"ಕುಮಾರಿ 21 ಎಫ್', "ಸನ್ ಆಫ್ ಮುತ್ತಣ್ಣ' ಬಳಿಕ ನಟ ಪ್ರಣಾಮ್ ದೇವರಾಜ್ ನಾಯಕನಾಗಿ ನಟಿಸಲಿರುವ ಸಿನಿಮಾ "ಎಂಜಿಆರ್'. ಇತ್ತೀಚೆಗಷ್ಟೆ ಅವರ ತಂದೆ ದೇವರಾಜ್ ಚಿತ್ರದ ಟೈಟಲ್ ಮತ್ತು ಸ್ಟ್ ಲುಕ್ ಬಿಡುಗಡೆ ಮಾಡಿದರು. ವಿಶೇಷ ಅಂದರೆ "ಎಂಜಿಆರ್' ಮೂಲಕ ಪ್ರಣಾಮ್ ಅಣ್ಣ ನಟ ಪ್ರಜ್ವಲ್, ಡೈನಾಮಿಕ್ ವೆಂಚರ್ಸ್ ಬ್ಯಾನರ್ ಮೂಲಕ ಮೊದಲ ಬಾರಿಗೆ ನಿರ್ಮಾಣಕ್ಕಿಳಿದಿದ್ದಾರೆ.
ದೇವರಾಜ್, "ನಾನು ಚಿತ್ರರಂಗಕ್ಕೆ ಬಂದು 30 ವರ್ಷಗಳ ಬಳಿಕ ನಿರ್ಮಾಪಕನಾದೆ. ಈಗ ಪ್ರಜ್ವಲ್ ಕೇವಲ 10,12 ವರ್ಷಗಳಿಗೆ ನಿರ್ಮಾಪಕನಾಗಿದ್ದಾನೆ. ನಮಗೆ ಸಿನಿಮಾ ಬಿಟ್ಟು ಬೇರೇನೂ ಗೊತ್ತಿಲ್ಲ. ಇಲ್ಲೇ ಏನಾದರೂ ಮಾಡಬೇಕು ಎಂಬ ತುಡಿತವಿದೆ. ಪ್ರಣಾಮ್ ಲುಕ್ ನೋಡಿ ನನಗೇ ಆಶ್ಚರ್ಯವಾಯಿತು. ಮಾಸ್ಆಗಿ ಕಾಣಿಸಿಕೊಂಡಿದ್ದಾನೆ' ಎಂದು ಸಂತಸ ಹಂಚಿಕೊಂಡರು. "ಸನ್ ಆಫ್ ಮುತ್ತಣ್ಣ' ಬಳಿಕ ನಿರ್ದೇಶಕ ಶ್ರೀಕಾಂತ್ ಹುಣಸೂರ್ "ಎಂಜಿಆರ್'ನಲ್ಲಿ ಪ್ರಣಾಮ್ಗೆ ಮತ್ತೊಮ್ಮೆ ಆ್ಯಕ್ಷನ್-ಕಟ್ ಹೇಳಲಿದ್ದು, ""ಎಂಜಿಆರ್' ಎಂದರೇನು? ಎಂಬುದನ್ನು ಮುಂದಿನ ದಿನಗಳಲ್ಲಿ ಹೇಳುತ್ತೇನೆ. ಪ್ರಣಾಮ್ನ ಬೇರೆ ರೀತಿ ತೋರಿಸಲು ಪ್ರಯತ್ನಿಸಿದ್ದೇವೆ. ಒಂದೊಳ್ಳೆ ಕಾನ್ಸೆಪ್ಟ್ ಇರುವ ಚಿತ್ರವಾಗಲಿದೆ' ಎಂದರು.
ಪ್ರಜ್ವಲ್ ದೇವರಾಜ್, "2005ರಲ್ಲಿ ನಡೆಯುವ ಕಥೆಯಿದು. ಮಾರ್ಚ್ ಅಂತ್ಯಕ್ಕೆ ಅಥವಾ ಯುಗಾದಿ ಹಬ್ಬದ ಸಮಯದಲ್ಲಿ ಚಿತ್ರ ಮುಹೂರ್ತ ನೆರವೇರಲಿದೆ. ಪ್ರಣಾಮ್ಗೆ ಮಾತ್ರವಲ್ಲ ನಮ್ಮ ಬ್ಯಾನರ್ನಲ್ಲಿ ಹೊಸ ಪ್ರತಿಭೆಗಳಿಗೂ ಅವಕಾಶ ನೀಡಲಿದ್ದೇವೆ' ಎಂದರು. ನಾಯಕ ಪ್ರಣಾಮ್, ""ಎಂಜಿಆರ್'ನಿಂದ ಪ್ರಣಾಮ್ ಹೊಸ ಅಧ್ಯಾಯ ಶುರುವಾಗಲಿದೆ. ಆತ ಅಳಿಸುತ್ತಾನೆ, ನಗಿಸುತ್ತಾನೆ, ಫೈಟ್ ಮಾಡುತ್ತಾನೆ. ನನ್ನ ಲುಕ್, ಬಾಡಿ ಲಾಂಗ್ವೇಜ್ ಎರಡೂ ಬೇರೆ ರೀತಿ ಇರಲಿದೆ. ಪಾತ್ರಕ್ಕಾಗಿ ಸಾಕಷ್ಟು ಸಿದ್ಧತೆ ನಡೆಸುತ್ತಿದ್ದೇನೆ' ಎಂದು ಹೇಳಿಕೊಂಡರು.