ತಾರಾಗಣ: ರಾಜೇಶ್ ಧ್ರುವ, ರವೀಾ ಶೆಟ್ಟಿ, ಜಾನ್ವಿ ರಾಯಲ, ರಾಮ್ ನಾಡಗೌಡ, ಪ್ರತಿಮಾ ನಾಯಕ್, ದೀನಾ ಪೂಜಾರಿ ಮತ್ತಿತರರು.
ಆತ ಮಡಿಕೇರಿಯ ಪೀಟರ್ (ರಾಜೇಶ್). ಕ್ರೈಸ್ತನಾದರೂ ಬೈಬಲ್ನಷ್ಟೇ ಭಗವದ್ಗೀತೆಯನ್ನೂ ನಂಬುವ ಯುವಕ. ಚಂಡೆ ಅಂದರೆ ಎಲ್ಲಿಲ್ಲದ ಪ್ರೀತಿ. ಅಮ್ಮ ಮೇರಿ (ಪ್ರತಿಮಾ) ಮಾನಸಿಕ ಸ್ಥಿತಿ ಕಳೆದುಕೊಂಡಿದ್ದರೆ, ಅಪ್ಪ ಜೋಸೆಫ್ ಕುಡಿತಕ್ಕೆ ದಾಸ. ಅದರ ನಡುವೆಯೂ ಜೀವದ ಗೆಳೆಯ ಶಂಭು (ರಾಮ್) ಮತ್ತು ಊರ ಹುಡುಗರ ಜತೆ ಸೇರಿ ತಂಡ ಕಟ್ಟಿಕೊಂಡು ಪ್ರತಿವರ್ಷ ಶ್ರೀಕೃಷ್ಣ ದೇವಸ್ಥಾನದಲ್ಲಿ ಚಂಡೆ ಬಾರಿಸುತ್ತಾನೆ. ಕಾಲೇಜು, ಊರು ಎಲ್ಲಿ ಏನೇ ನಡೆದರೂ ಮುಂದೆ ನಿಲ್ಲುವ ಪೀಟರ್ ಎಲ್ಲೆಡೆ ಕೇಂದ್ರಬಿಂದು. ಆದರೆ, ಶ್ರೀಮಂತ ಮನೆಯ ಶರತ್ಚಂದ್ರ (ರತ್) ಪೀಟರ್ ವಿರುದ್ಧ ಹಗೆ ಸಾಧಿಸಲು ತಾನೂ ಒಂದು ತಂಡ ಕಟ್ಟಿಕೊಂಡು ಬರುತ್ತಾನೆ. ಚಂಡೆ ಮೇಳದ ಸಮಯದಲ್ಲಿ ಶರತ್ ತಲೆಗೆ ಪೆಟ್ಟು ಬಿದ್ದು, ಆ ಆರೋಪ ಪೀಟರ್ ಮೇಲೆ ಬರುತ್ತದೆ. ಮತ್ತೊಂದೆಡೆ ಪೀಟರ್ ಮತ್ತು ಕಾಲೇಜು ವಿದ್ಯಾರ್ಥಿನಿ ಮೀರಾ (ರವೀಕ್ಷಾ) ನಡುವೆ ಲವ್ಸ್ಟೋರಿ ಪ್ರಾರಂಭವಾಗಿರುತ್ತದೆ. ಈಗ ಪೀಟರ್ ಎಲ್ಲವನ್ನೂ, ಎಲ್ಲರನ್ನೂ ಬಿಟ್ಟು ತಲೆಮರೆಸಿಕೊಂಡು ಹೋಗಬೇಕಾದ ದುಸ್ಥಿತಿ. ಹಾಗಾದರೆ ಪೀಟರ್ ಹೋಗುವುದೆಲ್ಲಿ? ಚಂಡೆ ತಂಡದ ಕಥೆಯೇನು? ತಾಯಿ ಮಾನಸಿಕ ಸ್ಥಿತಿ ಕಳೆದುಕೊಳ್ಳಲು, ಅಪ್ಪ ಕುಡುಕನಾಗಲು ಕಾರಣವೇನು? ಮೀರಾ ಏನಾಗುತ್ತಾಳೆ? ಶರತ್ನ ಪೀಟರ್ ಕೊಂದಿರುತ್ತಾನಾ? ಹೀಗೆ ಹಲವು ಪ್ರಶ್ನೆಗಳಿಗೆ ದ್ವೀತಿಯಾರ್ಧದಲ್ಲಿ ಉತ್ತರ ಸಿಗುತ್ತದೆ.
