ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ಅನುಭವಿ ಆಟಗಾರ ಆಕಾಶ್ ಅಶೋಕ್ ಕುಮಾರ್ 2ನೇ ಕರ್ನಾಟಕ ರಾಜ್ಯ ರ್ಯಾಂಕಿಂಗ್ ಟೆನ್ಪಿನ್ ಬೌಲಿಂಗ್ ಟೂರ್ನಿಯಲ್ಲಿ ಸತತ 2ನೇ ಬಾರಿ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.
ಜಯನಗರದ ಕಾಸ್ಮೋಪಾಲಿಟನ್ ಕ್ಲಬ್ನ ಅಮೀಬ ಬೌಲಿಂಗ್ ಸೆಂಟರ್ನಲ್ಲಿ ಬುಧವಾರ ಮುಕ್ತಾಯಗೊಂಡ ಟೂರ್ನಿಯಲ್ಲಿ ಅಗ್ರ ಶ್ರೇಯಾಂಕಿತ ಆಕಾಶ್ ಪ್ರಶಸ್ತಿ ಸುತ್ತಿನಲ್ಲಿ ಅಮೋಘ ನಿರ್ವಹಣೆ ತೋರಿಸಿದರು. ಅವರು ಫೈನಲ್ ಪಂದ್ಯದಲ್ಲಿ ತೃತೀಯ ಶ್ರೇಯಾಂಕಿತ ಆಂಟೋನಿ ಆರ್ ವಿರುದ್ಧ 67 ಪಿನ್ಗಳಿಂದ ಗೆಲುವು ಸಾಧಿಸಿದರು. ಆಕಾಶ್ 406-339 ಪಿನ್ಗಳ ಅಂತರದಿಂದ ಗೆದ್ದು ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.
ಇದಕ್ಕೆ ಮುನ್ನ ಮೊದಲ ನಾಕೌಟ್ ಪಂದ್ಯದಲ್ಲಿ ಆಕಾಶ್ 4ನೇ ಶ್ರೇಯಾಂಕಿತ ಸತೀಶ್ ಎ.ವಿ. ವಿರುದ್ಧ 105 ಪಿನ್ಗಳಿಂದ (417-312) ಗೆಲುವು ಸಾಧಿಸಿದರು. ಸತೀಶ್ ಎ.ವಿ. ತೃತೀಯ ಮತ್ತು ವಿಜಯ್ ಪಂಜಾಬಿ 4ನೇ ಸ್ಥಾನ ಗಳಿಸಿದರು. ಆಕಾಶ್ ಟೂರ್ನಿಯಲ್ಲಿ ಗರಿಷ್ಠ ಸರಾಸರಿ ಅಂಕ ಗಳಿಸಿದ ಸಾಧನೆಯನ್ನೂ ಮಾಡಿದರು. ಅಲೆನ್ ರಿಚರ್ಡ್ಸ್ ಗರಿಷ್ಠ 2 ಬಾರಿ 225ಕ್ಕಿಂತ ಹೆಚ್ಚು ಅಂಕ ಗಳಿಸಿದ ಸಾಧನೆ ಮಾಡಿದರು.