ಕೋಟಿ ಅಭಿಮಾನಿಗಳ ಹರಕೆಯೇ ನಮಗೆ ಶ್ರೀರಕ್ಷೆ: ಹಸೆಮಣೆ ಏರಿದ ಬೆನ್ನಲ್ಲೇ ಅನ್ನದಾನಕ್ಕಿಳಿದ ಟಾಲಿವುಡ್ ಸ್ಟಾರ್ ಜೋಡಿ! Vijay Deverakonda

ಮದುವೆಯ ನಂತರ ಈ ಜೋಡಿ ಕೇವಲ ಸಂಭ್ರಮಾಚರಣೆಗೆ ಸೀಮಿತವಾಗದೆ, ದೈವಿಕ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಭಾರತಾದ್ಯಂತ ವಿವಿಧ ಪ್ರಸಿದ್ಧ ದೇವಾಲಯಗಳಿಗೆ ಭೇಟಿ ನೀಡುತ್ತಿರುವ ವಿಜಯ್ ಮತ್ತು ರಶ್ಮಿಕಾ, ಅಲ್ಲಿ ಭಕ್ತಾದಿಗಳಿಗೆ ಮತ್ತು ಬಡವರಿಗೆ ಅನ್ನದಾನ ಮಾಡುವ ಮೂಲಕ ತಮ್ಮ ಹೊಸ ಜೀವನಕ್ಕೆ ಶುಭಾರಂಭ ಕೋರಿದ್ದಾರೆ.

ಆದಾಗ್ಯೂ, ಹೈದರಾಬಾದ್​ನ ಜುಬೀಲಿ ಹಿಲ್ಸ್​​ನಲ್ಲಿನ ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡಿ, ದೇವಾಲಯದ ಹೊರ ಭಾಗದಲ್ಲಿದ್ದ ಭಕ್ತರಿಗೆ ಸ್ವತಃ ಅವರೇ ಸಿಹಿ ತಿಂಡಿಗಳನ್ನು ಹಂಚಿದ್ದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಈ ವಿಡಿಯೋಕ್ಕೆ ರಶ್ಮಿಕಾ ಭಾವನಾತ್ಮಕ ಸಾಲುಗಳನ್ನು ಬರೆದು ಪೋಸ್ಟ್​ ಮಾಡಿದ್ದಾರೆ.

ಇಂದು, ನಾವು ಒಟ್ಟಿಗೆ ನಮ್ಮ ಜೀವನವನ್ನು ಪ್ರಾರಂಭಿಸುತ್ತಿರುವಾಗ, ನಮ್ಮ ಹೃದಯಗಳು ತುಂಬಿವೆ. ನಾವು ಈ ಮಟ್ಟಿಗೆ ಯಶಸ್ಸು ಸಾಧಿಸಲು ನಿಮ್ಮಿಂದ ಪಡೆದ ಪ್ರೀತಿಯಿಂದಾಗಿ. ಸರಳವಾದ ಊಟವನ್ನು ಹಂಚಿಕೊಳ್ಳುವುದು ತುಂಬಾ ಅರ್ಥಪೂರ್ಣವಾಗಿದೆ. ನಮ್ಮೆಲ್ಲರ ಕೃತಜ್ಞತೆ ಮತ್ತು ಪ್ರೀತಿಯಿಂದ, ನಿಮ್ಮೆಲ್ಲರ ಆಶೀರ್ವಾದವನ್ನು ನಾವು ಬಯಸುತ್ತೇವೆ ಎಂದು ಬರೆದು ಪೋಸ್ಟ್ ಹಂಚಿಕೊಂಡಿದ್ದರು.

ಆಚರಣೆಗಳು ಹೈದರಾಬಾದ್‌ನ ಆಚೆಗೂ ವಿಸ್ತರಿಸಿದ್ದು, ಮಹೆಬೂಬ್‌ನಗರ, ಕರೀಂನಗರ, ದೆಹಲಿ, ಚಂಡೀಗಢ, ನೋಯ್ಡಾ, ಗಾಜಿಯಾಬಾದ್, ಅಹಮದಾಬಾದ್, ಭೋಪಾಲ್, ಮುಂಬೈ, ಜೈಪುರ, ವೈಜಾಗ್, ವಿಜಯವಾಡ, ಪುಟ್ಟಪರ್ತಿ, ಕೊಚ್ಚಿ, ಮೈಸೂರು, ಕೂರ್ಗ್, ಬೆಂಗಳೂರು, ಕೊಯಮತ್ತೂರು, ಚೆನ್ನೈ ಮತ್ತು ಪುದುಚೇರಿಯ ದೇವಸ್ಥಾನಗಳಲ್ಲಿ ಸಿಹಿ ಹಂಚಿ ಸಂಭ್ರಮ ಆಚರಿಸಿಕೊಂಡಿದ್ದಾರೆ.

ಸೋಮವಾರ ವಿಜಯ್ ಮತ್ತು ರಶ್ಮಿಕಾ ತೆಲಂಗಾಣದ ಹೊಸ ಮನೆಯಲ್ಲಿ ಗೃಹಪ್ರವೇಶ ಮತ್ತು ಸತ್ಯ ನಾರಾಯಣ ಪೂಜೆಯನ್ನು ನೆರವೇರಿಸಿದರು. ಈ ವೇಳೆ ರಶ್ಮಿಕಾ ಅವರ ಸಹೋದರಿ ಶಿಮಾನ್ ಮಂದಣ್ಣ ಮತ್ತು ವಿಜಯ್ ಅವರ ಸಹೋದರ ಆನಂದ್ ದೇವರಕೊಂಡ ಧಾರ್ಮಿಕ ವಿಧಿವಿಧಾನಗಳ ಸಮಯದಲ್ಲಿ ಅಕ್ಕ ಪಕ್ಕ ಕಾಣಿಸಿಕೊಂಡರು. (ಏಜೆನ್ಸೀಸ್​).