ನವದೆಹಲಿ: ವಿಶ್ವ ಚಾಂಪಿಯನ್ಷಿಪ್ ರಜತ ಪದಕ ವಿಜೇತ ಅಮಿತ್ ಪಾಂಗಲ್ ಒಲಿಂಪಿಕ್ಸ್ ಅರ್ಹತಾ ಕೂಟದ ಐಒಸಿ ಬಾಕ್ಸಿಂಗ್ ಟಾಸ್ಕ್ ಫೋರ್ಸ್ ರ್ಯಾಂಕಿಂಗ್ನಲ್ಲಿ ವಿಶ್ವ ನಂ. 1 ಎನಿಸಿದ್ದಾರೆ. ಅವರು ಕಳೆದೊಂದು ದಶಕದಲ್ಲಿ ವಿಶ್ವ ಬಾಕ್ಸಿಂಗ್ನಲ್ಲಿ ಅಗ್ರಸ್ಥಾನ ಪಡೆದ ಮೊದಲ ಭಾರತೀಯರೆನಿಸಿದ್ದಾರೆ.
2009ರಲ್ಲಿ ಕೊನೆಯದಾಗಿ ವಿಜೇಂದರ್ ಸಿಂಗ್ ಈ ಸಾಧನೆ ಮಾಡಿದ್ದರು. 24 ವರ್ಷದ ಅಮಿತ್ 75 ಕೆಜಿ ವಿಭಾಗದಲ್ಲಿ ಒಟ್ಟು 420 ಅಂಕದೊಂದಿಗೆ ಅಗ್ರಸ್ಥಾನ ಪಡೆದಿದ್ದಾರೆ. ಅಂತಾರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ (ಎಐಬಿಎ) ಆರ್ಥಿಕ-ಆಡಳಿತಾತ್ಮಕ ಅವ್ಯವಹಾರದಿಂದಾಗಿ ಸದ್ಯ ಅಮಾನತಿನಲ್ಲಿರುವ ಕಾರಣ ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಸಮಿತಿಯ (ಐಒಸಿ) ಬಾಕ್ಸಿಂಗ್ ಟಾಸ್ಕ್ ಫೋರ್ಸ್, ವಿಶ್ವ ಬಾಕ್ಸಿಂಗ್ನ ಆಡಳಿತವನ್ನು ನೋಡಿಕೊಳ್ಳುತ್ತಿದೆ. ‘ಅರ್ಹತಾ ಕೂಟದಲ್ಲಿ ಅಗ್ರ ಶ್ರೇಯಾಂಕ ಪಡೆಯಲು ಕೂಡ ಇದು ನೆರವಾಗಲಿದೆ. ಸಾಕಷ್ಟು ಆತ್ಮವಿಶ್ವಾಸವನ್ನೂ ತುಂಬಲಿದೆ. ಮೊದಲ ಅರ್ಹತಾ ಕೂಟದಲ್ಲೇ ಒಲಿಂಪಿಕ್ಸ್ ಅರ್ಹತೆ ಸಂಪಾದಿಸುವ ಭರವಸೆಯಲ್ಲಿದ್ದೇನೆ’ ಎಂದು ರೋಹ್ಟಕ್ನ ಬಾಕ್ಸರ್ ಅಮಿತ್ ಹೇಳಿದ್ದಾರೆ.
63 ಕೆಜಿ ವಿಭಾಗದಲ್ಲಿ ಮನೀಷ್ ಕೌಶಿಕ್ 12ನೇ ಸ್ಥಾನದಲ್ಲಿದ್ದರೆ, ಶಿವ ಥಾಪಾ 36ನೇ ಸ್ಥಾನದಲ್ಲಿದ್ದಾರೆ. 69 ಕೆಜಿ ವಿಭಾಗದಲ್ಲಿ ಮನೋಜ್ ಕುಮಾರ್ 71ನೇ ಸ್ಥಾನದಲ್ಲಿದ್ಧಾರೆ. -ಪಿಟಿಐ
ಮೇರಿ ಕೋಮ್ೆ 5ನೇ ಸ್ಥಾನ
ಆರು ಬಾರಿಯ ವಿಶ್ವ ಚಾಂಪಿಯನ್ ಮೇರಿ ಕೋಮ್ ಮಹಿಳೆಯರ 51 ಕೆಜಿ ವಿಭಾಗದ ರ್ಯಾಂಕಿಂಗ್ನಲ್ಲಿ 5ನೇ ಸ್ಥಾನದಲ್ಲಿದ್ದಾರೆ. ಭಾರತದ ಮತ್ತೋರ್ವ ಬಾಕ್ಸರ್ ನಿಖತ್ ಜರೀನ್ 22ನೇ ಸ್ಥಾನದಲ್ಲಿದ್ದಾರೆ. 69 ಕೆಜಿ ವಿಭಾಗದಲ್ಲಿ 3ನೇ ಸ್ಥಾನದಲ್ಲಿರುವ ಲವ್ಲಿನಾ ಬೋರ್ಗೆಹೈನ್ ಮಹಿಳೆಯರಲ್ಲಿ ಭಾರತದ ಉನ್ನತ ಶ್ರೇಯಾಂಕಿತ ಬಾಕ್ಸರ್ ಆಗಿದ್ದಾರೆ.