ಸಿನಿಮಾಗಳಲ್ಲಿ ಸಾಮಾನ್ಯವಾಗಿ ನಾಯಕ, ನಾಯಕಿ, ಖಳನಾಯಕ, ಒಂದು ಪೋಷಕ ಅಥವಾ ಹಾಸ್ಯಪಾತ್ರಕ್ಕೆ ಪ್ರಾಮುಖ್ಯ ನೀಡಲಾಗುತ್ತದೆ. ಹಾಗೇ ಮೊದರ್ಲಧದಲ್ಲಿ ಪಾತ್ರಗಳನ್ನು ಪರಿಚಯಿಸಿ ಮೂರ್ನಾಲ್ಕು ಪ್ರಶ್ನೆಗಳನ್ನು ಸೃಷ್ಟಿಸಿ, ದ್ವೀತಿಯಾರ್ಧದಲ್ಲಿ ಉತ್ತರ ನೀಡುವುದು ಸಹ ಕಾಮನ್. ಆದರೆ, ಈ ವಿಷಯಗಳಲ್ಲಿ ಸುಕೇಶ್ ಶೆಟ್ಟಿ ಹಲವು ಹೆಜ್ಜೆ ಮುಂದೆ ಹೋಗಿದ್ದಾರೆ. ಏಕೆಂದರೆ ಈ ಚಿತ್ರಕ್ಕೆ "ಪೀಟರ್' ಅಂತ ಮಾತ್ರವಲ್ಲ "ಜೆಸ್ಸಿ', "ಡೇವಿಡ್', "ಜೋಸ್ೆ', "ಮೇರಿ', "ಶಂಭು', "ಮೀರಾ', "ರಾಧಾ'... ಹೀಗೆ ಯಾವ ಪಾತ್ರದ ಹೆಸರನ್ನು ಬೇಕಾದರೂ ಇಡುವಷ್ಟರ ಮಟ್ಟಿಗೆ ಎಲ್ಲ ಪಾತ್ರಗಳೂ ಕಥೆಯನ್ನು ಹೊತ್ತು ಸಾಗುತ್ತವೆ. ಮೊದರ್ಲಧ "ಪೀಟರ್' ಕಡಿಮೆ ಎಂದರೂ ಹತ್ತು ಪ್ರಶ್ನೆಗಳನ್ನು ಹುಟ್ಟಿಹಾಕುತ್ತಾನೆ. ಮಗನಾಗಿ, ಪ್ರೇಮಿಯಾಗಿ, ತಮ್ಮನಾಗಿ, ಗೆಳೆಯನಾಗಿ ಎಲ್ಲ ಸಂಬಂಧಗಳಲ್ಲೂ ಸಿಲುಕಿ ನಲುಗುವ ಪೀಟರ್ ಆಗಿ ರಾಜೇಶ್ ಧ್ರುವ ಗಮನ ಸೆಳೆಯುತ್ತಾರೆ. ಪ್ರತಿಮಾ, ದೀನಾ, ರಾಮ್, ರವೀಾ, ಜಾನ್ವಿ ಪಾತ್ರಗಳು ಸಹ ಅವರಿಗೆ ಸಮನಾಗಿ ನಿಲ್ಲುತ್ತವೆ. ರಿತ್ವಿಕ್ ಮುರಳೀಧರ್ ಸಂಗೀತದಲ್ಲಿ "ಸುಂದರಿ ಸುಂದರಿ' ಸಾಂಗ್ ಸಾಗುವ ಸಾಲಿನಷ್ಟೇ ಸುಂದರವಾಗಿದೆ. ಗುರುಪ್ರಸಾದ್ ಸೆರೆಹಿಡಿದಿರುವ ಮಲೆನಾಡ ಹಸಿರ ಸೊಬಗು, ಅದನ್ನು ಕೌತುಕ ಕಥೆಯಲ್ಲಿ ನಿರೂಪಿಸಿರುವ ಸುಕೇಶ್ ಶೆಟ್ಟಿ ಬುದ್ಧಿವಂತಿಕೆ, ಅದೆರಡಕ್ಕೂ ತಕ್ಕ ಹಿನ್ನೆಲೆ ಸಂಗೀತ "ಪೀಟರ್'ಅನ್ನು ಮತ್ತೊಂದು ಹಂತಕ್ಕೇರಿಸಿವೆ.