ಡೆಹ್ರಾಡೂನ್: ರಾಷ್ಟ್ರೀಯ ಕ್ರೀಡಾಕೂಟದ 38ನೇ ಆವೃತ್ತಿಯ ಮೊದಲ ದಿನವೇ ಅದ್ಭುತ ಪ್ರದರ್ಶನ ನೀಡಿದ ಕರ್ನಾಟಕ ಈಜುಪಟುಗಳು 5 ಚಿನ್ನ ಹಾಗೂ 2 ಬೆಳ್ಳಿ ಸಹಿತ ಒಟ್ಟು 7 ಪದಕಗಳನ್ನು ಬಾಚಿಕೊಂಡಿದ್ದಾರೆ. ಇದರೊಂದಿಗೆ ಕರ್ನಾಟಕ ಪದಕ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದೆ. ಖೋಖೋ, ಕಬಡ್ಡಿ ಸ್ಪರ್ಧೆಗಳಲ್ಲಿ ರಾಜ್ಯ ಶುಭಾರಂಭ ಕಂಡಿದೆ.
ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಿದ್ದ ದೇಶದ ಕಿರಿಯ ಅಥ್ಲೀಟ್ ಧಿನಿಧಿ ದೇಸಿಂಘು ಬುಧವಾರ ನಡೆದ ಈಜು ಸ್ಪರ್ಧೆಯಲ್ಲಿ ಒಟ್ಟು ಮೂರು ಸ್ವರ್ಣ ಪದಕಗಳನ್ನು ಜಯಿಸುವ ಜತೆಗೆ ನೂತನ ರಾಷ್ಟ್ರೀಯ ದಾಖಲೆ ರಚಿಸಿದರು. ಮಹಿಳೆಯರ 200 ಮೀಟರ್ ಫ್ರಿಸ್ಟೆ$ಲ್ ವಿಭಾಗದಲ್ಲಿ 2 ನಿಮಿಷ 3.24 ಸೆಕೆಂಡ್ಗಳಲ್ಲಿ ಸ್ಪರ್ಧೆ ಮುಗಿಸಿದ 14 ವರ್ಷದ ಧಿನಿಧಿ ನೂತನ ಕೂಟ ದಾಖಲೆಯೊಂದಿಗೆ ಸ್ವರ್ಣ ಪದಕ ತನ್ನದಾಗಿಸಿಕೊಂಡರು. 2022ರ ಕೂಟದಲ್ಲಿ ರಾಜ್ಯದ ಹಶಿಕಾ ರಾಮಚಂದ್ರ (2ನಿ.7.08ಸೆ) ನಿರ್ಮಿಸಿದ ದಾಖಲೆಯನ್ನು ಮುರಿದರು. ದೆಹಲಿಯ ಭವ್ಯಾ ಸಚ್ದೇವ್ (2ನಿ, 6.68ಸೆ) ಹಾಗೂ ಮಹಾರಾಷ್ಟ್ರದ ಅದಿತಿ (2ನಿ,9.74ಸೆ) ಕ್ರಮವಾಗಿ ಬೆಳ್ಳಿ, ಕಂಚಿನ ಪದಕಕ್ಕೆ ಕೊರಳೊಡ್ಡಿದರು. ಸ್ಪರ್ಧೆಯಲ್ಲಿದ್ದ ರಾಜ್ಯದ ಮತ್ತೋರ್ವ ಈಜುಪಟು ಮೀನಾ ಮೆನನ್ (2ನಿ,17.18ಸೆ) ಏಳನೇ ಸ್ಥಾನಕ್ಕೆ ತೃಪ್ತಿಪಟ್ಟರು.
100 ಮೀಟರ್ ಬಟರ್ ್ಲೆ$ ವಿಭಾಗದಲ್ಲೂ ಗಮರ್ನಾಹ ನಿರ್ವಹಣೆ ತೋರಿದ ಧಿನಿಧಿ ಹಾಗೂ ರಾಜ್ಯದ ನೈಶಾ ಶೆಟ್ಟಿ ಕ್ರಮವಾಗಿ ಮೊದಲ ಎರಡು ಸ್ಥಾನದಲ್ಲಿ ಸ್ಪರ್ಧೆ ಮುಗಿಸಿದರು. ಧಿನಿಧಿ 1 ನಿಮಿಷ 3.62 ಸೆಕೆಂಡ್ಗಳಲ್ಲಿ ಗುರಿ ತಲುಪಿದರೆ, ನೈಶಾ ಶೆಟ್ಟಿ 1 ನಿಮಿಷ 4.81 ಸೆಕೆಂಡ್ಗಳಲ್ಲಿ ಕ್ರಮಿಸಿ ಬೆಳ್ಳಿ ಪದಕ ತನ್ನದಾಗಿಸಿಕೊಂಡರು. ಒಡಿಶಾದ ಸೃಷ್ಟಿ ಉಪಾಧ್ಯಾಯ (1ನಿ,5.20ಸೆ) ಮೂರನೇ ಸ್ಥಾನಗಳಿಸಿದರು. ಧಿನಿಧಿ ಹಾಗೂ ನೈಶಾ 4*100 ಮೀಟರ್ ಫ್ರೀಸ್ಟೆ$ಲ್ ರಿಲೇಯಲ್ಲಿ ಚಿನ್ನ ಗೆದ್ದ ಕರ್ನಾಟಕ ತಂಡದ ಸದಸ್ಯರು ಆಗಿದ್ದಾರೆ.
