ಎಸ್.ಮಹೇಂದರ್- ಹಂಸಲೇಖ ಕಾಂಬಿನೇಷನ್ ಚಿತ್ರಕ್ಕೆ ‘ಕೆಂಬರಗ' ಟೈಟಲ್ ಫಿಕ್ಸ್

ಚಿತ್ರತಂಡ ‘ಕೆಂಬರಗ’ದ ಅರ್ಥ ಗುಟ್ಟಾಗಿಟ್ಟಿದ್ದರೂ, ಸಿನಿಮಾ ಪ್ರೇಮಿಗಳು ಅದರ ಅರ್ಥ ಹುಡುಕಾಟದಲ್ಲಿ ಬಿಜಿಯಾಗಿದ್ದಾರೆ. ರಾಜ್ಯದ ಕೆಲ ಗ್ರಾಮೀಣ ಪ್ರದೇಶಗಳಲ್ಲಿ ಮನೆಯ ಕಂಭ, ಸ್ತಂಭ ಅಥವಾ ಪಿಲ್ಲರ್‌ಅನ್ನು ಕೆಂಬರಗ ಎಂದೂ ಕರೆಯುತ್ತಾರೆ. ಹಾಗೇ ‘ಮಲೆ ಮಹದೇಶ್ವರ’ ಹಾಡಿನಲ್ಲಿ ‘ಮಹದೇವರು ಬರುತ್ತಿದ್ದಾರೆ ದಾರಿ ಬಿಡಿ’ ಹಾಡಿನಲ್ಲಿ ‘ಕರಿಬರಗ’ ಮತ್ತು ‘ಕೆಂಬರಗ’ ಪದಗಳಿವೆ. ‘ಉತ್ತರ ದೇಶದ ಪುಟ್ಟ ಮರಿದೇವರು, ಹನ್ನೆರಡು ಹೆಜ್ಜೆ ಕರಿಬರಗ, ಅದಕ್ಕೆ ಬ್ಯಾಲದ ಕಾಯಿ ಗಾತ್ರ ಕಣ್ಣುಗುಡ್ಡೆಗಳು... ದೊಡ್ಡಕೆ ಸೂತ್ರ ಶಿವದಾರ, ಕೆಂಬರಗ ಮ್ಯಾಲೆ ಎಳೆಗಾವಿ, ಸುಳಿಗಾವಿ ಮಂಡೆ ಮ್ಯಾಲೆ ಮುಸುಕಿಟ್ಟು...’ ಎಂದು ಭಕ್ತಿಗೀತೆ ಸಾಗುತ್ತದೆ.