ಷಗಳ ಹಿಂದೆಯೇ ನಿವೃತ್ತಿ ಹೊಂದಬೇಕಿತ್ತು ಎಂದು ಹೇಳುವ ಹಂತಕ್ಕೆ ತಲುಪುವ ಬದಲು, ಜನರು ಇನ್ನೂ ಈಗಾಲೇ "ಏಕೆ" ಎಂದು ಕೇಳುತ್ತಿರುವಾಗ ನಿವೃತ್ತಿ ಹೊಂದುವುದು ಉತ್ತಮ ಎಂದು ನಾನು ನಂಬುತ್ತೇನೆ ಎಂದು ಅವರು ಹೇಳಿದರು.
ಕೆಕೆಆರ್ ತಂಡದ ಪವರ್ ಕೋಚ್
ಇನ್ನು ಆ್ಯಂಡ್ರೆ ರಸೆಲ್ ತಮ್ಮ ಐಪಿಎಲ್ ವೃತ್ತಿಜೀವನದಲ್ಲಿ, 174.17 ಸ್ಟ್ರೈಕ್ ರೇಟ್ನಲ್ಲಿ 2651 ರನ್ ಗಳಿಸಿದ್ದಾರೆ. ತಮ್ಮ ವೇಗದ ಬೌಲಿಂಗ್ನಲ್ಲಿ 123 ವಿಕೆಟ್ಗಳನ್ನು ಪಡೆದರು. ಆದಾಗ್ಯೂ, ಅವರು ಕೆಕೆಆರ್ ಶಿಬಿರದಲ್ಲಿಯೇ ಉಳಿಯಲಿದ್ದು, ಅವರನ್ನು ತಂಡದ 'ಪವರ್ ಕೋಚ್' ಎಂದು ಘೋಷಿಸಲಾಗಿದೆ,(ಏಜೆನ್ಸೀಸ್).