ಸ್ವರಸಂಕುಲ ಸಂಗೀತ ಸಭಾ ಕನ್ನಡಿ ಕ್ರಿಯೇಷನ್ಸ್ ಸಹಯೋಗದಲ್ಲಿ ‘ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ’ ಹಾಗೂ ಜಗನ್ನಾಥ ಶೆಣೈ ಮತ್ತು ಪಂಡಿತ್ ಇಂದೂಧರ ನಿರೋಡಿ ಅವರ ಕುರಿತು ತಯಾರಿಸಿರುವ ‘ಸಾಕ್ಷ್ಯಚಿತ್ರಗಳ ಬಿಡುಗಡೆ’ ಕಾರ್ಯಕ್ರಮವನ್ನು ನ.10 ರಂದು ಸಂಜೆ 5 ಗಂಟೆಗೆ ಕುವೆಂಪುನಗರದ ಗಾನಭಾರತಿ ವೀಣೆ ಶೇಷಣ್ಣ ಭವನದಲ್ಲಿ ಆಯೋಜಿಸಲಾಗಿದೆ.
ಪಂಡಿತ್ ರಾಮರಾವ್ ನಾಯಕ್ ಸ್ಮರಣಾರ್ಥವಾಗಿ ಪೂನಾದ ಪಂಡಿತ್ ನಿಶಾದ್ ಬಾಕ್ರೆಯವರಿಂದ ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ ಹಾಡುಗಾರಿಕೆ ನಡೆಯಲಿದೆ. ಪಂಡಿತ್ ವೀರಭದ್ರಯ್ಯ ಹಿರೇಮಠ (ಹಾರ್ಮೋನಿಯಂ) ಹಾಗೂ ಭೀಮಾಶಂಕರ್ ಭಿದನೂರ್ (ತಬಲಾ) ಸಾಥ್ ನೀಡಲಿದ್ದಾರೆ.