ದುಬೈ: ಅನುಭವಿ ಚೆಸ್ ಆಟಗಾರ ಪಿ. ಶ್ಯಾಮ್ನಿಖಿಲ್ ಭಾರತದ 85ನೇ ಗ್ರಾಂಡ್ಮಾಸ್ಟರ್ ಎನಿಸಿದ್ದಾರೆ. ದುಬೈ ಪೊಲೀಸ್ ಮಾಸ್ಟರ್ಸ್ ಚೆಸ್ ಟೂರ್ನಿಯಲ್ಲಿ 3ನೇ ಹಾಗೂ ಅಂತಿಮ ಜಿಎಂ ನಾರ್ಮ್ ಪೂರೈಸುವ ಮೂಲಕ 31 ವರ್ಷದ ಶ್ಯಾಮ್ನಿಖಿಲ್ ಈ ಪಟ್ಟ ಒಲಿಸಿಕೊಂಡರು.
ತಮಿಳುನಾಡಿನ ಶ್ಯಾಮ್ನಿಖಿಲ್ 2012ರಲ್ಲಿ 19ನೇ ವಯಸ್ಸಿನಲ್ಲೇ ಗ್ರಾಂಡ್ ಮಾಸ್ಟರ್ ಪಟ್ಟಕ್ಕೇರುವ ಮೊದಲೆರಡು ಮಾನದಂಡಗಳನ್ನು ತಲುಪಿದ್ದರು. ಆದರೆ 3ನೇ ಮಾನದಂಡ ಪೂರೈಸಲು ಬರೋಬ್ಬರಿ 12 ವರ್ಷ ತೆಗೆದುಕೊಂಡರು. ಕೂಟದಲ್ಲಿ ಅವರು ಒಂದು ಗೆಲುವಿನೊಂದಿಗೆ 8 ಡ್ರಾ ಸಾಧಿಸಿ 2,500 ಇಎಲ್ಒ ರೇಟಿಂಗ್ ಪಾಯಿಂಟ್ಸ್ ಗಳಿಸುವ ಮೂಲಕ ಗ್ರಾಂಡ್ಮಾಸ್ಟರ್ ಪಟ್ಟಕ್ಕೇರುವ 12 ವರ್ಷಗಳ ಕಾಯುವಿಕೆ ಕೊನೆಗೊಳಿಸಿದರು.