ಪುರುಷರ 200 ಮೀಟರ್ ಫ್ರೀಸ್ಟೆ$ಲ್ ವಿಭಾಗದಲ್ಲಿ 1 ನಿಮಿಷ 50.57 ಸೆಕೆಂಡ್ಗಳಲ್ಲಿ ಗುರಿ ತಲುಪಿದ ಶ್ರೀ ಹರಿ ನಟರಾಜ್ ಚಿನ್ನ ಗೆದ್ದರೆ, ಅನೀಶ್ ಗೌಡ 1 ನಿಮಿಷ 52.42 ಸೆಕೆಂಡ್ಗಳಲ್ಲಿ ಕ್ರಮಿಸಿ ರಜತ ಹಾಗೂ ಕೇರಳದ ಸಜನ್ ಪ್ರಕಾಶ್ 1 ನಿಮಿಷ 53.73 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು.
ರಿಲೇ ಕ್ಲೀನ್ಸ್ವೀಪ್
ಪುರುಷರ ಹಾಗೂ ಮಹಿಳಾ ವಿಭಾಗದ 4*100 ಮೀಟರ್ ಸ್ಟೆ$ಲ್ ರಿಲೇ ವಿಭಾಗದ ಸ್ಪರ್ಧೆಯಲ್ಲಿ ಕರ್ನಾಟಕದ ಈಜುಪಟುಗಳು ಕ್ಲೀನ್ಸ್ವೀಪ್ ಸಾಧಿಸಿದರು. ಒಲಿಂಪಿಯನ್ ಶ್ರೀಹರಿ ನಟರಾಜ್, ಆಕಾಶ್ ಮಣಿ, ಚಿಂತನ್ ಎಸ್ ಶೆಟ್ಟಿ ಹಾಗೂ ಅನೀಶ್ ಎಸ್ ಗೌಡ ಒಳಗೊಂಡ ಪುರುಷರ ತಂಡ 3 ನಿಮಿಷ 26.26 ಸೆಕೆಂಡ್ಗಳಲ್ಲಿ ಸ್ಪರ್ಧೆ ಮುಗಿಸಿ ನೂತನ ಕೂಟ ದಾಖಲೆಯೊಂದಿಗೆ ಚಿನ್ನ ಜಯಿಸಿತು. ಮಹಿಳಾ ವಿಭಾಗದಲ್ಲಿ ನಿನಾ ವೆಂಕಟೇಶ್, ಶಾಲಿನಿ ಆರ್ ದೀತ್, ಲತೀಶಾ ಮಂದಣ್ಣ ಹಾಗೂ ಧಿನಿಧಿ ದೇಸಿಂಘು ಒಳಗೊಂಡ ತಂಡ 4 ನಿಮಿಷ 1.58 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ರಾಜ್ಯದ ಪದಕ ಸಂಖ್ಯೆ ಏರಿಸಿದರು. ಮಹಾರಾಷ್ಟ್ರ (4ನಿ,2.17ಸೆ) ಹಾಗೂ ತಮಿಳುನಾಡು (4ನಿ,8.17ಸೆ) ಕ್ರಮವಾಗಿ ರಜತ, ಕಂಚಿನ ಪದಕ ಗೆದ್ದುಕೊಂಡರು. ಪುರುಷರ ರಿಲೇಯಲ್ಲಿ ತಮಿಳುನಾಡು (3ನಿ,29.92ಸೆ), ಗುಜರಾತ್ (3ನಿ, 32.23ಸೆ) ತಂಡಗಳು ಕ್ರಮವಾಗಿ 2,3ನೇ ಸ್ಥಾನ ಪಡೆದುಕೊಂಡವು.