ಬೆಂಗಳೂರು: "ನಮ್ ಗಣಿ ಬಿಕಾಂ ಪಾಸ್' (2019) ಮೂಲಕ ಚಿತ್ರರಂಗಕ್ಕೆ ನಾಯಕ, ನಿರ್ದೇಶಕನಾಗಿ ಪದಾರ್ಪಣೆ ಮಾಡಿದ ಅಭಿಷೇಕ್ ಶೆಟ್ಟಿ, ಚೊಚ್ಚಲ ಪ್ರಯತ್ನದಲ್ಲೇ ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸುವಲ್ಲಿ ಸಕ್ಸಸ್ ಆಗಿದ್ದರು. ನಂತರ "ಗಜಾನನ ಆ್ಯಂಡ್ ಗ್ಯಾಂಗ್' ಮತ್ತು "ಆರಾಮ್ ಅರವಿಂದಸ್ವಾಮಿ' ಚಿತ್ರಗಳನ್ನು ನಿರ್ದೇಶಿಸಿದ್ದ ಅವರು, ಇದೀಗ ಏಳು ವರ್ಷಗಳ ಬಳಿಕ ಗಣಿ ಕಥೆಯನ್ನು ಮುಂದುವರಿಸುವ ಮೂಲಕ ಮತ್ತೊಮ್ಮೆ ನಗಿಸಲು ರೆಡಿಯಾಗಿದ್ದಾರೆ. ಹೌದು, "ನಮ್ ಗಣಿ ಬಿಕಾಂ ಪಾಸ್ 2' ಇದೇ ನ. 27ಕ್ಕೆ ರಿಲೀಸ್ ಆಗಲಿದೆ. ಚಿತ್ರದ ಬಗ್ಗೆ ನಾಯಕ, ನಿರ್ದೇಶಕ ಅಭಿಷೇಕ್ ಶೆಟ್ಟಿ, "ಮೊದಲ ಕಥೆಯಲ್ಲಿ ಏನೆಲ್ಲ ನಡೆದಿತ್ತು ಎಂಬುದನ್ನು ಸಂಪ್ತವಾಗಿ ಆ್ಯನಿಮೇಷನ್ ಮೂಲಕ ಹೇಳಿ, ನಂತರ ಎರಡನೇ ಭಾಗದ ಕಥೆ ಮುಂದುವರಿಯಲಿದೆ. ಮನೆ ಅಳಿಯನಾಗಿ ಶ್ರೀಮಂತರ ಮನೆ ಸೇರಿಕೊಳ್ಳುವ ಗಣಿ ಅಲ್ಲಿ ಏನೆಲ್ಲ ಮಾಡುತ್ತಾನೆ ಎಂಬುದರ ಸುತ್ತ ಈ ಸೀಕ್ವೆಲ್ ಸಾಗಲಿದೆ. ಯುವಜನರನ್ನು ಪ್ರೇರೇಪಿಸುವ ್ಯಾಮಿಲಿ ಎಂಟರ್ಟೇನರ್ ಚಿತ್ರವಿದು. ಮೊದಲ ಸಿನಿಮಾ 116 ನಿಮಿಷವಿತ್ತು. ಅದೇ ರೀತಿ 110 ನಿಮಿಷಗಳಲ್ಲಿ ಎಲ್ಲೂ ಬೋರ್ ಆಗದಂತೆ ನಗುತ್ತಾ, ನಗಿಸುತ್ತಾ ಸಾಗುವ ಫಿಲ್ ಗುಡ್ ಕಥೆಯನ್ನು ಇಲ್ಲಿ ನಿರೂಪಿಸಿದ್ದೇವೆ. ಬೆಂಗಳೂರು, ಸಕಲೇಶಪುರ ಸುತ್ತಮುತ್ತ 35 ದಿನಗಳ ಕಾಲ ಚಿತ್ರೀಕರಣ ಮಾಡಿದ್ದೇವೆ. ಈಗಾಗಲೇ ಪೋಸ್ಟ್&ಪ್ರೊಡಕ್ಷನ್ ಪೂರ್ಣಗೊಂಡಿದ್ದು, ಸದ್ಯ "ನಮ್ ಗಣಿ ಬಿಕಾಂ ಪಾಸ್ 2' ಸೆನ್ಸಾರ್ ಹಂತದಲ್ಲಿದೆ' ಎಂದು ಮಾಹಿತಿ ನೀಡುತ್ತಾರೆ. ಚಿತ್ರದಲ್ಲಿ ಅಭಿಷೇಕ್ಗೆ ಹೃತಿಕಾ ಶ್ರೀನಿವಾಸ್ ಜೋಡಿಯಾಗಿದ್ದಾರೆ.
ಒಟಿಟಿಗಳಲ್ಲಿ ಇವತ್ತು ಜನ ಎಲ್ಲ ಭಾಷೆಗಳ ಸಿನಿಮಾಗಳನ್ನು ನೋಡುತ್ತಿದ್ದಾರೆ. ಅದೇ ರೀತಿ "ಕನ್ನಡದಲ್ಲಿ ಮಾತ್ರ ರಿಲೀಸ್ ಆಗಿದ್ದ "ನಮ್ ಗಣಿ ಬಿಕಾಂ ಪಾಸ್' ಚಿತ್ರವನ್ನು ತೆಲುಗು ಪ್ರೇಕ್ಷಕರು ಇಷ್ಟಪಟ್ಟಿದ್ದರು. ಟಾಲಿವುಡ್ನಲ್ಲಿ ಈ ಕ್ರೇಜ್ ನೋಡಿ, ತಂಡವೊಂದು ರಿಮೇಕ್ ರೈಟ್ಸ್ ಕೂಡ ಖರೀದಿಸಿತ್ತು. ಹೀಗಾಗಿ ಈ ಸೀಕ್ವೆಲ್ಅನ್ನು ತೆಲುಗಿನಲ್ಲೂ ರಿಲೀಸ್ ಮಾಡಬೇಕು ಅಂತ ಅಂದುಕೊಂಡಿದ್ದು, ಡಬ್ಬಿಂಗ್ ಕೆಲಸಗಳೂ ಮುಗಿದಿದೆ. ನ. 27ರಂದು ಮೊದಲು ಕನ್ನಡದಲ್ಲಿ ರಿಲೀಸ್ ಮಾಡಿ ನಂತರ ತೆಲುಗಿನಲ್ಲಿ ಬಿಡುವ ಮಾಡುವ ಆಲೋಚನೆಯಿದೆ' ಎನ್ನುತ್ತಾರೆ ಅಭಿಷೇಕ್.