ಸಂಗೀತ ಕಾರ್ಯಕ್ರಮಕ್ಕೆ ತೆರಳುವ ಮುನ್ನವೇ ಅಭಿಮಾನಿಗಳತ್ತ ಕೈಬೀಸಿ ಸಂಭ್ರಮ ಹಂಚಿಕೊಂಡ ಸೋನು ನಿಗಮ್! ವಿಡಿಯೋ ವೈರಲ್​.. Sonu Nigam

ಸೋನು ರೋಟರ್‌ಡ್ಯಾಮ್‌ನಲ್ಲಿ ಆಯೋಜಿಸಿದ್ದ ತಮ್ಮ ಬಹುನಿರೀಕ್ಷಿತ ಸಂಗೀತ ಕಚೇರಿಗೆ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು. ಈ ವೇಳೆ ಅವರಿಂದ ಸ್ವಲ್ಪ ದೂರದಲ್ಲೇ ಮತ್ತೊಂದು ಕಾರಿನಲ್ಲಿದ್ದ ಯುವಕರ ಗುಂಪೊಂದು ಉತ್ಸಾಹದಿಂದ ಧುರಂಧರ್​ ಚಿತ್ರದ ಇಷ್ಕ್ ಇಷ್ಕ್ ಹಾಡನ್ನು ಹಾಡುತ್ತಿದ್ದರು. ಈ ಕ್ಷಣವನ್ನು ಸೆರೆಹಿಡಿದ ಸೋನು ಜೋರಾಗಿ ಆನಂದಿಸುತ್ತಾ ನೋಡಿ, ಅವರು ನನ್ನ ಹಾಡನ್ನು ಕೇಳುತ್ತಾ ಸಂಭ್ರಮಿಸುತ್ತಿದ್ದಾರೆ. ಆದರೆ ನಾನು ಅವರ ಕಾರಿನ ಹಿಂದೆಯೇ ಇದ್ದೇನೆ ಎಂಬ ಸಣ್ಣ ಸುಳಿವು ಕೂಡ ಅವರಿಗೆ ಇಲ್ಲ. ಬಹುಶಃ ಅವರು ನನ್ನದೇ ಕಾರ್ಯಕ್ರಮಕ್ಕೆ ಹೋಗುತ್ತಿರಬಹುದು ಎಂದು ಹೇಳಿದರು.

ಅಭಿಮಾನಿಗಳು ಉತ್ಸಾಹದಿಂದ ಇರುವುದನ್ನು ಕಂಡುಕೊಂಡ ಸೋನು ತಾವು ಇರುವ ಜಾಗದಿಂದಲೇ ಹಾಡಿನ ಪ್ರದರ್ಶನವನ್ನು ಪ್ರಾರಂಭಿಸಿದರು. ನಂತರ ಚಾಲಕನಿಗೆ ಅವರ ಕಾರಿನ ಹತ್ತಿರ ಹೋಗಲು ಹೇಳಿದರು. ಈ ವೇಳೆ ಅಭಿಮಾನಿಗಳು ಕಾರಿನಲ್ಲಿದ್ದ ಗಾಯಕನನ್ನು ನೋಡಿದಾಗ ಅವರು ತುಂಬಾ ಸಂತೋಷ ಪಡುತ್ತಾ ಸಾಗುವುದನ್ನು ವಿಡಿಯೋದಲ್ಲಿ ಸೆರೆ ಹಿಡಿಯಲಾಗಿದೆ.

ಈ ವಿಡಿಯೋವನ್ನು ಗಾಯಕ ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುವುದರ ಜೊತೆಗೆ ನಿಮ್ಮ ಪ್ರೇಕ್ಷಕರಿಗಾಗಿ ಅವರ ಕಾರುಗಳಲ್ಲಿಯೇ ನಿಮ್ಮ ಸಂಗೀತ ಕಚೇರಿ ಈಗಾಗಲೇ ಪ್ರಾರಂಭವಾಗಿದೆ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.

ಈ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದ್ದಂತೆಯೇ ಅನೇಕ ಸಾಮಾಜಿಕ ಬಳಕೆದಾರರು ಈ ವಿಡಿಯೋಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಆದಾಗ್ಯೂ, ಹಾಸ್ಯನಟ ತನ್ಮಯ್ ಭಟ್ ತುಂಬಾ ತಮಾಷೆಯಾಗಿದೆ ಎಂದು ಕಾಮೆಂಟ್ ಮಾಡಿದರೆ, ಮತ್ತೊಬ್ಬ ಅಭಿಮಾನಿ ನಿಮ್ಮ ಮಾತುಗಳನ್ನು ಕೇಳಿದರೆ ಅಭಿಮಾನಿಗಳಿಗೆ ಸಂತೋಷವಾಗುತ್ತದೆ ಎಂದು ಬರೆದಿದ್ದಾರೆ.

ಹರಿಯಾಣದ ಫರಿದಾಬಾದ್‌ನಲ್ಲಿ ಜನಿಸಿದ ಸೋನು ನಿಗಮ್​ , ಮೂರು ದಶಕಗಳಿಂದ ಬಾಲಿವುಡ್ ಮತ್ತು ಕನ್ನಡ ಸೇರಿದಂತೆ ವಿವಿಧ ಭಾಷೆಗಳಲ್ಲಿ ಸಾವಿರಾರು ಜನಪ್ರಿಯ ಗೀತೆಗಳನ್ನು ಹಾಡುವ ಮೂಲಕ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ.ಆಧುನಿಕ ಮೊಹಮ್ಮದ್ ರಫಿ ಎಂದೇ ಕರೆಯಲ್ಪಡುವ ಇವರು, 2023 ರಲ್ಲಿ ಪ್ರತಿಷ್ಠಿತ ಪದ್ಮಶ್ರೀ ಪ್ರಶಸ್ತಿ ಗೌರವಕ್ಕೆ ಭಾಜನರಾಗಿದ್ದಾರೆ (ಏಜೆನ್ಸೀಸ್​).