ಲೇಡಿ ಸೂಪರ್​ಸ್ಟಾರ್​ ಇಸ್​ ಬ್ಯಾಕ್...ಯಶ್​ ನಟನೆಯ ಟಾಕ್ಸಿಕ್​ ಚಿತ್ರದಲ್ಲಿ ಹಾಟ್​ ಅವತಾರವೆತ್ತಿದ ನಯನತಾರ! Nayanthara​​

ನಯನತಾರಾ: ಲೇಡಿ ಸೂಪರ್​​ಸ್ಟಾರ್​ ಎಂದೇ ಖ್ಯಾತಿ ಪಡೆದಿರುವ ನಯನತಾರಾ ( Nayanthara ), ಕಳೆದ ಕೆಲವು ವರ್ಷಗಳಿಂದ ಕಮರ್ಷಿಯಲ್​ ಸಿನಿಮಾಗಳನ್ನು ಬದಿಗಿಟ್ಟು ಮಹಿಳಾ ಪ್ರಧಾನ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಆದರೆ, ಇದೀಗ ಮತ್ತೊಮ್ಮೆ ಕಮರ್ಷಿಯಲ್​ ಸಿನಿಮಾಗಳತ್ತ ಮುಖ ಮಾಡಿರುವಂತೆ ಕಾಣುತ್ತಿದೆ. ಒಂದು ಕಾಲದಲ್ಲಿ, ನಯನತಾರಾ ಅವರು ಸಖತ್​ ಹಾಟ್ ಅವತಾರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ತುಂಬಾ ವರ್ಷಗಳ ಬಳಿಕ ಅದೇ ಲುಕ್​ನಲ್ಲಿ ಮತ್ತೊಮ್ಮೆ ಬೆಳ್ಳಿ ಪರದೆಯ ಮೇಲೆ ರಂಜಿಸಲು ಬರುತ್ತಿದ್ದಾರೆ.

ರಾಕಿಂಗ್​​ ಸ್ಟಾರ್​ ಯಶ್ ನಟನೆಯ ಬಹುನಿರೀಕ್ಷಿತ ಟಾಕ್ಸಿಕ್ ಚಿತ್ರದಲ್ಲಿ ನಯನತಾರಾ ನಟಿಸಿದ್ದಾರೆ ಎಂಬ ಸುದ್ದಿ ತುಂಬಾ ದಿನಗಳಿಂದ ಹರಿದಾಡುತ್ತಿತ್ತು. ಇದೀಗ ನಯನತಾರಾ ಅವರ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಟಾಕ್ಸಿಕ್​ ಸಿನಿಮಾದಲ್ಲಿ ಲೇಡಿ ಸೂಪರ್​ಸ್ಟಾರ್​​ ಇರುವುದು ಖಚಿತವಾಗಿದೆ. ಇದರಿಂದ ಟಾಕ್ಸಿಕ್​ ಸಿನಿಮಾ ಮೇಲಿನ ನಿರೀಕ್ಷೆ ಗರಿಗೆದರಿದೆ.

ಇಂದು ಬಿಡುಗಡೆಯಾಗಿರುವ ಫಸ್ಟ್ ಲುಕ್​ನಲ್ಲಿ ನಯನತಾರಾ ಅವರು ಮಾಡರ್ನ್ ಡ್ರೆಡ್​ನಲ್ಲಿ ತುಂಬಾ ಸ್ಟೈಲಿಶ್​ ಆಗಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಫಸ್ಟ್​ ಲುಕ್​ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ. ತುಂಬಾ ವರ್ಷಗಳ ಬಳಿಕ ನಯನತಾರಾ ಅವರನ್ನು ಹಳೇ ಗೆಟಪ್​ನಲ್ಲಿ ನೋಡಿದ ಸಿನಿರಸಿಕರು ಲೇಡಿ ಸೂಪರ್​ಸ್ಟಾರ್​ ಇಸ್​ ಬ್ಯಾಕ್​ ಎಂದು ಹೊಗಳುತ್ತಿದ್ದಾರೆ.

ಅಂದಹಾಗೆ, ಕೆಜಿಎಫ್ ಸರಣಿಯ ಯಶಸ್ಸಿನ ಬಳಿಕ ಕನ್ನಡದ ಸ್ಟಾರ್ ನಟ ಯಶ್, ಟಾಕ್ಸಿಕ್ ಚಿತ್ರದಲ್ಲಿ ನಟಿಸಿದ್ದಾರೆ. ಗೀತು ಮೋಹನ್ ದಾಸ್ ನಿರ್ದೇಶನದಲ್ಲಿ ಈ ಚಿತ್ರ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅದ್ಧೂರಿಯಾಗಿ ತಯಾರಾಗಿದೆ. ಕನ್ನಡ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಏಕಕಾಲದಲ್ಲಿ ಚಿತ್ರೀಕರಣಗೊಂಡಿದೆ. ಈ ಚಿತ್ರದಲ್ಲಿ ಕಿಯಾರಾ ಅಡ್ವಾಣಿ ನಾಯಕಿಯಾಗಿ ನಟಿಸುತ್ತಿದ್ದರೆ, ನಯನತಾರಾ ಗಂಗಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಫಸ್ಟ್​ ಲುಕ್​ ಪೋಸ್ಟ್​ನಲ್ಲಿ ಘೋಷಿಸಲಾಗಿದೆ.