ಕನ್ನಡದ "ಹೆಬ್ಬುಲಿ' ಸೇರಿ 40ಕ್ಕೂ ಅಧಿಕ ತಮಿಳು, ತೆಲುಗು ಹಾಗೂ ಮಲಯಾಳಂ ಚಿತ್ರಗಳಲ್ಲಿ ನಟಿಸಿರುವ ಅಮಲಾ ಪೌಲ್ "ಲೆವೆಲ್ ಕ್ರಾಸ್' (2024) ಬಳಿಕ ಮತ್ತೆ ತೆರೆಯ ಮೇಲೆ ಕಾಣಿಸಿಕೊಂಡಿಲ್ಲ. ಇತ್ತೀಚೆಗಷ್ಟೆ 2019ರಲ್ಲಿ ತೆರೆಕಂಡ ಸರ್ವೈವಲ್ ಥ್ರಿಲ್ಲರ್ "ಆದೈ' (2019) ಚಿತ್ರದಲ್ಲಿ ಬೋಲ್ಡ್ ನಟನೆಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. "ನನಗೆ ಮೊದಲು ನಿರ್ದೇಶಕ (ರತ್ನಕುಮಾರ್) ಮತ್ತು ಛಾಯಾಗ್ರಾಹಕ (ವಿಜಯ್ ಕಾರ್ತಿಕ್) ಇಬ್ಬರನ್ನು ಸಂಪೂರ್ಣವಾಗಿ ನಂಬಬೇಕಿತ್ತು. ಇವರು ಭಾವನಾತ್ಮಕವಾಗಿ ಸಾಗುವಂತೆ ಚಿತ್ರಿಸುತ್ತಾರಾ? ಅಥವಾ ಸುಖಾಸುಮ್ಮನೆ ಬೋಲ್ಡ್ ಆಗಿ ತೋರಿಸುತ್ತಾರಾ ಅಂತ ತುಂಬ ಯೋಚಿಸಿದೆ. ಒಮ್ಮೆ ನನ್ನಲ್ಲಿ ಆ ನಂಬಿಕೆ ಬಂದಾಗ, ಇದೊಂದು ಸುಂದರ ಸೃಜನಾತ್ಮಕ ಪ್ರಕ್ರಿಯೆ ಅಂತ ಪರಿಗಣಿಸಿ, ಒಪ್ಪಿದೆ. ತುಂಬ ಕಡಿಮೆ ಜನರೊಂದಿಗೆ ಅಂತಹ ಸನ್ನಿವೇಶಗಳನ್ನು ಚಿತ್ರೀಕರಿಸಿದೆವು. ಶೂಟಿಂಗ್ ಸಮಯದಲ್ಲೂ ನನಗೆ ನನ್ನ ಇಮೇಜ್ ಬಗ್ಗೆ ಭಯವಿತ್ತು. ಇದೀ ರೀತಿಯ ಪಾತ್ರಗಳಿಗೆ ಸೀಮಿತವಾಗುವುದು ನನಗಿಷ್ಟವಿರಲಿಲ್ಲ. ಈಗ ಯಾರಾದರೂ ಬಂದು "ಆದೈ' ರೀತಿಯ ಪಾತ್ರಕ್ಕೆ ಆರ್ ಮಾಡಿದರೆ, ನಾನು ಖಂಡಿತ ಒಪ್ಪಲ್ಲ' ಎಂದು ಹೇಳಿಕೊಂಡಿದ್ದಾರೆ.