ನವದೆಹಲಿ: ಪಂದ್ಯದ ವೇಳೆ ಬಾಲ್ ತಗುಲಿ (Umpire )ಅಂಪೈರ್ ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ.ಪರ್ತ್ನಲ್ಲಿ ನಡೆದ ಕ್ರಿಕೆಟ್ ಪಂದ್ಯವೊಂದರಲ್ಲಿ ಈ ಅವಘಡ ಸಂಭವಿಸಿದೆ.
ಅಂಪೈರ್ ಟೋನಿ ಡಿನೋಬ್ರೆಕಾ ಅವರು ನೇರ ಡ್ರೈವ್ ಬಾಲ್ನಿಂದ ಮುಖಕ್ಕೆ ಗಂಭೀರವಾದ ಗಾಯವನ್ನು ಅನುಭವಿಸಿದರು. ಅದು ಅವನ ಮುಖಕ್ಕೆ ನೇರವಾಗಿ ಬಡಿಯಿತು. ಘಟನೆ ನಡೆದ ತಕ್ಷಣ ಡಿನೋಬ್ರೆಕಾ ಅವರಿಗೆ ಮೈದಾನದಲ್ಲೇ ಚಿಕಿತ್ಸೆ ನೀಡಲಾಯಿತು. ಇದರಿಂದ ಕೆಲಕಾಲ ಪಂದ್ಯ ಸ್ಥಗಿತಗೊಂಡಿತ್ತು. ನಂತರ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು.
ವೆಸ್ಟರ್ನ್ ಆಸ್ಟ್ರೇಲಿಯನ್ ಸಬರ್ಬನ್ ಟರ್ಫ್ ಕ್ರಿಕೆಟ್ ಅಂಪೈರ್ಸ್ ಅಸೋಸಿಯೇಷನ್ ಸಾಮಾಜಿಕ ಮಾಧ್ಯಮ ಪೋಸ್ಟ್ನಲ್ಲಿ ಅಪ್ಡೇಟ್ ನೀಡಿದೆ: 'ಆಸ್ಪತ್ರೆಯಲ್ಲಿ ರಾತ್ರಿ ಕಳೆದ ಟೋನಿ ಅದೃಷ್ಟವಶಾತ್ ಯಾವುದೇ ಮೂಳೆ ಮುರಿಯಲಿಲ್ಲ, ಆದರೆ ವೈದ್ಯರು ಅವರನ್ನು ನಿಗಾದಲ್ಲಿ ಇರಿಸಿದ್ದಾರೆ. ಈ ಭಯಾನಕ ಘಟನೆಯಿಂದ ಟೋನಿ ಶೀಘ್ರವಾಗಿ ಚೇತರಿಸಿಕೊಳ್ಳಲಿ ಎಂದು ನಾವು ಬಯಸುತ್ತೇವೆ. ಅವರು ಬೇಗ ಗುಣಮುಖರಾಗಲಿ ಎಂದು ಹಾರೈಸುತ್ತೇನೆ. ”ಎಂದು ಕ್ರಿಕೆಟ್ ಅಂಪೈರ್ಸ್ ಅಸೋಸಿಯೇಷನ್ ಸಾಮಾಜಿಕ ಮಾಧ್ಯಮ ಪೋಸ್ಟ್ನಲ್ಲಿ ತಿಳಿಸಿದೆ.
ಘಟನೆ ಸಂಭವಿಸಿದಾಗ ಟೋನಿ ಡಿನೊಬ್ರೆಕಾ ಅವರು ಉತ್ತರ ಪರ್ತ್ನ ಚಾರ್ಲ್ಸ್ ವೆರಿಯಾರ್ಡ್ ರಿಸರ್ವ್ನಲ್ಲಿ ಮೂರನೇ ದರ್ಜೆಯ ಪಂದ್ಯವನ್ನು ಅಂಪೈರ್ ಮಾಡುತ್ತಿದ್ದರು.