ಯಾರೀ 'ಟಾಕ್ಸಿಕ್'​ ಬೋಲ್ಡ್​ ಬ್ಯೂಟಿ? ಹೊರಬಿತ್ತು ಯಶ್ ಜತೆ ಹಸಿಬಿಸಿ ದೃಶ್ಯದಲ್ಲಿ ಕಿಚ್ಚು ಹಚ್ಚಿದ ನಟಿಯ ಬಯೋಡೇಟಾ!

ಬೆಂಗಳೂರು: ಕೆಜಿಎಫ್​ ಸರಣಿಯ ಭರ್ಜರಿ ಯಶಸ್ಸಿನ ಬಳಿಕ ಪ್ಯಾನ್​ ಇಂಡಿಯಾ ಸ್ಟಾರ್​ ಆಗಿ ಬೆಳೆದಿರುವ ನಟ ರಾಕಿಂಗ್​ ಸ್ಟಾರ್​ ಯಶ್​ ಇಂದು 40ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ವೈಯಕ್ತಿಕ ಕಾರಣಗಳಿಂದಾಗಿ ಈ ಬಾರಿಯು ನಟ ಯಶ್​​, ಫ್ಯಾನ್ಸ್​ಗಳ ನಡುವೆ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿಲ್ಲ. ಒಂದೆಡೆ ಸೋಷಿಯಲ್​ ಮೀಡಿಯಾದಲ್ಲಿ ನಟನಿಗೆ ಜನ್ಮದಿನದ ಶುಭಾಶಯಗಳ ಮಹಾಪೂರ ಹರಿದುಬಂದರೆ, ಚಿತ್ರದ ಟೀಸರ್​ನ ಒಂದು ಹಸಿಬಿಸಿ ದೃಶ್ಯಕ್ಕೆ ನೆಟ್ಟಿಗರಿಂದ ಟೀಕೆಗಳು ವ್ಯಕ್ತವಾಗುತ್ತಿರುವುದು ಮತ್ತೊಂದೆಡೆ.    

ಜ.8ರಂದು ಯಶ್ ಹುಟ್ಟುಹಬ್ಬಕ್ಕೆ 'ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್ ಅಪ್ಸ್' ಚಿತ್ರದ ನಿರ್ಮಾಪಕರು ನಟನ ಅಭಿಮಾನಿಗಳಿಗೆಂದು ಸಿನಿಮಾದ ಟೀಸರ್ ಅನ್ನು ಬಿಡುಗಡೆಗೊಳಿಸಿದರು. ಇದು ರಿಲೀಸ್​ ಆದ ಕೆಲವೇ ನಿಮಿಷಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಬೆಂಕಿ ಹಚ್ಚಿತು. ಟೀಸರ್​​ ಆರಂಭದಲ್ಲೇ ಯಶ್ ಅವರನ್ನು ಹಿಂದೆಂದೂ ನೋಡಿರದ ಅವತಾರದಲ್ಲಿ ತೋರಿಸಲಾಗಿದೆ. ಇದನ್ನು ನೋಡಿದ ಸಿನಿಪ್ರಿಯರು, ಅದರಲ್ಲಿನ ವಯಸ್ಕ-ಆಧಾರಿತ ದೃಶ್ಯಗಳಿಂದಾಗಿ ತೀವ್ರ ಅಸಮಾಧಾನಗೊಂಡಿದ್ದಾರೆ. ಸದ್ಯ ಈ ದೃಶ್ಯ ಕೆಲವರ ಸಿಡಿನುಡಿಗೆ ಕಾರಣವಾಗಿದ್ದು, ಚರ್ಚೆಗೆ ಗ್ರಾಸವಾಗಿದೆ.

ಟೀಸರ್​ನ ಓಪನಿಂಗ್​ ಸೀನ್​ನಲ್ಲಿ ಕಾರಿನಲ್ಲಿ ಯಶ್​ ಜತೆಗೆ ಹಸಿಬಿಸಿ ದೃಶ್ಯದಲ್ಲಿ ಕಾಣಿಸಿಕೊಂಡಿರುವ ನಟಿಯ ಹೆಸರು ನಟಾಲಿಯಾ ಬರ್ನ್. ಮೂಲತಃ ಹಾಲಿವುಡ್​ ನಟಿಯಾಗಿರುವ ಈಕೆ ಯುಕ್ರೇನಿಯನ್-ಅಮೇರಿಕನ್ ನಟಿ ಹಾಗೂ ನಿರ್ಮಾಪಕಿ. ಹಾಟ್​ ಲುಕ್​ನಲ್ಲಿ ನೆಟ್ಟಿಗರ ಹುಬ್ಬೇರಿಸಿರುವ ಈ ಚೆಲುವೆ ಯಾರೆಂಬ ಪ್ರಶ್ನೆ ಸದ್ಯ ನೋಡುಗರಲ್ಲಿ ಕಾಡಿದೆ. ಕೆಲವರು ಚಿತ್ರದಲ್ಲಿನ ಹಾಟ್​ ದೃಶ್ಯಗಳ ಅವಶ್ಯಕತೆ ಇದೆಯೇ ಎಂದು ಕೇಳುವ ಮೂಲಕ ನಟಿಯ ಹಿನ್ನೆಲೆ? ಈಕೆ ಯಾರು ಎಂಬ ಮಾಹಿತಿಯನ್ನು ಜಾಲತಾಣಗಳಲ್ಲಿ ಹುಡುಕಾಡಿದ್ದಾರೆ. 

ಯುಕ್ರೇನ್​ನ ರಾಜಧಾನಿ ಕೈವ್‌ನಲ್ಲಿ ಜನಿಸಿದ ನಟಾಲಿಯಾ, ಮಾಡೆಲಿಂಗ್, ಅಭಿನಯ ಮತ್ತು ನಿರ್ಮಾಪಕಿಯಾಗಿ ತಮ್ಮ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿದ್ದಾರೆ. ಯಶ್​ ನಟಿಸಿರುವ ಬಹುನಿರೀಕ್ಷಿತ ಟಾಕ್ಸಿಕ್‌ನಲ್ಲಿ ಕಾಣಿಸಿಕೊಂಡಿರುವ ಈ ಬ್ಯೂಟಿ, ಸದ್ಯ ಹಾಟ್​ ದೃಶ್ಯದಲ್ಲಿ ನಟಿಸಿರುವುದೇ ಇದೀಗ ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ. ಇದೊಂದು ಸೀನ್​ನಿಂದಲೇ ಜಾಲತಾಣಗಳಲ್ಲಿ ಹೆಚ್ಚಾಗಿ ಸರ್ಚ್​ ಆಗುತ್ತಿರುವುದು ಇನ್ನೊಂದು ಕುತೂಹಲಕಾರಿ ಸಂಗತಿ.  

ನಟಾಲಿಯಾ ಬರ್ನ್ ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸುವ ಮೊದಲು ಅಂತಾರಾಷ್ಟ್ರೀಯ ಮಾಡೆಲಿಂಗ್ ಮೂಲಕ ಮನರಂಜನಾ ಉದ್ಯಮಕ್ಕೆ ಎಂಟ್ರಿಕೊಟ್ಟ ಚೆಲುವೆ. ವರ್ಷಗಳ ಬಳಿಕ ಅವರು ಆ್ಯಕ್ಷನ್ ಸಿನಿಮಾ, ಹೈಪ್ರೊಫೈಲ್ ಪ್ರಾಜೆಕ್ಟ್​ಗಳಲ್ಲಿ ಹೆಚ್ಚಾಗಿ ಸಕ್ರಿಯರಾದರು.