ಪ್ಯಾರಿಸ್: 140 ಕೋಟಿ ಜನಸಂಖ್ಯೆಯ ಭಾರತ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಇನ್ನೂ ಚಿನ್ನದ ಪದಕದ ಹುಡುಕಾಟದಲ್ಲಿರುವ ನಡುವೆ, ಕೇವಲ 72 ಸಾವಿರ ಜನಸಂಖ್ಯೆಯ ಕೆರಿಬಿಯನ್ ದ್ವೀಪರಾಷ್ಟ್ರ ಡೊಮಿನಿಕಾ ಮಹಿಳೆಯರ ಟ್ರಿಪಲ್ಜಂಪ್ನಲ್ಲಿ ಸ್ವರ್ಣ ಪದಕ ಗೆದ್ದು ಬೀಗಿದೆ.
ಡೊಮಿನಿಕಾದ ಥಿಯಾ ಲಾಫೊಂಡ್ 15.02 ಮೀ. ದೂರ ಹಾರಿ ರಾಷ್ಟ್ರೀಯ ದಾಖಲೆಯೊಂದಿಗೆ ಚಿನ್ನ ಜಯಿಸಿದರು. ಜಮೈಕಾದ ಶನೀಕಾ ರಿಕೆಟ್ಸ್ (14.87 ಮೀ) ಬೆಳ್ಳಿ ಮತ್ತು ಅಮೆರಿಕದ ಜಾಸ್ಮಿನ್ ಮೂರ್ (14.67 ಮೀ.) ಕಂಚಿನ ಪದಕ ಗೆದ್ದುಕೊಂಡರು.
30 ವರ್ಷದ ಲಾಫೋಂಡ್, ಡೊಮಿನಿಕಾಗೆ ಒಲಿಂಪಿಕ್ಸ್ನಲ್ಲಿ ಮೊಟ್ಟಮೊದಲ ಪದಕ ಗೆದ್ದುಕೊಟ್ಟರು. ಡೊಮಿನಿಕಾದಿಂದ ಕೇವಲ 4 ಕ್ರೀಡಾಪಟುಗಳು ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಿದ್ದಾರೆ.