'ಪರಮಾತ್ಮ'ನ ಹುಟ್ಟುಹಬ್ಬಕ್ಕೆ 'ಆಕಾಶ್'​ ರೀ-ಎಂಟ್ರಿ! ಈ ದಿನದಂದು ತೆರೆ ಕಾಣಲಿದೆ 'ಅಪ್ಪು' ನಟನೆಯ ಬ್ಲಾಕ್​ಬಸ್ಟರ್​​ ಚಿತ್ರ

ಬೆಂಗಳೂರು: ಕನ್ನಡ ಚಿತ್ರರಂಗದ ನೆಚ್ಚಿನ 'ಪವರ್​ಸ್ಟಾರ್'​, ಅಭಿಮಾನಿಗಳ ಪ್ರೀತಿಯ 'ಅಪ್ಪು', ಡಾ. ಪುನೀತ್ ರಾಜ್​ಕುಮಾರ್​ ಅಭಿನಯದ 2005ರಲ್ಲಿ ತೆರೆಕಂಡ ಬ್ಲಾಕ್​ಬಸ್ಟರ್​ ಹಿಟ್​ 'ಆಕಾಶ್'​ ಸಿನಿಮಾ ಇದೀಗ ರೀ-ರಿಲೀಸ್​ಗೆ ಎದುರುನೋಡುತ್ತಿದೆ. ಇದು ಪುನೀತ್​ ಅವರ ಅಭಿಮಾನಿಗಳಲ್ಲಿ ಭಾರೀ ಸಂತಸ ಮೂಡಿಸಿದೆ. 

ಕರುನಾಡಿನಲ್ಲಿ ಮಾತ್ರವಲ್ಲದೇ ದೇಶ-ವಿದೇಶಗಳಲ್ಲಿಯೂ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿರುವ ಪುನೀತ್ ರಾಜ್​ಕುಮಾರ್​ ಅವರ ಜನ್ಮದಿನವನ್ನು ಈ ಬಾರಿ ಇನ್ನೂ ವಿಶೇಷವಾಗಿ ಸಂಭ್ರಮಿಸಲು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ ಹಾಗೂ ಸಾಕಷ್ಟು ತಯಾರಿಗಳನ್ನು ನಡೆಸುತ್ತಿದ್ದಾರೆ. ಈ ಮಧ್ಯೆ, ಪುನೀತ್ ಅವರ ಪತ್ನಿ, ನಿಮಾರ್ಪಕಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ಅವರು ಅಪ್ಪು ಹುಟ್ಟುಹಬ್ಬಕ್ಕೆ ಅವರ ಫ್ಯಾನ್ಸ್​ಗಳಿಗೆ 'ಆಕಾಶ್'​ ಸಿನಿಮಾವನ್ನು ಮರುಬಿಡುಗಡೆ ಮಾಡುವುದಾಗಿ ತಿಳಿಸಿದ್ದಾರೆ.