Boss Teaser - "ನಮ್ಮಪ್ಪ ಅಮ್ಮನಿಗೆ ವಯಸ್ಸಾಗಿದೆ. ನನ್ನ ಹೆಂಡತಿ ಪ್ರಗ್ನೆಂಟ್... ನನ್ನ ಬಿಟ್ಬಿಡಿ ಸರ್....' ಎಂಬ ಹಿನ್ನೆಲೆ ಧ್ವನಿಯಿಂದ ಟೀಸರ್ ಆರಂಭವಾಗುತ್ತದೆ. ಅಲ್ಲಿಂದ ಪೊಲೀಸ್ ಕಂಟ್ರೋಲ್ ರೂಮ್ನಿಂದ ವಾಕೀಟಾಕಿ ಸಂದೇಶ, "ಪೈಪ್ಲೈನ್ ಮೋರಿ ಹತ್ತಿರ ಒಂದು ಅನಾಥ ಶಿವ ಸಿಕ್ಕಿದೆ...' ಎಂದು ಶಿಫ್ಟ್ ಆಗುತ್ತದೆ. ಇಲ್ಲಿಗೆ ಇದು ಯಾರ ಕುರಿತ ಕಥೆ ಎಂಬುದರ ಬಗ್ಗೆ ಸ್ವಲ್ಪ ಕ್ಲಾರಿಟಿ ಸಿಕ್ಕಿಬಿಡುತ್ತದೆ. ಅಂದಹಾಗೆ, ಇದು "ನಟ್ವರ್ಲಾಲ್' ಯಶಸ್ಸಿನ ಬಳಿಕ ನಟ ತನುಷ್ ಶಿವಣ್ಣ ಮತ್ತು ನಿರ್ದೇಶಕ ಪಿ. ಲವ ಕಾಂಬಿನಷೇನ್ನಲ್ಲಿ ಮೂಡಿಬಂದಿರುವ "ಬಾಸ್' ಚಿತ್ರದ ಟೀಸರ್ ಹೈಲೈಟ್ಸ್. ಚಿತ್ರಕ್ಕೆ "ಸತ್ಯಮೇವ ಜಯತೆ' ಎಂಬ ಅಡಿಬರಹವಿದೆ. ನಿರ್ದೇಶಕ ಲವ, "ಇದು ರೇಣುಕಸ್ವಾಮಿ ಕಥೆಯಲ್ಲ, ಶಿವಸ್ವಾಮಿ ಕಥೆ. ಇದು ನೈಜ ಟನೆಯಾಧಾರಿತ ಚಿತ್ರವಲ್ಲ. ಸಮಾಜದಲ್ಲಿ ನಡೆಯುವ ಹಲವು ಟನೆಗಳಿಂದ ಪ್ರೇರೇಪಣೆ ಪಡೆದು, ನಾನು ಕಾಲ್ಪನಿಕ ಕಥೆ ಮಾಡಿಕೊಂಡಿದ್ದೇನೆ. ಈ ಚಿತ್ರಕ್ಕೂ ದರ್ಶನ್ ಸರ್ಗೂ ಸಂಬಂಧವಿಲ್ಲ' ಎಂದು ಸ್ಪಷ್ಟನೆ ನೀಡುತ್ತಾರೆ. ಹಾಗೇ, "ಇದೊಂದು ಕೆಮ್ ಥ್ರಿಲ್ಲರ್ ಸ್ಟೋರಿ. ನಾನೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದೇನೆ. ಈಗಾಗಲೇ ಶೂಟಿಂಗ್ ಪೂರ್ಣಗೊಂಡಿದೆ. ಕೆಲವೇ ದಿನಗಳಲ್ಲಿ ಟ್ರೇಲರ್ ರಿಲೀಸ್ ಮಾಡಿ, ಮುಂದಿನ ತಿಂಗಳು ಸಿನಿಮಾ ಬಿಡುಗಡೆ ಮಾಡುವ ಪ್ರಯತ್ನದಲ್ಲಿದ್ದೇವೆ' ಎಂದು ಮಾಹಿತಿ ನೀಡುತ್ತಾರೆ. ನಾಯಕ ತನುಷ್ಗೆೆ ಇಬ್ಬರು ನಾಯಕಿಯರಿದ್ದು ಮೋನಿಕಾ ಗೌಡ ಮತ್ತು ಪಾಯಲ್ ಚಂಗಪ್ಪ ಜೋಡಿಯಾಗಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಸುರೇಶ್ ಸಂಗೀತ, ಶರತ್ ಎನ್ಆರ್ಪುರ ಛಾಯಾಗ್ರಹಣವಿರಲಿದೆ.
ಸಿನಿಮಾಗೆ ಅದರದೇ ಚೌಕಟ್ಟಿರುತ್ತದೆ. ಸೆನ್ಸಾರ್ ಮಂಡಳಿ ಇದೆ, ಕಾನೂನುಗಳಿವೆ. ಅದನ್ನು ಮೀರಿ ನಾವೇನೂ ಮಾಡಲಾಗುವುದಿಲ್ಲ. ಸಿನಿಮಾ ನೋಡಿದ ಬಳಿಕ ಎಲ್ಲರಿಗೂ ನಮ್ಮ ಚಿತ್ರಕ್ಕೂ ದರ್ಶನ್ ಸರ್ಗೂ ಯಾವುದೇ ಸಂಬಂಧ ಇಲ್ಲ ಅಂತ ಗೊತ್ತಾಗುತ್ತದೆ. - ತನುಷ್ ಶಿವಣ್ಣ, ನಾಯಕ