Action Choreographer Dr. Ravi Varma -
ನಾಲ್ಕು ದಶಕಗಳ ಸುದೀರ್ಘ ಸಿನಿಜೀವನದಲ್ಲಿ ಕನ್ನಡ, ತೆಲುಗು, ತಮಿಳು, ಹಿಂದಿ ಸೇರಿ ಬಹುಭಾಷೆಗಳಲ್ಲಿ 700ಕ್ಕೂ ಹೆಚ್ಚು ಸಿನಿಮಾಗಳಿಗೆ ಸಾಹಸ ನಿರ್ದೇಶಿಸಿರುವ ಹೆಗ್ಗಳಿಕೆ ಡಾ. ರವಿ ವರ್ಮಾಗೆ ಸಲ್ಲುತ್ತದೆ. ವಿಶೇಷ ಅಂದರೆ, ಅವರು ಆಮಿರ್ ಖಾನ್, ಸಲ್ಮಾನ್ ಖಾನ್, ಸನ್ನಿ ಡಿಯೋಲ್ ಸೇರಿ ಹಲವು ಬಾಲಿವುಡ್ ಸ್ಟಾರ್ಗಳ ನೆಚ್ಚಿನ ಆ್ಯಕ್ಷನ್ ಡೈರೆಕ್ಟರ್. ಕಳೆದ ಫೆಬ್ರವರಿಯಲ್ಲಿ ಬಿಡುಗಡೆಯಾಗಿ ಯಶಸ್ವಿಯಾದ "ರಕ್ಕಸಪುರದೋಳ್' ಮೂಲಕ ನಿರ್ಮಾಣಕ್ಕೆ ಕೈ ಹಾಕಿರುವ ಅವರು, ಬಾಲಿವುಡ್ನಲ್ಲಿ ಸಾಹಸ ನಿರ್ದೇಶನದ ಜತೆಜತೆಗೆ ನವಾಜುದ್ದಿನ್ ಸಿದ್ದಿಕಿ ನಾಯಕನಾಗಿರುವ "ಬ್ಲೈಂಡ್ ಬಾಬು'ಗೆ ಆ್ಯಕ್ಷನ್-ಕಟ್ ಹೇಳಿದ್ದಾರೆ. ಹೀಗೆ ಸಾಹಸ, ನಿರ್ದೇಶನ, ನಿರ್ಮಾಣಗಳಲ್ಲಿ ಬಿಜಿಯಾಗಿರುವ ರವಿ ವರ್ಮಾ, ಇತ್ತೀಚೆಗಷ್ಟೆ ವಿಜಯವಾಣಿಗೆ ಮಾತಿಗೆ ಸಿಕ್ಕಿದ್ದರು. ""ರಕ್ಕಸಪುರದೋಳ್'ಗೆ ಹಾಕಿದ್ದ ಬಜೆಟ್ ವಾಪಸ್ಸು ಬಂತು. ಅದರ ನಡುವೆಯೇ ಮೂರು ಕಥೆಗಳನ್ನು ಓಕೆ ಮಾಡಿದ್ದೇನೆ. ಇದೇ ವರ್ಷದಂತ್ಯಕ್ಕೆ ಒಂದು ಸಿನಿಮಾ ಪ್ರಾರಂಭಿಸಲಿದ್ದೇನೆ. ನಾನು ಯಾವ ಚಿತ್ರರಂಗದಲ್ಲಿ ಕೆಲಸ ಮಾಡಿದರೂ, ಕನ್ನಡದಲ್ಲಿ ಸಿನಿಮಾ ನಿರ್ಮಾಣ ಮುಂದುವರಿಸುತ್ತೇನೆ. ಜತೆಗೆ ನಾನು ನಿರ್ದೇಶಿಸುತ್ತಿರುವ ಬಾಲಿವುಡ್ನ "ಬ್ಲೆ$ಂಡ್ ಬಾಬು' ಶೂಟಿಂಗ್, ಪೋಸ್ಟ್ & ಪ್ರೊಡಕ್ಷನ್ ಮುಗಿದಿದೆ. ಇದೇ ವರ್ಷದಂತ್ಯಕ್ಕೆ ರಿಲೀಸ್ ಪ್ಲಾ$್ಯನ್ ಮಾಡುತ್ತಿದ್ದೇವೆ. ತೆಲುಗಿನಲ್ಲಿ ಬಾಲಯ್ಯ 111ನೇ ಚಿತ್ರ, ಕನ್ನಡದ "ಪರಾಕ್', "ಬಟ್ವಾರಾ 1947' ಸೇರಿ ಇನ್ನೂ ಕೆಲ ಸಿನಿಮಾಗಳಲ್ಲಿ ಕೆಲಸ ಮಾಡುತ್ತಿದ್ದೇನೆ' ಎನ್ನುತ್ತಾರೆ.
