ಹತ್ತು ಸಾವಿರಕ್ಕೂ ಹೆಚ್ಚು ಸೋಂಕು ಪ್ರಕರಣಗಳು ದೃಢ: 6 ಲಕ್ಷ ಸಮೀಪಿಸಿದ ಸೋಂಕಿತರ ಸಂಖ್ಯೆ

ಒಂದೇ ದಿನ 87,475 ಮಾದರಿಗಳ ಪರೀಕ್ಷೆ : 10,453 ಸೋಂಕು ಪ್ರಕರಣ ವರದಿ

ಬೆಂಗಳೂರು : ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ಹತ್ತು ಸಾವಿರಕ್ಕೂ ಹೆಚ್ಚು ಕರೊನಾ ಸೋಂಕು ಪ್ರಕರಣಗಳು ವರದಿಯಾಗಿದ್ದು, ಸೋಂಕಿತರ ಸಂಖ್ಯೆ 6 ಲಕ್ಷ ಗಡಿ ಸಮೀಪಿಸಿದೆ. ಕಳೆದ 24 ಗಂಟೆಗಳಲ್ಲಿ 10,453 ಹೊಸ ಪ್ರಕರಣಗಳು ದಾಖಲಾಗಿದ್ದು, ಸೋಂಕಿತರ ಸಂಖ್ಯೆ 5,92,911ಕ್ಕೆ ಏರಿಕೆಯಾಗಿದೆ. ಈ ಹಿಂದೆ (ಸೆ. 13ರಂದು) 9,894 ಪ್ರಕರಣಗಳು ವರದಿಯಾಗಿತ್ತು.

ಕೆಲ ದಿನಗಳಿಂದ ಸೋಂಕಿತರು ಹಾಗೂ ಗುಣಮುಖರ ಸಂಖ್ಯೆಯಲ್ಲಿ ಏರಿಳಿತವಾಗುತ್ತಿದ್ದು, ಸಾವಿನ ಪ್ರಮಾಣ ಕಡಿಮೆಯಾಗಿತ್ತು. ಆದರೆ ಮಂಗಳವಾರ ಸೋಂಕಿತರೊಂದಿಗೆ ಮೃತರ ಸಂಖ್ಯೆಯೂ ಏರಿಕೆಯಾಗಿದೆ. 136 ಮಂದಿ ಸಾವಿನೊಂದಿಗೆ ಈವರೆಗೂ 8,777 ಮಂದಿ ಸೋಂಕಿಗೆ ಬಲಿಯಾಗಿರುವುದು ಆತಂಕ ಹೆಚ್ಚಿಸಿದೆ. ಇನ್ನು ಆಸ್ಪತ್ರೆಯಿಂದ ಬಿಡುಗಡೆ ಹೊಂದುವವರ ಸಂಖ್ಯೆ 6,628 ಕಡಿಮೆಯಾಗಿದ್ದು, ಸಕ್ರೀಯ ಪ್ರಕರಣಗಳ ಸಂಖ್ಯೆ 1.07 ಲಕ್ಷಕ್ಕೆ ಏರಿಕೆಯಾಗಿದೆ. ಈ ಪೈಕಿ 815 ಸೋಂಕಿತರ ಸ್ಥಿತಿ ಗಂಭೀರವಾಗಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

ಹೆಚ್ಚಿದ ಪರೀಕ್ಷೆ ಸಂಖ್ಯೆ
ಮಂಗಳವಾರ ಹೆಚ್ಚಿನ ಸಂಖ್ಯೆಯಲ್ಲಿ ಕೋವಿಡ್ ಪರೀಕ್ಷೆ ನಡೆಸಲಾಗಿದ್ದು, ಸೋಂಕು ಪ್ರಕರಣಗಳು ಹೆಚ್ಚು ದೃಢಪಟ್ಟಿವೆ. 45,141 ರ‌್ಯಾಪಿಡ್ ಆ್ಯಂಟೀಜನ್ ಟೆಸ್ಟ್ ಹಾಗೂ 42,334 ಆರ್‌ಟಿಪಿಸಿಆರ್ ಪರೀಕ್ಷೆ ಸೇರಿದಂತೆ ಒಂದೇ ದಿನ 87,475 ಮಾದರಿಗಳ ಪರೀಕ್ಷೆ ನಡೆಸಲಾಗಿದ್ದು, 10,453 ಸೋಂಕು ಪ್ರಕರಣಗಳು ವರದಿಯಾಗಿವೆ.

ಎಲ್ಲೆಲ್ಲಿ ಹೊಸ ಪ್ರಕರಣಗಳು?

ಬೆಂಗಳೂರು ನಗರದಲ್ಲಿ 4,868 (67 ಸಾವು), ಹಾಸನ 475 (10), ಮೈಸೂರು 414 (7), ದಕ್ಷಿಣ ಕನ್ನಡ 362 (9), ಶಿವಮೊಗ್ಗ 347 (6), ಉಡುಪಿ 319 (2), ಬಳ್ಳಾರಿ 313 (2), ಬೆಂಗಳೂರು ಗ್ರಾಮಾಂತರ 305 (0), ತುಮಕೂರು 297 (3), ದಾವಣಗೆರೆ 288 (0), ಮಂಡ್ಯ 259 (2), ಚಿತ್ರದುರ್ಗ 186 (3), ಚಿಕ್ಕಮಗಳೂರು 177 (1), ಕಲಬುರಗಿ 161 (2), ಧಾರವಾಡ 145 (4), ಕೊಪ್ಪಳ 143 (5), ಚಿಕ್ಕಬಳ್ಳಾಪುರ 141 (1), ವಿಜಯಪುರ 138 (1), ಬೆಳಗಾವಿ 128 (3), ಬಾಗಲಕೋಟೆ 128 (0), ಉತ್ತರ ಕನ್ನಡ 125 (0), ಚಾಮರಾಜನಗರ 122 (2), ಯಾದಗಿರಿ 117 (0), ಗದಗ 111 (1), ರಾಯಚೂರು 100 (0), ಹಾವೇರಿ 75 (2), ಕೋಲಾರ 72 (0), ಬೀದರ್ 70 (0), ಕೊಡಗು (57), ರಾಮನಗರ 10 (1) ಸೇರಿದಂತೆ ರಾಜ್ಯದಲ್ಲಿ 10,453 ಮಂದಿಯಲ್ಲಿ ಸೋಂಕು ದೃಢಪಟ್ಟಿದ್ದು, 136 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.

ಚಿಕಿತ್ಸೆ ಪಡೆಯುತ್ತಿರುವವರು -1,07,737

ಗುಣಮುಖರಾದವರು - 4,76,378

ಅನ್ಯಕಾರಣದಿಂದ ಸಾವು - 19

ಮೃತಪಟ್ಟವರು - 8,777

ಒಟ್ಟು ಸೋಂಕಿತರು - 5,92,911

ಪರೀಕ್ಷಿಸಿದ ಮಾದರಿಗಳು - 48,06,197

ನಿಗಾದಲ್ಲಿರುವವರು - 1,66,819

ಬಾಕ್ಸ್