ರವಿ ವರ್ಮಾಗೆ ಕೆಲ ದಿನಗಳ ಹಿಂದಷ್ಟೇ ಸನ್ನಿ ಡಿಯೋಲ್ ಐಶಾರಾಮಿ ಲ್ಯಾಂಡ್ ರೋವರ್ ಡಿೆಂಡರ್ ಕಾರ್ ಉಡುಗೊರೆಯಾಗಿ ನೀಡಿದ್ದರು. ಆ ಬಗ್ಗೆ ರವಿ, "ಸನ್ನಿ ಸರ್ ಜತೆ "ಜಾಟ್', "ಬಾರ್ಡರ್ 2'ನಲ್ಲಿ ಕೆಲಸ ಮಾಡಿದ್ದೆ. ಅವರಿಗೆ ನನ್ನ ಕೆಲಸ ಇಷ್ಟವಾಗಿ, ಮುಂಗಡ ಹಣ ಕೊಟ್ಟು, ಡಿಸ್ಕೌಂಟ್ ಮಾಡಿಸಿ ಡಿೆಂಡರ್ ಕಾರು ಕೊಡಿಸಿದರು. ನಾನು ಇಎಂಐ ಕಟ್ಟುತ್ತಿದ್ದೇನೆ. ಜತೆಗೆ ಕೆಲ ದಿನಗಳ ಹಿಂದಷ್ಟೇ ಆಮಿರ್ ಖಾನ್ ಪ್ರೊಡಕ್ಷನ್ಸ್ನ ಎರಡು ಚಿತ್ರಗಳಲ್ಲಿ ಕೆಲಸ ಮಾಡಿದ್ದೇನೆ. ಹೀಗಾಗಿ ಬ್ಯಾನರ್ನ 25ನೇ ವರ್ಷದ ಸಂಭ್ರಮಾರಣೆಗೆ ಆಮಂತ್ರಿಸಿದ್ದರು. ನಾನು ಕೆಲಸವನ್ನು ಗೌರವಿಸಿದೆ. ಇವತ್ತು ಅದೇ ನನ್ನನ್ನು ಈ ಹಂತಕ್ಕೆ ಕರೆದುಕೊಂಡು ಬಂದಿದೆ. ಆ ಖುಷಿಯ ಜತೆಗೆ ನಾನು ನನ್ನ ಕುಟುಂಬಕ್ಕೆ, ಮಕ್ಕಳಿಗೆ ಹೆಚ್ಚು ಸಮಯ ನೀಡಲಾಗಲಿಲ್ಲವಲ್ಲಾ ಎಂಬ ಕೊರಗು ಸದಾ ಇದೆ' ಎಂದು ಹೇಳಿಕೊಳ್ಳುತ್ತಾರೆ.
ಇತ್ತೀಚೆಗೆ ದಣದ ತಂತ್ರಜ್ಞರು ಬಾಲಿವುಡ್ನಲ್ಲೂ ಮಿಂಚುತ್ತಿರುವ ಬಗ್ಗೆ, "ಇಲ್ಲಿಂದ ಸುನಾಮಿ ಎದ್ದಿದೆ. "ಕೆಜಿಎ್', "ಬಾಹುಬಲಿ', "ಕಾಂತಾರ' ದೊಡ್ಡ ಮಟ್ಟದಲ್ಲಿ ಹಿಟ್ ಆದವು. ಇಲ್ಲಿನವರು ಬಾಲಿವುಡ್ ಕಣ್ಣಿಗೆ ಬಿದ್ದರು. ನಮ್ಮವರು ಇರುವ ಬಜೆಟ್ನಲ್ಲಿ ಎಷ್ಟು ಚೆನ್ನಾಗಿ ಔಟ್ಪುಟ್ ಕೊಡಬಹುದು ಅಂತ ಚೆನ್ನಾಗಿ ಪ್ಲಾ$್ಯನ್ ಮಾಡುತ್ತಾರೆ. ಹೀಗಾಗಿ ಒಂದೊಂದಾಗಿ ಅವಕಾಶ ನೀಡತೊಡಗಿದರು. ಇಲ್ಲಿನವರಿಗೆ ಕೆಲಸ, ಅಲ್ಲಿನವರಿಗೆ ಗುಣಮಟ್ಟದ ಕಂಟೆಂಟ್ ದೊರೆಯಿತು. ಸದ್ಯ ಈ ಟ್ರೆಂಡ್ ಚೆನ್ನಾಗಿ ವರ್ಕ್ ಆಗುತ್ತಿದೆ. ಆದರೆ, ಯಾವತ್ತು ಬದಲಾಗುತ್ತೆ ಅಂತ ಹೇಳಲಾಗುವುದಿಲ್ಲ' ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ ರವಿ ವರ್ಮಾ.